1కొరింతి 3:16 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹⁶ ମିର୍‌ ସତ୍‌ତାନ୍‌ ନେସ୍‌ତୁ ଜେ ମିର୍‌ ମାପୁରୁଦି ମନ୍ଦିର୍‌, ମାରି ମାପୁରୁଦି ଆତ୍ମା ମି ଲୋଇ ତେବାନାତ୍‌ ।

Konda: కొండ బాసదు నెగ్గి కబ్రు

¹⁶ మీరు దేవుణు గుడిః అతికిదెర్‌ ఇజి మీరు నెస్‌ఇదెరా?. మరి దేవుణు ఆత్మ మీ లొఇ బత్కిజినాన్‌ ఇజి మీరు నెస్‌ఇదెరా?

1కొరింతి 3:16 Referans Kwoze

1కొరింతి 6:19

ଇକା ଇନିକା ମିର୍‌ ନେସ୍‌ଇଦେର୍‌ ? ମାରି ମି ମେନ୍ଧଲ୍‍ ଜେ ମାପୁରୁଦିମାଣାନ୍‌ ପୟ୍‌ତି ମି ଜିବନ୍‌ତୁବାସାନି ପବିତ୍ରଆତ୍ମାଦି ମନ୍ଦିର୍‌, ମାରି ମିର୍‌ ନିଜେ ନିଜେଦି ଆଇଦେର୍‍, ମାତର୍‌ ମାପୁରୁଦିକାର୍‌ ।

2కొరింతి 6:16

ମାପୁରୁଦି ମନ୍ଦିର୍‌ତୁ ଏଣ୍ତେସ୍ ଦିୟାମ୍‍ ତିଆର୍‍ ଆନାତ୍‌ ? ମାଡ୍‌ ତୋ ଜିବନ୍‍ମାନି ମାପୁରୁଦି ମନ୍ଧିର୍‍, ଇରିଙ୍ଗ୍‌ ମାପୁରୁ ନିଜେ ଇର୍ହାମାନାନ୍‌, “ନା ଲୋକାୱାଲେ ନାନୁ ବାସାକିନା ମାରି ୱାରି ମାନୁ ତେବାନା; ନାନୁ ୱାରି ମାପୁରୁ ଆନା ମାରି ୱାର୍‌ ନା ନିଜେ ଲୋକ ଆନାର୍ ।”

ରୋମିୟ 8:11

ଜଦି ଜିସୁଙ୍ଗୁଁ ସାତି ମାଣାନ୍‌ ନିକ୍‍ତିମାନି ମାପୁରୁଦି ଆତ୍ମା ମିବାନୁ ମାନାତ୍‌, ଆର୍‍ତିଙ୍ଗ୍‍ଁ ଆୟା ଆତ୍ମାଦି ସାକାଦାନ୍‍ ମାପୁରୁ ମି ସାନି ମେନ୍ଦଲ୍‌ତିଙ୍ଗ୍‍ଁ ବା ଜିବନ୍‌ କିନାନ୍‍ ।

యోహాను 14:17

ମାରି ୱାଦ୍‌ ଆଜିନାତ୍‍ ସତ୍‌ତି ଆତ୍ମା । ଇୟା ଜଗତ୍‌ ୱାନିଙ୍ଗ୍‌ ମାନାଦେଙ୍ଗ୍‌ ଆଟ୍‍ଏତ୍‍, ଇରିଙ୍ଗ୍‌ ଜଗତ୍‌ ୱାନିଙ୍ଗ୍‌ ସୁଡ଼ୁଏତ୍‌ କି ନେସେତ୍‌; ମାତର୍‌ ମିର୍‌ ୱାନିଙ୍ଗ୍‌ ନେସ୍‌ନିଦେର୍‌, ଇରିଙ୍ଗ୍‌ ୱାନ୍‌ ୱାଲେ ତେବାନାନ୍‌, ମାରି ୱାନ୍‌ ମି ଜିବନ୍‍ତୁ ତେବାନାନ୍‌ ।

ରୋମିୟ 8:9

ଜଦି ସତ୍‌ତାନ୍‌ ମାପୁରୁଦି ପବିତ୍ରଆତ୍ମା ମିବାନୁ ତେବାନାତ୍‍, ମିର୍‌ ମାରି ନର୍‍ ଗୁଣ୍‍ ଇସାବ୍‍ତାନ୍‍ ଜିଇଦେର୍‍, ମାତର୍‌ ଜିବନ୍‍ତୁ ଆତ୍ମାଦି ମାଟା ମାନାଜିନିଦେର୍‍ । କ୍ରିସ୍ତଦି ଆତ୍ମା ଆମାୱାନି ଲାକ୍‍ତୁ ସିଲେତ୍‍, ୱାନ୍‌ ଏସାଙ୍ଗ୍‍ଁବା ୱାନି ଲୋକ୍‍ ଆଦେଙ୍ଗ୍‍ଁ ଆଟ୍‍ଏନ୍‍ ।

୧ ପିତର 2:5

ମିର୍‌ ଉନ୍‌ଡ୍ରି ଜିବନ୍‌ତି ମନ୍ଦିର୍‌ ତିଆର୍‌କିଦେଙ୍ଗ୍‌ ଜିବନ୍‌ମାନି କାଲୁ ୱାଜା ବ୍ୟବ୍‌ହାର୍‌ ଆନି ଉଣ୍ତିଙ୍ଗ୍‌ ରାଦୁ । ଆୟା ମନ୍ଦିର୍‌ତୁ ମିର୍‌ ଜିସୁ କ୍ରିସ୍ତଦି ମାଣାନ୍‍ ମାପୁରୁ ଆତ୍ମିକ ଆସ୍‍ନିନାନି ଦିନ୍‌କେରି ପୁଜା ସିନି ଉଣ୍ତିଙ୍ଗ୍‌ ପବିତ୍ର ଜାଜକଦି ପାଣି କିନିଦେର୍‌ ।

2తిమోతి 1:14

ଆମା ପେରି ବିସୟ୍‌ତି ଦାଇତ୍‌ ମି ମୁସ୍‌କୁ ସର୍‌ପେ ଆତାମାନାତ୍‌, ମା ଲୋଇ ବାସାଜିମାନି ପବିତ୍ର ଆତ୍ମାଦି ସାକ୍ତିଦାନ୍‌ ଆୟାୱିଜୁଦିଙ୍ଗ୍‌ ଜାଗ୍‌ରାତା କିଜି ଇଡ୍‌ଦୁ ।

ఎబ్రి 3:6

ମାତର୍‌ କ୍ରିସ୍ତ ମାରିନ୍ ୱାଜା ମାପୁରୁଦି ଇଲୁଦୁ ଜାତୁନ୍‍ ଅତେଙ୍ଗ୍‍ ବିସ୍‍ବାସ୍‍ତିକାନ୍‍ । ମାଡୁ ଜଦି ସାହାସ୍ ଆସ୍‌ସି ଆସାଦି ବିଷୟ ପୋଇନିକା ଇଜି ମା ବିସ୍‍ବାସ୍‍ଦୁ ଡାଟ୍‍ ମାନାଟ୍‍, ଆର୍‌ତିଙ୍ଗ୍‌ ମାଡୁ ୱାନି ଇଲୁୱାଜା ଆନିକା ।

୧ ଜୋହନ 4:12

ମାପୁରୁଙ୍ଗୁଁ ଏନ୍‌ ଏସ୍‌କାଙ୍ଗ୍‌ ସୁଡ଼ୁଏନ୍‌, ମାତର୍‌ ମାଡୁ ଜଦି ନିଜେନିଜେଦିଙ୍ଗ୍‌ ଜିବନ୍‌ନୋଜିସାନିକା, ଆର୍‌ତିଙ୍ଗ୍‌ ମାପୁରୁ ମାମାନୁ ମାନାନ୍‌ ମାରି ୱାନି ଜିବନ୍‌ନୋନିକା ମାମାନୁ ପୁରାତେବାତା ମାନାତ୍‌ ।

ରୋମିୟ 6:3

ମିର୍‌ ନେସ୍‍ନିଦେର୍‍, ଡୁବନ୍‌ ଅନି ମାଣାନ୍‌ କ୍ରିସ୍ତ ଜିସୁଦି ୱାଲେ ମିସାଜି ମାଡ୍‌ ୱାନି ସାତି ମାନୁ ବା ମିସାତି ମାନିକା ।

1కొరింతి 9:24

ଆମାକାର୍‌ ଉର୍‌କୁତେଙ୍ଗ୍‌ ବାଗ୍‌ ଅନାର୍‍, ୱାର୍‌ ୱିଜେରେ ଉର୍‌କୁନାର୍‌ ସତ୍‍, ମାତର୍‌ କେବଲ ଅରେନ୍‍ ଜେ ପୁରସ୍କାର୍‌ ପୟ୍‌ନାନ୍‌, ଇକା ଇନିକା ମିର୍‌ ନେସ୍‌ଇଦେର୍‌ ? ମିର୍‌ ଏଣ୍ତେସ୍‌ ପୁରସ୍କାର୍‌ ପୟ୍‌ନିଦେର୍‌, ଇୟାଉଣ୍ତିଙ୍ଗ୍‌ ଆୟାୱାଜା ଉର୍‌କୁତୁ ।

1కొరింతి 9:13

ଆମାକାର୍‌ ମନ୍ଦିର୍‌ତୁ ସେବା କିନାର୍‌, ୱାର୍‌ ଜେ ମନ୍ଦିର୍‌ତି କାଦି ପୟ୍‌ନାର୍‌, ମାରି ଆମାକାର୍‌ ବେଦିଦୁ ପୁଜା କିଦେଙ୍ଗ୍‌ ତେବାନାର୍‌, ୱାର୍‌ ଜେ ବେଦିଦି ୱାଲେ ମିସାଜି ମାନାର୍‌, ଇକା ଇନିକା ମିର୍‌ ନେସ୍‌ଇଦେର୍‌ ?

1కొరింతి 6:9

ଅଦାର୍ମୁଦିକାର୍‌ ଜେ ମାପୁରୁଦି ରାଜିଦି ଅଦିକାର୍‌ତିକାର୍‌ ଆଏର୍‌, ଇକା ଇନିକା ମିର୍‌ ନେସ୍‌ଇଦେର୍‌ ? ଇୟା ବିସୟ୍‌ତାନ୍‌ ମିର୍‌ ବାୟାବେବ୍‌ରି ଆମାଟ୍‌, ତାଗ୍‌ଇପାଣି, ବମା ପୁଜାକିନିକାନ୍‌, ଦାରିପାଣି, ବେସ୍ୟା, ତାଗ୍‍ଇପାଣିଦୁ ତେବାତିମାନି ଲୋକୁ

1కొరింతి 6:16

ମାରି ଏନ୍‌ ବେସ୍ୟାଦି ୱାଲେ ମିସାନାର୍‌, ୱାନ୍‌ ୱାନି ୱାଲେ ଉନ୍‌ଡ୍ରେ ମେନ୍ଦଲ୍‌ନେ ଆନା‌ର୍‌, ଇକା ଇନିକା ମିର୍‌ ନେସ୍‌ଇଦେର୍‌ ? ଇରିଙ୍ଗ୍‌ ସାସ୍ତ୍ରଦୁ ନେଗେନ୍‌ତାନ୍‌ ରାସ୍‌ତା ମାନାତ୍‌, “ଆୟା ରିଏର୍‌ ଅରେନ୍‌ନେ ଆନାର୍‌ ।”

1కొరింతి 5:6

ମିର୍‌ ଇୟାୱାଜା ଗର୍ବ କିନିକା ନେଗେତ୍‌ ସିଲେ । ମିର୍‌ ଇନିକା ନେସ୍‌ଇଦେର୍‌ ଜେ, କାଣ୍ତେକ୍‌ନେ କମିର୍‌ ୱିଜୁ ଅଟାଗୁଣ୍ତୁତିଙ୍ଗ୍‌ ସଇସ୍‌ କିନାତ୍‌ ?

యాకోబు 4:4

ଏ ବିସ୍‌ବାସ୍‌ତୁ ବିସ୍‌ ସିନି ଲୋକୁ ! ମିର୍‌ ଇନିକା ନେସ୍‌ଇଦେର୍‌, ଦୁନିଆ ମାପୁରୁଦି ଉଣ୍ତିଙ୍ଗ୍‌ ସାତ୍ରୁଆନାତ୍‌ ? ଏନ୍‌ ଇୟା ଦୁନିଆଦି ୱାଲେ ସଙ୍ଗ୍‌ ଆଦେଙ୍ଗ୍‌ ବଦା କିନାନ୍‌; ୱାନ୍‌ ମାପୁରୁଦି ସାତ୍ରୁ ।

ରୋମିୟ 6:16

ମିର୍‌ ପୁରା ନେସ୍‍ତିମାନିଦେର୍‍, ଜଦି ମିର୍‌ ଆମାୱାନି ଆଡ୍‍ଗି ମାନିକା ମାନାଜି ୱାନି ପୁରା ମାଟା ମାନାନିଦେର୍‍, ଆର୍‌ତିଙ୍ଗ୍‌ ମିର୍‌ ୱାନି ଦାସ୍‍ । ଜଦି ପାପ୍‍ତି ଦାସ୍‌ ଆନିଦେର୍‌, ତେନି ଦଣ୍ତ୍‍ ଆନାତ୍‌ ସାନିକା; ଜଦି ଦାର୍ମୁଦୁ ସାଲାନିଦେର୍‍, ଆର୍‌ତିଙ୍ଗ୍‌ ଜିବନ୍‌ ପୟ୍‍ନିଦେର୍‍ ।

1కొరింతి 3:9

ଇରିଙ୍ଗ୍‌ ମାପୁ ମାପୁରୁଦି ୱାଲେ ପାଣିକିଜିନାପ୍‌; ମିର୍‌ ମାପୁରୁଦି କିଡ଼ିଇ ମାରି ମାପୁରୁଦି ଇଲୁ ।

1కొరింతి 3:17

ଜଦି ଏନ୍‌ ମାପୁରୁଦି ମନ୍ଦିର୍‌ତିଙ୍ଗ୍‌ ନାସ୍ଟୁ କିନାନ୍‌, ଆର୍‌ତିଙ୍ଗ୍‌ ମାପୁରୁ ୱାନିଙ୍ଗ୍‌ ନାସ୍ଟୁ କିନାନ୍‌; ଇରିଙ୍ଗ୍‌ ମାପୁରୁଦି ମନ୍ଦିର୍‌ ପବିତ୍ର, ଆୟା ମନ୍ଦିର୍‌ ମିର୍‌ ।

1తిమోతి 3:15

ମାତର୍‌ ଜଦି ନାନ୍‌ ୱାନିକା ୱେଡ଼ା ଆନାତ୍‌, ଜିବନ୍‌ମାନି ମାପୁରୁଦି ଇଲୁୱାଜା ଇୟା ପାର୍‍ତନାକିନି ମଣ୍ତଲିଦୁ ମାଙ୍ଗିଁ ଏଣ୍ତେସ୍‌ ଜିଦେଙ୍ଗ୍‌ ଆନାତ୍‌, ଇୟା ଆକୁ ଦାନ୍‌ ଆକା ମିର୍‌ ନେସ୍‌ତେଙ୍ଗ୍‌ ଆଟ୍‌ନିଦେର୍‌ । ଇୟା ମାପୁରୁଦି ମଣ୍ତଲି ନେ ୱିଜୁଦିନ୍‌ତି ସତ୍‌ତି ମୁଣ୍ତା ନି କୁନାଦି ରାସ୍‌ତିକା ।