1కొరింతి 3:13 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹³ ଆର୍‌ତିଙ୍ଗ୍‌ “କ୍ରିସ୍ତଦି ଡ଼େସିୱାନି ଦିନ୍‌ତୁ” ୱିଜୁ ଲୋକାଦି ପାଣି ଏଣ୍ତେସ୍‌ନାନିକା, ଆକା ୱେଙ୍ଗିଁନାତ୍‌, ଇରିଙ୍ଗ୍‌ ଆୟାନାଣ୍ତିଙ୍ଗ୍‌ ସିସୁଦି ୱାଲେ ୱେଙ୍ଗିଁନାତ୍‌, ମାରି ୱିଜୁ ଲୋକାଦି ପାଣି ଏଣ୍ତେସ୍‌ନାନିକା, ଆୟା ସିସୁ ପରିକା କିନାତ୍‌ ।

Konda: కొండ బాసదు నెగ్గి కబ్రు

¹³ ఒరెన్‌ ఒరెన్‌ కిత్తి పణిఙ్‌ ఎలాగ మర్తిక ఇజి యేసుక్రీస్తు తీర్పు తీరిస్ని దినమ్‌దు తోరె ఆనె. అయ పణిఙ్‌ డాఙ్‌ఎండ తోర్నె. అయా పణిఙ్‌ సిసు వెటనె తోరె ఆనె. ఒరెన్‌ ఒరెన్‌ కిత్తి మని పణి ఎలాగ మర్తికాదొ ఇజి సిసునె పరిస కినాద్.

1కొరింతి 3:13 Referans Kwoze

୧ ପିତର 1:7

ମି ବିସ୍‌ବାସ୍‌ତି ନେଗିକା ପରିକା କିନିକା ଇୟା ୱିଜୁଦି ଉଦେସ୍‍ । ୱିଜ୍‌ନି ବାଙ୍ଗାଁରାମ୍‍ତିଙ୍ଗ୍‌ ସିସୁଦୁ ପରିକା କିନାର୍‌ । ମି ବିସ୍‌ବାସ୍‌ ବାଙ୍ଗାଁରାଓ ତାନ୍‌ ନାଣ୍ତ ଦାରା ଆତିମାନିଙ୍ଗ୍‌ ପରିକାଦାନ୍‌ ତାନିଙ୍ଗ୍‌ ପୁରା କିଦେଙ୍ଗ୍‌ ପଡ଼ାନାତ୍‌ । ଜିସୁ କ୍ରିସ୍ତଦି ତରାନି ବେଡ଼ାଦୁ ମିର୍‌ ଦନ୍ୟବାଦ୍‌, ଗୌରବ୍‍ ମାରି ସନ୍‌ମାନ୍‌ ପୟ୍‌ନିଦେର୍‌ ।

ప్రకటన 20:12

ତାନିୱେନ୍‌କା ନାନୁ ସୁଡ଼ୁତା, ଏସ ପେରିକା, ଏସ ତାଗ୍‌ଇ ସାତିଲୋକୁ ୱିଜେରେ ସିଂହାସନ୍ ଆଗ୍‌ଡ଼ି ନିରାଆମାନାର୍‌ । ବଇଙ୍ଗ୍‌ୱିଜୁ କୁତ୍‌ତାର୍; ଆୟାୱିଜୁ ବଇଙ୍ଗାଁ ଲୋଇରାନ୍‌ ଜିବନ୍‌ ପୁସ୍ତକ ଦରୁଦି ଉଣ୍ତ୍ରି ବଇ ମାରାତ୍ । ଆୟା ଜିବନ୍‌ ପୁସ୍ତକଦୁ ଲୋକୁ ପାଣିକିତିମାନି ବିସୟ୍‌ତାନ୍‌ ଏମେ ୱିଜୁ ରାସାତାମାନାତ୍, ଆୟା ଇସାପ୍‍ତାନ୍ ୱାରି ବିସାର୍‍ଆତାତ୍‌ ।

1కొరింతి 4:5

ଆଦେଙ୍ଗ୍‌, ବେଡ଼ାଦି ଆଗ୍‍ଡ଼ିନେ ପ୍ରବୁ ବିଚାର୍‌ କିଦେଙ୍ଗ୍‌ ୱାନି ସାନ୍ଦି କାପ୍‌କିଦୁ । ଇନି ବିସୟ୍‌ ବିଚାର୍‌ କିମାଟ୍‌ । ୱାନ୍‌ ସିକାଟିଦୁ ମାର୍‌ଗିତିମାନି ବିସୟ୍‌କୁୱିଜୁ ଜାୟ୍‌ତୁ ତର୍‌ନାନ୍‌, ମାରି ଲୋକା ମୋନ୍‌ତୁ ମାର୍‌ଗିତିମାନି ମାଟେଙ୍ଗ୍‌ୱିଜୁ ୱେକ୍‌ନାନ୍‌; ନାସ୍ତିୱାଲେ ୱିଜୁ ଲୋକୁ ମାପୁରୁଦିମାଣୁକୁ ପ୍ରସଂସା ପୟ୍‌ନାର୍‌ ।

୧ ପିତର 4:12

ଏ ନା ତଡ଼୍‍କୁ ନି ତାଙ୍ଗିଁକ୍‌ ଏମେ ସିସୁ ପରିକାଦୁ ମିର୍‍ ଦୁଃକ୍‌ ପୟ୍‍ଜିନିଦେର୍‍, ଆକା ଉଣ୍ତ୍ରି ପେରିମାଟା ଇଜି ଅଡ଼୍‍ବିଜି କାବା ଆମାଟ୍‌ ।

ରୋମିୟ 2:16

ଆମା ନାଣ୍ତିଙ୍ଗ୍‍ ମାପୁରୁ ଜିସୁ କ୍ରିସ୍ତଦି ମାଣାନ୍‌ ଲୋକା ମାର୍‍ଗିତି ବିସୟ୍‍ୱିଜୁ ବିଚାର୍‌ କିନାନ୍‍, ଆୟା ନାଣ୍ତିଙ୍ଗ୍‍ ନାନୁ ପ୍ରଚାର୍‍ କିତିମାନି ସୁସମାଚାର୍‌ ଇସାବ୍‍ତାନ୍‍ ଇୟାୱିଜୁ ଗଟାନାତ୍‌ ।

2తిమోతి 1:18

ପେରିବିସାର୍‌ ଦିନ୍‌ତୁ ପ୍ରବୁ ୱାନି ଉଣ୍ତିଙ୍ଗ୍‌ ଦୟା କିପିନ୍‌, ଏପିସ୍‌ତୁ ୱାନ୍‌ ନାଙ୍ଗିଁ ଏସ ସେବା କିତାମାର୍ହାନ୍‌, ମିର୍‌ ଆୟାୱିଜୁ ମାଟା ନେସ୍‌ନିଦେର୍‌ ।

1కొరింతి 1:8

ଇୟାଉଣ୍ତିଙ୍ଗ୍‌ ୱାନ୍‌ ମିଙ୍ଗିଁ ସାରାସାରି ଦିନ୍‌ ସାନ୍ଦି ବା ତିର୍‌ ଇଡ୍‌ନାନ୍‌, ମା ପ୍ରବୁ ଜିସୁ କ୍ରିସ୍ତଦି ୱାନିନାଣ୍ତିଙ୍ଗ୍‌ ଏଣ୍ତେସ୍‌ ମିର୍‌ ନିନ୍ଦା ଆଇଦେର୍‍ ।

ରୋମିୟ 2:5

ମାତର୍‌ ମିର୍‌ ଗର୍ବ ନି ଆଟ୍‍ୱା ମୋନ୍‌ । ଆଦେଙ୍ଗ୍‌ ସେସ୍‍ ଦିନ୍‍ତି ବିଚାର୍‍ତିୱାଲେ ମିର୍‌ ମାପୁରୁଦି ଦଣ୍ତ୍‍ତି ଲୋକ୍‍ ଆଜି ନାଣ୍ତ କାସ୍ଟୁ ଦଣ୍ତ୍‍ ପୟ୍‍ନିଦେର୍‍ ।

లూకా 2:35

ଏସୋ ଲୋକୁ ୱାନିଙ୍ଗ୍‌ ବିରଦ୍‌ କିଜି ନିଜେଦି ଜିବନ୍‍ତୁ ଆଡ଼ାକ୍‍ନିମାନି ମାଟେଙ୍ଗ୍‌ ୱିଜୁ ୱେର୍‌ନାନ୍‌ । ଦୁକ୍‍ ନାନି ଉଣ୍ତ୍ରି ଦାରାଦି କୁଡ଼ାମ୍‍ ମି ନିଜେଦି ଜିବନ୍‍ତିଙ୍ଗ୍‍ ଗୁତ୍‍ନାତ୍‍ ।”

2తిమోతి 3:9

ମାତର୍‌ ୱାର୍‌ ନାଣ୍ତ୍‌ ଆଗ୍‌ଡ଼ି ଆଦେଙ୍ଗ୍‌ ଆଟ୍‍ଏର୍‍ । ଅର୍‍ଲେନ୍‍ ୱିଜେରେ ନେସ୍‌ନାର୍‌, ୱାର୍‌ ଏସ ବୁଦିସିଲିକାର୍‌ । ଯନ୍ନିସ ମାରି ଯମ୍ୱ୍ରିସଦି ଜିବନ୍‌ତୁ ଆମାକା ଗଟାତା ମାର୍ହାତ୍‌, ୱାରି ଜିବନ୍‌ତୁ ଆକାନେ ଗଟାନାତ୍‌ ।

మత్తయి 10:15

ନାନ୍ ମିଙ୍ଗିଁ ସତ୍‌ ଇଜିନା, ବିସାର୍‍ ଦିନ୍‍ତୁ ୱେରି ମାଣ୍‌କୁ ସଦମ୍‍ ଗମୋରାଦି ଲୋକା ଉଣ୍ତିଙ୍ଗ୍‌ ମାପୁରୁ ନାଣ୍ତ ଦୟା ତର୍‍ନାନ୍‍ ।

మత్తయి 16:27

ମନୁସ୍ୟପୁତ୍ର ବୁବା ମାପୁରୁଦି ମାଣାନ୍‌ ଗୌରବ୍‍ ନି ମୁସ୍‌କୁପୁର୍‌ତି ଦୁତ୍‌କାୱାଲେ ମାରିଡ଼େସି ୱାନାନ୍‌ । ନାସ୍ତିୱାଲେ ୱାନ୍‌ ୱିଜୁ ଲୋକାଙ୍ଗ୍‌ ୱାନି କିତିମାନି ପାଣି ଇସାବ୍‌ତାନ୍‌ ପଲ୍‌ସିନାନ୍‌ ।

1కొరింతి 3:12

ଜଦି ଏନ୍‌ ଆୟା କୁନାନ୍ଦିକାଲୁ ମୁସ୍‌କୁ ବାଙ୍ଗାଁରାମ୍‍, ୱେଣ୍ତି, ନାଣ୍ତଦାରାଦି କାଲୁଦି ମୁସ୍‌କୁ ତିଆର୍‌ କିନାନ୍‌ ମାରି ଏନ୍‌ ଏନ୍‌ ମାରାକ୍‌, ଲାଟା ମାରି ପିରି ଦାନ୍‌ ତିଆର୍‌ କିନାନ୍‌,

2తిమోతి 1:12

ଆୟାଉଣ୍ତିଙ୍ଗ୍‌ ନାନ୍‌ ଇୟାୱିଜୁ ଦୁଃକ୍‌କାସ୍ଟୁ କିଜିନା । ଇରିଙ୍ଗ୍‌ ନାନ୍‌ ଆମାୱାନିଙ୍ଗ୍‌ ବିସ୍‌ବାସ୍‌ କିଜିନା, ନାନ୍‌ ୱାନିଙ୍ଗ୍‌ ନେଗେନ୍‌ତାନ୍‌ ନେସ୍‌ତାମାନା, ଆକା ସାଲାକିଦେଙ୍ଗ୍‌ ପେରିବିସାର୍‌ ଦିନ୍‌ ସାନ୍ଦି ୱାନ୍‌ ନାଙ୍ଗିଁ ନେଗେନ୍‌ତାନ୍‌ ଇଡ୍‌ନାନ୍‌, ଇକା ସତ୍‌ତାନ୍‌ ନେସ୍‌ସି ନାନ୍‌ ଇୟାସାନ୍ଦି ପୁରାପୁରି ଆସା ଆଜି ତେବାତାମାନା ।

2తిమోతి 4:8

ଇଲେଇ ନାନ୍‌ ଦାର୍ମୁପାଣିକିନି ଉଣ୍ତିଙ୍ଗ୍‌ ଜିଣାନି ପୁର୍‌ସ୍କାର୍‌ ଇଟ୍‌ତାମାନାନ୍‌, ପେରିଦିନ୍‌ତୁ ନ୍ୟାୟ୍‌କିନି ବିସାର୍‌କିନି ପ୍ରବୁ ନାଙ୍ଗିଁ ଆୟା ପୁର୍‌ସ୍କାର୍‌ ସିନାନ୍‌, କେବଲ୍‌ ନାଙ୍ଗିଁ ସିଲେ; ଜିବନ୍‌ନୋନିକା ବକ୍ତିଦି ୱାଲେ ଆମାକାର୍‌ ୱାନି ୱାନିଦିନ୍‌ତିଙ୍ଗ୍‌ କାପ୍‌କିତା ମାନାର୍‌, ୱିଜେରେ ଇୟା ପୁର୍‌ସ୍କାର୍‌ ପୟ୍‌ନାର୍‌ ।

ఎబ్రి 10:25

ମାରି ଏନ୍‍ ଏନ୍‍ ଏଣ୍ତେସ୍ ପାର୍‌ତନାଦୁ ସୋନ୍‍ଡ୍ରେଙ୍ଗ୍‍ ଏଲା କିନାର୍, ମାଡୁ ଆୟାୱାଜା କିଏଟ୍ । ମାରି ପ୍ରବୁଦି ଦିନ୍‌ ଲାକୁତୁ ଆଜି ୱାଜିନାତ୍ ନେସ୍‌ସି ନିଜେନିଜେଦିଙ୍ଗ୍‌ ନାଣ୍ତ ୱେଡ଼ିକା କିନିକା ମାନାତ୍ ।