1కొరింతి 9:12 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹² ଜଦି ମିମାଣୁକୁ ଇୟାୱାଜା ଆସା କିନି ଉଣ୍ତିଙ୍ଗ୍‌ ଆଇୱାରିଙ୍ଗ୍‌ ଅଦିକାର୍‌ ମାନାତ୍‌, ଆର୍‌ତିଙ୍ଗ୍‌ ମା ଅଦିକାର୍‌ ଇନିକା ୱାରିମାଣୁକୁ ମାରି ନାଣ୍ତ ସିଲେ ? ମାରିବା ମାପ୍‌ ଆୟା ଅଦିକାର୍‌ ବ୍ୟବ୍‌ହାର୍‌ କିଏପ୍‌; ମାତର୍‌ ଏଣ୍ତେସ୍‌ କ୍ରିସ୍ତଦି ସୁସମାଚାର୍‌ ପ୍ରଚାର୍‌ତୁ ଇନି ବାଦା ସମାକିତ୍‌, ଇୟାଉଣ୍ତିଙ୍ଗ୍‌ ମାପ୍‌ ୱିଜୁ ସାସ୍‌ କିଜିନାପ୍‌ ।

Konda: కొండ బాసదు నెగ్గి కబ్రు

¹² మీ బాణిఙ్‌ సాయం లొసె ఆదెఙ్‌ మహి వరిఙ్‌ అతికారం మనాద్‌ ఇహిఙ, మఙి వరిఙ్‌ ఇంక ఒద్దె అక్కు సిల్లెదా? గాని మాపు యా అతికారమ్‌దిఙ్‌ వాడ్ఃదెఙ్‌ సిల్లెద్‌. అక్కాదె అఎండ క్రీస్తు సువార్తదిఙ్‌ ఇని అడ్డుబా రెఎండ మండ్రెఙ్‌ ఇజి విజు వన్కాఙ్‌ బరిస్తాప్.

1కొరింతి 9:12 Referans Kwoze

2కొరింతి 11:12

ମାତର୍‌ ଇଲେ ନାନୁ ଆମାକା କିଜିନା, ଆକା କିଜିମାନା । ଆର୍‌ତିଙ୍ଗ୍‌, ମା ୱାଜା ପାଣି କିଜିନିଦେର୍‌ ଇଜି ଆଇ “ପେରିତ୍‍ର୍‍” ଗର୍ବ କିନାର୍, ୱାର୍‌ ମାରି ଆକା କିଦେଙ୍ଗ୍ ଆଟ୍‍ଏର୍‍ ।

1కొరింతి 9:18

ଆର୍‌ତିଙ୍ଗ୍‌ ନାନ୍‌ ଇନି ପୁରସ୍କାର୍‌ ପୟ୍‌ଜିନା ? ୱିଜେରି ଲାକ୍‌ତୁ ଆରେଏ ସୁସମାଚାର୍‌ ପ୍ରଚାର୍‌ କିଜିନା, ଇକା ନା ପୁରସ୍କାର୍‌, ଆୟାଉଣ୍ତିଙ୍ଗ୍‌ ସୁସମାଚାର୍‌ ପ୍ରଚାର୍‌ ଉଣ୍ତିଙ୍ଗ୍‌ ନାନ୍‌ ଇନି ସୁଜୋଗ୍‌ ସୁବିଦା ୱେଡ଼ିକା କିନି ଉଣ୍ତିଙ୍ଗ୍‌ ଅଦିକାର୍‌ ବ୍ୟବ୍‌ହାର୍‌ ଆଏତ୍‍ ।

1కొరింతి 9:15

ମାତର୍‌ ନାନ୍‌ ଇୟାୱିଜୁ ବିସୟ୍‌ ଇନିକା ବ୍ୟବ୍‌ହାର୍‌ କିଏ, ମାରି ନା ଉଣ୍ତିଙ୍ଗ୍‌ ଜେ ଇୟାୱାଜା କିଆନାତ୍‌, ଇୟାଉଣ୍ତିଙ୍ଗ୍‌ ନାନ୍‌ ଇୟାୱିଜୁ ରାସ୍‌ଏ; ଇରିଙ୍ଗ୍‌ ଏନ୍‌ ନା ଇୟା ଗର୍ବଦିଙ୍ଗ୍‌ ବେକାର୍‌ତିକା ପାର୍‌ମାଣ୍‌ କିନି ବାଦ୍‌ଲୁ ସାନିକା ନା ଉଣ୍ତିଙ୍ଗ୍‌ ନେଗେତ୍‌ ।

1కొరింతి 9:2

ଆଇକାର୍‌ ନାଙ୍ଗିଁ ପେରିତ ସିସୁ ଇଜି ମାନାଏତିଙ୍ଗ୍‌ ବା ମିର୍‌ ମାନାତି ମାନିଦେର୍‌, ଇରିଙ୍ଗ୍‌ ପ୍ରବୁଦି ୱାଲେ ମି ଜିବନ୍‌ତି ମିସାନି ଉଣ୍ତିଙ୍ଗ୍‌ ନା ପ୍ରେରିତ ପାର୍‌ମାଣ୍‌ ମିର୍‌ ପୟ୍‌ତିମାନିଦେର୍‌ ।

2కొరింతి 11:20

ଜଦି ଏନ୍‌ ମି ମୁସ୍‌କୁ ଅଦିକାର୍‍ କିଜି ସାକର୍‌ କିତିଙ୍ଗ୍‌, ମି ୱିଜୁ ଦନସମ୍ପତି ଆସ୍‌ତିଙ୍ଗ୍‌, ମିଙ୍ଗିଁ ଉରିଦୁ ପକ୍‍ତିଙ୍ଗ୍‍, ମିଙ୍ଗିଁ କାଡ଼ିତିଙ୍ଗ୍‍, ଇୟାୱାଜା ଜେ ମି ବୁଗୁଲିଦୁ ସାପୁଡ଼ା ଡାକ୍‌ତିଙ୍ଗ୍ ବା ମିର୍‌ ଆକା ସାସ୍‌କିଜିନିଦେର୍‌ ।

2కొరింతి 6:3

ଆମା ସେବାକିନି ବାଡି ମାପ୍‌ ପୟ୍‍ତା ମାନାପ୍, ତାନି ଦସ୍‍ ଏଣ୍ତେସ୍‌ ଆଏତ୍‍, ଆୟାଉଣ୍ତିଙ୍ଗ୍‌ ମାପ୍‌ ଏମେୱାନି ପାଣିଦୁ ବାଦା ସିଏପ୍ ।

1కొరింతి 6:7

ମି ଲୋଇ ସାଲାତିମାନି ଜାଟିଜଗଡ଼ା ୱେର୍‌ସିନାତ୍‌ ଜେ । ମିର୍‌ ଜେ ନିଜେନିଜେଦି ବିରୁଦ୍‌ତାନ୍‌ ନିୟ୍ୟାୟ୍‌ କିନିବାଡିଦୁ ୱେର୍‌ସିନିଦେର୍‌, ଆବେନ୍‌ ମିର୍‌ ପୁରା ଦୋସି । ତାଗ୍‌ଇପାଣି କିନି ବାଦ୍‌ଲୁ ବରଂ ଅନ୍ୟାୟ୍‌ ସାସ୍‌ କିଜି ନାସ୍ଟୁ ଆନିକା, ମି ଉଣ୍ତିଙ୍ଗ୍‌ ନେଗେତ୍‌ ସିଲେ ନୋ ?

ରୋମିୟ 15:22

ଏସ ଦେବେଙ୍ଗ୍‍ଁ ମି ଲାକ୍‍ତୁ ୱାନି ଉଣ୍ତିଙ୍ଗ୍‍ଁ ନା ବଦା ସିଲେତ୍‌ ଆତାମାନାତ୍‌ ।

అపొస్తు 18:3

ପାଉଲ ୱାରିଙ୍ଗ୍‍ଁ ବେଟ୍‌ଆଦେଙ୍ଗ୍‍ଁ ସଲ୍‍ସି ୱାରି ୱାଲେ ବାସାତାନ୍‍, ଇରିଙ୍ଗ୍‍ଁ ୱାନ୍‌ ବା ୱାରିୱାଜା ଗୁଡ଼େଏଙ୍ଗ୍‍ଁ ତିଆର୍‌ କିଜି ଜିଜି ମାର୍ହାର୍‌ ।

లూకా 11:52

“ଚି, ଦଣ୍ଡ୍‌ ପୟ୍‌ନି ସାସ୍ତ୍ରିର୍‍, ଇରିଙ୍ଗ୍‌ ମିର୍‌ ବୁଦିଦି କୁସିକାଣ୍ତି ନିଜେ ଇଟ୍‍ତିଦେର୍‍; ମିର୍‌ ନିଜେନିଜେ ଡ଼ୁଗ୍‍ଇତିଦେର୍‍ ମାରି ଡ଼ୁଗୁଦେଙ୍ଗ୍‍ ବଦାକିତି ଲୋକାଙ୍ଗ୍‌ ସାରି ସିଇତିଦେର୍‍ ।”

1కొరింతి 9:14

ଆୟାୱାଜା ଆମାକାର୍‌ ସୁସମାଚାର୍‌ ପ୍ରଚାର୍‌ କିନିକାର୍‌, ୱାର୍‌ ଜେ ସୁସମାଚାର୍‌ଦାନ୍‌ ପଟା ପସା କିନାର୍‌, ଇକା ପ୍ରବୁ ଆଦେସ୍‌ ସିତାମାନାନ୍‌ ।

1కొరింతి 9:16

ଇରିଙ୍ଗ୍‌ ଜଦି ସୁସମାଚାର୍‌ ପ୍ରଚାର୍‌ କିଜିନା, ଆବେନ୍‌ ନାନୁ ଗର୍ବ କିନିକା ଇନିକା ସିଲେ, ଇୟା ଦାଇତ୍‌ କିନି ଉଣ୍ତିଙ୍ଗ୍‌ ନାନ୍‌ ଆଦେସ୍‌ ପୟ୍‌ତାମାନା; ମାରି ଜଦି ସୁସମାଚାର୍‌ ପ୍ରଚାର୍‌ କିଏ, ଆର୍‌ତିଙ୍ଗ୍‌ ହାୟ୍‌, ନାନ୍‌ ଦଣ୍ତ ପୟ୍‌ନିକିନ୍ଦା ।

1కొరింతి 13:7

ଜିବନ୍‌ନୋନିକା ୱିଜୁ ଇନିକା ସାସ୍‌ କିନାତ୍‌, ୱିଜୁ ବିସ୍‌ବାସ୍‌ କିନାତ୍‌, ୱିଜୁ ଆସା କିନାତ୍‌, ୱିଜୁ ବିସୟ୍‌ତୁ ସାସ୍‌ ଆସ୍‌ସି ତେବାନାତ୍‌ ।

2కొరింతి 2:12

କ୍ରିସ୍ତଦି ସୁସମାଚାର୍‌ ୱେର୍‍ନି ଉଣ୍ତିଙ୍ଗ୍‌ ତ୍ରୋୟା ଦିପଦୁ ଇଜି ନାନ୍ ସୁଡ଼ୁତା, ଇୟା ପାଣି ଉଣ୍ତିଙ୍ଗ୍‌ ପ୍ରବୁ ସାରି ରେତା ମାନାନ୍ ।