1కొరింతి 14:6 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

⁶ ଏ ତଡ଼ାନ୍‌କୁ, ନାନ୍‌ ଜଦି ମି ଲାକ୍‌ତୁ ସୋଲ୍‌ସି ମାପୁରୁଦିମାଣୁକୁ ୱେର୍‌ଆୟ୍‌ଏତି ବାକ୍ୟ, ମାରି ବୁଦି, ମାରି କାବୁର୍‌ ମାରି ସିକିୟାଦି ମାଟା ୱେର୍‌ଏଣ୍‌ଗା କେବଲ ଆଇ ବାସାଦାନ୍‍ ୱାର୍‌ଗିନା, ଆର୍‌ତିଙ୍ଗ୍‌ ଆବେନ୍‌ ନାନ୍‌ ମିଙ୍ଗିଁ ଇନି ସୁବିଦା କିନା ।

Konda: కొండ బాసదు నెగ్గి కబ్రు

⁶ తంబెరిఙాండె, నాను మీ డగ్రు వాజి, దేవుణుది డాఃఙితి మని సఙతిఙ్‌ దేవుణు తోరిస్తికెఙ్‌నొ, గెణం మాటెఙ్‌నో, దేవుణు ప్రవక్త లెకెండ్‌ దేవుణు సిత్తి మాటెఙ్‌నో మీ వెట వర్గిఎండ, ఆఇ బాసెఙాణిఙ్‌ వర్గిజి మహిఙ నా వెట మిఙి ఇని లాబం వానాద్‌?

1కొరింతి 14:6 Referans Kwoze

ଏପିସିୟ 1:17

ନାନୁ ନା ଗୌରବ୍‍ତି ବୁବା, ମା ପ୍ରବୁ ଜିସୁ କ୍ରିସ୍ତଦି ମାପୁରୁଙ୍ଗୁଁ ପାର୍‍ତନା କିନା, ଏଣ୍ତେସ୍‌ ୱାନ୍‌ ମିଙ୍ଗିଁ ପବିତ୍ର ଆତ୍ମା ସିନାନ୍‍, ଆୟା ଆତ୍ମା ମିଙ୍ଗିଁ ବୁଦି ସିନାତ୍‍ ମାରି ମାପୁରୁଙ୍ଗୁଁ ମି ଲାକ୍‍ତୁ ତର୍‍ନାତ୍‍ । ଆତିଙ୍ଗ୍‌, ମିର୍‌ ୱାନିଙ୍ଗ୍‌ ନେସ୍‍ତେଙ୍ଗ୍‍ ଆଟ୍‍ନିଦେର୍‍ ।

2తిమోతి 3:16

ୱିଜୁ ଦାର୍ମୁସାସ୍ତ୍ର ମାପୁରୁଦି ମାଣାନ୍‌ ସିଆୟ୍‌ଆତା ମାନାତ୍‌ ମାରି ସତ୍‌ ବାକ୍ୟ, ସିକ୍‌ୟା, ମିଚ୍‌ତି ବିରୁଦ୍‌ କିଜି ମାରି ବୁଲ୍‌ତିଙ୍ଗ୍‌ ଟିକ୍‌ କିନି ଉଣ୍ତିଙ୍ଗ୍‌ ୱେର୍‌ସି, ସତ୍‌ ଜିଦେଙ୍ଗ୍‌ ଦାର୍ମୁସାସ୍ତ୍ର ସାହାଜ୍ୟ କିନାତ୍‌,

ରୋମିୟ 6:17

ମାତର୍‌ ମାପୁରୁଙ୍ଗ୍‍ଁ ଦନ୍ୟବାଦ ସିଜିନା, ଜଦିବା ଅର୍‍ଲେନ୍‍ ମିର୍‌ ପାପ୍‍ତି ଦାସ୍‍କୁ ମାର୍ହିଦେର୍‍, ମିର୍‌ ଇଲେଇ ସୁସମାଚାର୍‍ତାନ୍‍ ଅଜାତିମାନି ସତ୍‍ମାଟେଙ୍ଗ୍‍ଁ ପୁରା ମୋନ୍‌ତାନ୍‍ ମାନାଜିନିଦେର୍‍ ।

1కొరింతి 14:1

ଜିବନ୍‌ନୋନି ଉଣ୍ତିଙ୍ଗ୍‌ ମିର୍‌ ୱେଡ଼ିକା ଆଦୁ, ମାରି ଆତ୍ମିକ ଦାନ୍‌ ୱିଜୁ ପୟ୍‌ନି ଉଣ୍ତିଙ୍ଗ୍‌, ବିସେସ୍‍କିଜି ବାବବାଣି ମାଟା ପ୍ରଚାର୍‌ କିନିକା, ମି ଜିବନ୍‌ତୁ ପୁରା ଆପିତ୍‌ ।

୨ ଜୋହନ 1:9

ଏନ୍‌ଆପିନ୍‌ କ୍ରିସ୍ତଦି ସିକିୟାଦି ଆୟା ଲୋଇ ତେବାଏଣ୍‌ଗା ଆକା ନାଜି ସୋନାନ୍‌, ୱାନ୍‌ ମାପୁରୁଙ୍ଗୁଁ ପୟ୍‌ଏନ୍‌; ଏନ୍‌ ସିକିୟାଦି ଲୋଇ ତେବାନାନ୍‌, ୱାନ୍‌ ବୁବା ନି ମାରିନ୍‌ ରିଏରିଙ୍ଗ୍‌ ପୟ୍‌ତା ମାନାନ୍‌ ।

ఎబ్రి 13:9

ଆଇ ଆଇ ବୁଲ୍‍ ଦାର୍ମୁ ସିକ୍‌ୟା ମିଙ୍ଗିଁ ସତ୍‌ ସାରିଦାନ୍ ୱେର୍‌ଏ କିମାକିତ୍‍ । ମାପୁରୁଦି ଦୟାଦାନ୍ ଜିବନ୍‌ତି ଉଣ୍ତିଙ୍ଗ୍ ସାକ୍ତି ଉଣ୍ତାକିନିକା ନେଗିକା, କାଦି ଉଣି ବିସୟତାନ୍ ନିୟମ୍‌ ମାନାନି ମାଡ଼ାନ୍ ଇକା ଆଦେଙ୍ଗ୍‍ଁ ଆଟ୍ଏତ୍ । ଆତ୍‌ରେରି ବିଦି ୱିଜୁ ମାନାଜିମାନି ଲୋକୁ ଆବେଣାନ୍‍ ଇନି ଉପକାର୍ ପୋୟ୍‍ଏର୍‍ ।

తీతు 3:8

ଇୟା ମାଟା ପୁରା ସତ୍‍ । ଇୟାୱିଜୁ ବିସୟ୍‌ ମୁସ୍‌କୁ ମିର୍‌ ନାଣ୍ତ୍‌ ଦିୟାନ୍‌ ସିଜି ବୁଜାକିନିଦେର୍‌, ଆମାକାର୍‌ ମାପୁରୁମାନୁ ବିସ୍‌ବାସ୍‌ କିନାର୍‌, ୱାର୍‌ ସତ୍‌ପାଣି କିଜି ଦିନ୍‌ କାଟେକିନିକା ମାନାତ୍‌; ୱିଜେରି ଉଣ୍ତିଙ୍ଗ୍‌ ଆମାକା ନେଗିକା, ଆୟାୱିଜୁ ପାଣିଦୁ ତେବାନିକା ମାନାତ୍‌ ।

2తిమోతి 4:2

ବାକ୍ୟ ପ୍ରଚାର୍‌ କିଦୁ, ବେଡ଼ା ଅବେଡ଼ାଦୁ ବିସାର୍‌ କିଏଣ୍‌ଗା, ମିର୍‌ ସବୁୱାଲେ ଆୟା ବିସୟ୍‌ ମୁସ୍‌କୁ ନେସ୍‌ନି ୱାଜା ବୁଜାକିନିଦେର୍‌; ସାହାସ୍‌ତାନ୍‌ ସିକିୟା ସିଜି, ଏସ୍ତିୱାଲେ ଆଦ୍‌ରିସ୍‌ କିଜି ଏସ୍ତିୱାଲେ ମାରି ୱେଡ଼ିକା କିଜି ଆଇୱାରି ମୋନ୍‌ତୁ ଆୟାଉଣ୍ତିଙ୍ଗ୍‌ ୱେଡ଼ିକା ପିରିସ୍‌ନାତ୍‌ ।

2తిమోతి 3:10

ମାତର୍‌ ନିନ୍‌ ନା ସିକିୟା, ନା ବ୍ୟବହାର୍‌ ମାରି ନା ଜିବନ୍‌ତି ପାଣି ସୁଡ଼ୁତିମାନିଦେର୍‌ । ନା ବିସ୍‌ବାସ୍‌, ସାସ୍‌, ଜିବନ୍‌ନୋନିକା, ସାନ୍ତି,

2తిమోతి 2:14

ମିର୍‌ ୱିଜୁ ବିସ୍‌ବାସ୍‌ରିଙ୍ଗ୍‌ ଇୟାୱିଜୁ ବିସୟ୍‌ତାନ୍‌ ଏତ୍‌ କିବିସ୍‌ କିଦୁ ମାରି ସାସ୍ତ୍ରଦି ଅରତ୍‌ ବିସୟ୍‌ତାନ୍‌ ଆଉଲି ଆଇ ଉଣ୍ତିଙ୍ଗ୍‌ ୱାରିଙ୍ଗ୍‌ ଜାଗାର୍‌ତା କିଦୁ । ଇୟାୱାଜା ଆଉଲି ଏନ୍ଦି ଇନିକା ନେଗିକା କିଏତ୍‌ ମାରି ଆମାକାର୍‌ ଆବେନୁ ୱେନାର୍‌, ୱାରିନ୍ଦି ନାସ୍ଟୁ ଆନାତ୍‌ ।

ପିଲିପିୟ 3:15

ମାରି, ମା ଲୋଇ ଏସଲୋକ୍‌ ଆତ୍ମାଦାନ୍‌ ଜିଣାତିମାନିକା, ୱାରି ଇୟାୱାଜା ମୋନ୍‌ଅଡ଼୍‌ବିନିକା ତେବାନିକା ନେଗେତ୍‌, ମାରି ଜଦି ଇନି ବିସୟ୍‌ତୁ ମି ଅଡ଼୍‌ବିନିକା ଅଲଗା ନାନିକା ମନ୍‌ଅଡ଼୍‌ବିନିକା ମାନାତ୍‌, ଆର୍‌ତିଙ୍ଗ୍‌ ମାପୁରୁ ମିଙ୍ଗିଁ ୱିଜୁ ମାଟା ନେସ୍‌ନିୱାଜା ୱେର୍‌ନାନ୍‌ ।

ଏପିସିୟ 3:4

ଆକା ପଡ଼ାତିଙ୍ଗ୍‌, କ୍ରିସ୍ତଦି ମାର୍‌ଗିତିମାନି ମାଟା ବିସୟ୍‌ତାନ୍‌ ନାନ୍‌ ଆମାକା ବୁଜାତାମାନା, ଆକା ମିର୍‌ ନେସ୍‌ତେଙ୍ଗ୍‌ ଆଟ୍‌ନିଦେର୍‌ ।

2కొరింతి 12:7

ଇୟା ଇସ୍ରି ପୁନା ତରାନିକା ଲାବ୍‌କିଜି ନାନୁ ଏଣ୍ତେସ୍ ଆକାର୍‍ ଆଏ, ଇୟାଉଣ୍ତିଙ୍ଗ୍‌ ନା ମେନ୍ଦଲ୍‌ତୁ ଉଣ୍ତ୍ରି ନନି ନୋପି ସିଆୟ୍‍ ଆତାମାନାନ୍, ଇକା ନାଙ୍ଗି ଗର୍ବ ଆଇ ଉଣ୍ତିଙ୍ଗ୍‌ ସୟ୍‌ତାନ୍‌ଦି ଦୁତ୍ ୱାଜା ପାଣିକିନାମାନାତ୍ ।

2కొరింతి 12:1

ଇନିକା ଲାବ୍‌ ଆଏତିଙ୍ଗ୍‍ ବା ନାଙ୍ଗିଁ ଏଣ୍ତେସ୍‍ବା ଗର୍ବ କିଦେଙ୍ଗ୍‌ ଆନାତ୍‌ । ମାତର୍‌ ପ୍ରବୁ ନାଙ୍ଗି ଏମେ ୱିଜୁ ଦର୍ସନ ମାରି ତର୍‍ତା ସିତାମାନାନ୍‌, ଆୟାୱିଜୁ ଇଲେଇ ନାନୁ ଇନା ।

2కొరింతి 11:6

ନାନ୍‌ ୱାରି ୱାଜା ସାଲାକିଦିକାନ୍‌ ଆଦେଙ୍ଗ୍‌ ଆଟ୍‍ଏ, ମାତର୍‌ ବୁଦିଦୁ ଉଣା ସିଲେ । ମିଙ୍ଗିଁ ଇୟା ମାଟା ମାପ୍‌ ୱିଜୁଦିନ୍‌ ମାରି ୱିଜୁ ଅସୁବିଦାଦୁ ୱେର୍‍ସି ୱାଜିନାପ୍‌ ।

1కొరింతి 10:33

ମିର୍‌ ନା ୱାଜା ବେବ୍‍ହାର୍ କିଦୁ । ଏଣ୍ତେସ୍‌ ନାନ୍‌ ବା ନା ସିନ୍ତା କିଏଣ୍‌ଗା ନାଣ୍ତଲୋକା ରକିୟାଦି ଉଣ୍ତିଙ୍ଗ୍‌ ୱାରି ନେଗିତାନିଙ୍ଗ୍‌ ସିନ୍ତା କିନା, ମାରି ୱିଜୁ ବିସୟ୍‌ତାନ୍‌ ୱିଜେରିଙ୍ଗ୍‌ ୱେଡ଼ିକା କିଦେଙ୍ଗ୍‌ ଜାତୁନ୍‍ କିନା ।

ରୋମିୟ 16:17

ତଡ଼ାନ୍‍କୁ ନି ତାଙ୍ଗିଁକ୍‍, ବାତିଙ୍ଗ୍‌ ମାଲ୍‌ଜିନା, ମିର୍‌ ଆସ୍‍ତିମାନି ସିକିୟାଦି ବିରଦ୍‍ କିଜି ଏମେକାର୍‌ ମି ଲୋଇ ବାଗ୍‍ କିଦେଙ୍ଗ୍‍ଁ ଇଜି ବଦା କିନାର୍‌, ୱାରିମାଣାନ୍‍ ଆକତେବାଦୁ ।

ରୋମିୟ 15:14

ନା ତଡ଼ାନ୍‍କୁ ନି ତାଙ୍ଗିଁକ୍‍, ନା ବିସ୍‍ବାସ୍‍, ମିର୍‌ ୱିଜୁ ନେଗିଗୁଣ୍‍ ନି ବୁଦିଦୁ ପୁରାଆଜି ମାରି ନିଜେନିଜେଦିଙ୍ଗ୍‍ଁ ସିକିୟା ସିଦେଙ୍ଗ୍‌ ଆଟ୍‌ନିଦେର୍‌ ।

అపొస్తు 2:42

ଆୟାନାଣ୍ତିରାନ୍‍ ସିସୁର୍‍ ୱାରିଙ୍ଗ୍‌ ସିକିୟା ସିତାର୍‍ । ମାରି ୱାର୍‌ ମିସାବିଡ଼୍‍ ଆତାର୍‌, ରୁଟି ରୁକ୍‌ତେଙ୍ଗ୍‍ ମାରି ପାର୍‌ତାନା କିଦେଙ୍ଗ୍‌ ମୋନ୍‌ସିଜି ତେବାତାର୍‍ ।

మత్తయి 16:26

ଜଦି ଅରେନ୍‌ ଲୋକୁ‌ ସାରାଦୁନିଆଦିଙ୍ଗ୍‌ ଜିଣାଜି, ମାତର୍‌ ନିଜେଦି ଜିବନ୍‌ତିଙ୍ଗ୍‌ ଆରାକିନାନ୍‌, ୱାନିଙ୍ଗ୍‌ ଇନି ଲାବ୍‌ଆନାତ୍‌ ? ଲୋକୁ ୱାନି ଜିବନ୍‍ତିଙ୍ଗ୍ ଡ଼େସି ପ‍ଇଦେଙ୍ଗ୍‌, ଇନିକା ସିଦେଙ୍ଗ୍‍ ଆଟ୍‍ନାନ୍‍ ।

మత్తయి 16:17

ଜିସୁ ଇର୍ହାନ୍‌, “ଏ ଜୁନସ୍‍ତି ମାରିନ୍‌ ସିମୋନ, ନିନ୍‌ ଦନ୍ୟ !” ଇୟା ସତ୍‌ ନିନୁ ଆମା ଲୋକାମାଣାନ୍‌ ପୟ୍‌ଇ । ନା ମୁସ୍‌କୁପୁରୁତି ବୁବା ନିଜେ ଇକା ନିମାନୁ ୱେର୍‌ତାମାନାନ୍‌ ।

మత్తయి 11:25

ଆୟା ସମୟ୍‍ତୁ ଜିସୁ ପାର୍‍ତନାକିଜି ଇର୍ହାନ୍‌, “ଏ ବୁବା, ମୁସ୍‌କୁପୁର୍‌ ମାରି ଦୁନିଆଦି ପ୍ରବୁ, ଇୟାୱିଜୁ ମାଟା ନିନ୍‌ ବୁଦିମାନି ମାରି ପଡ଼ାତି ଲୋକାମାଣ୍‌କୁ ମାର୍‍କ୍‍ସି ଇଡ୍‌ଜି ପଡ଼ାଇ ଲୋକାମାନୁ ୱେକ୍‍ତିମାନି ଆକା ନାନ୍ ନିଙ୍ଗିଁ ଦନ୍ୟବାଦ୍‌ ସିଜିନା ।

1కొరింతి 14:7

ପିରଡ଼ି ଆପିତ୍‌ ସିଲ୍‌ତିଙ୍ଗ୍‌ ଟଇଲା ଆପିତ୍‌, ଜିବନ୍‌ସିଲି ଅଡ଼୍‌ନିକା ଜଦି ନେଗି ସର୍‌ତାନ୍‌ ଅଡ଼୍ଏତେ, ଆର୍‌ତିଙ୍ଗ୍‌ ପିରଡ଼ିଦୁ ଇନିକା ଅଡ଼୍‌ଜିନାତ୍ ମାରି ଟଇଲାଦୁ ଇନିକା ଅଡ଼ଜିନାତ୍‌, ଆକା ଏନ୍‌ ଇନିକା ନେସ୍ତେଙ୍ଗ୍ ଆଟ୍‍ନାନ୍ ?