1కొరింతి 12:8 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

⁸ ଇରିଙ୍ଗ୍‌ ଅରେନ୍‍ୱାନିଙ୍ଗ୍‍ ଆତ୍ମାଦି ମାଣ୍‌କୁ ବୁଦିଦି ବାକ୍ୟ, ମାରି ଅରେନ୍‍ୱାନିଙ୍ଗ୍‍ ଆୟା ଆତ୍ମାଦି ସିକିୟା ଇସାବ୍‌ତାନ୍‌ ବୁଦିଦି ମାଟା ଇନାନ୍‌,

Konda: కొండ బాసదు నెగ్గి కబ్రు

⁸ ఎలాగ ఇహిఙ, ఒరెన్‌ వన్నిఙ్‌ దేవుణు ఆత్మదాన్‌ బుద్ది మని మాటెఙ్‌ వెహ్తెఙ్‌ వరం సీజినాన్. మరి ఒరెన్‌ వన్నిఙ్‌ గెణం మని మాటెఙ్‌ వర్గిదెఙ్‌ అయా దేవుణు ఆత్మనె వరం సీజినాన్.

1కొరింతి 12:8 Referans Kwoze

2కొరింతి 8:7

ମିର୍‌ ୱିଜୁ ବିସୟତୁ ମାଜନ୍‌ ଆତିମାନିଦେର୍‍ । ମି ବିସ୍‍ବାସ୍, ମାଟା ୱାର୍‍ଗିଦେଙ୍ଗ୍‍, ଜ୍ଞାନ, ସାହାଜ୍ୟକିଦେଙ୍ଗ୍‍ ୱେଡ଼ିକା ମାରି ମା ଉଣ୍ତିଙ୍ଗ୍‌ ଜିବନ୍‍ନୋନିକା ତର୍‍ତେଙ୍ଗ୍‍ଁ ନାଣ୍ତ ପରିଚୟ ସିତିମାନିଦେର୍‍ । ଆଦେଙ୍ଗ୍‍ଁ ଇୟା ଦୟା ସେବାପାଣିଦୁ ବା ଦାନ୍‌ ସିନିକାନ୍‍ ଆଜି ଜିବନ୍‍ନୋନିକା ପରିଚୟସିଦୁ, ଇକା ନା ବଦା ।

1కొరింతి 1:5

ଇରିଙ୍ଗ୍‌ କ୍ରିସ୍ତଦି ୱାଲେ ମିସାତି ମାନିଙ୍ଗ୍‌ ମିର୍‌ ୱିଜୁ ବିସୟ୍‌ତି ସିକିୟାଦୁ ମାରି ୱିଜୁଜାତିଦି ବୁଦିଦୁ ବା ଦନି ଆତିମାନିଦେର୍‌ ।

1కొరింతి 1:30

ମାତର୍‌ ମାପୁରୁ ମିଙ୍ଗିଁ କ୍ରିସ୍ତ ଜିସୁଦି ୱାଲେ ମିସାକିତା ମାନାନ୍‌ ମାରି ୱାନ୍‌ ମାପୁରୁଦିମାଣୁକୁ ମା ଉଣ୍ତିଙ୍ଗ୍‌ ଜ୍ଞାନ୍‌ଦିୱାଜା କିତାମାନାନ୍‌, ୱାନି ମାଣ୍‌କୁ ମାପୁରୁଦି ଆଗ୍‌ଡ଼ି ମା ଜତାର୍ଥ ମିସାଜି ପୁନା ତିଆର୍‌ ଆଜି, ମାଡୁ ଦାର୍ମିକ ମାରି ପବିତ୍ର ଲୋକ୍‌ ଆଜି ରକିୟା ପୟ୍‌ତିମାନିକା ।

1కొరింతి 13:8

ଜିବନ୍‌ନୋନିକା ଏସ୍‌କାଙ୍ଗ୍‌ବା ୱିଜ୍‌ଏତ୍‌; ଜଦି ମାପୁରୁଦି ମାଣ୍‌କୁ ପ୍ରଚାର୍‌ଆନି ମାଟା ମାନାତ୍‌, ଆକା ମାରାଗ୍‌ନାତ୍‌; ଜଦି ଆଇବାସା ମାନାତ୍‌, ଆୟାୱିଜୁ ବେକାର୍‌ ଆନାତ୍‌; ଜଦି ବୁଦି ମାନାତ୍‌, ଆକାବା ମାରାଗ୍‌ନାତ୍‌ ।

మత్తయి 13:11

ଜିସୁ ଇର୍ହାନ୍‌, ମୁସ୍‌କୁପୁର୍‌ତି ମାର୍‍ଗିତିମାନି ବିସୟ୍‌ ନେସ୍‌ତେଙ୍ଗ୍‌ ଇଜି ମିଙ୍ଗିଁ ବୁଦି ସିଆଇ ଆତାମାନାତ୍‌, ମାତର୍‌ ୱାରିଙ୍ଗ୍‌ ସିଆଇ ଆଏତ୍‍ ।

1కొరింతి 13:2

ଜଦି ନାନ୍‌ ବାବବାଣି ୱେର୍‍ତେଙ୍ଗ୍‍ ସାକ୍ତି ମାନାତ୍‌ ମାରି ନାନ୍‌ ୱିଜୁ ମାର୍‌ଗିତିମାନି ମାଟା ବୁଜାଦେଙ୍ଗ୍‌ ସାକ୍ତି ମାନାତ୍‌ ମାରି ୱିଜୁ ବିସୟ୍‌ତି ଜ୍ଞାନ୍‌ ମାନାତ୍‌, ମାରି ଗରନ୍‌ତିଙ୍ଗ୍‌ ଗୁସାକିନି ଉଣ୍ତିଙ୍ଗ୍‌ ନାଙ୍ଗିଁ ପୁରା ବିସ୍‌ବାସ୍‌ ମାନାତ୍‌, ମାତର୍‌ ନା ଜିବନ୍‌ନୋନିକା ସିଲେତିଙ୍ଗ୍‌, ଆର୍‌ତିଙ୍ଗ୍‌ ନାନ୍‌ ଇନିକା ସିଲେ ।

అపొస్తు 6:3

ଆଦେଙ୍ଗ୍‌ ଏ ତଡ଼ାନ୍‌କୁ ନି ତାଙ୍ଗିଁକି ମି ମାଣ୍‌କୁ ପବିତ୍ର ଆତ୍ମା ନି ବୁଦିଦୁ ପୁରା ଆତିମାନି ସାତ୍ ଲୋକାଙ୍ଗ୍‌ ଆସ୍‍କିଦୁ । ମାଡ୍‌ ୱାରିଙ୍ଗ୍‌ ଇୟା ବିସୟ୍‌ତୁ ଦାୟିତ୍‍ ସିନାଟ୍‍ ।

ରୋମିୟ 15:14

ନା ତଡ଼ାନ୍‍କୁ ନି ତାଙ୍ଗିଁକ୍‍, ନା ବିସ୍‍ବାସ୍‍, ମିର୍‌ ୱିଜୁ ନେଗିଗୁଣ୍‍ ନି ବୁଦିଦୁ ପୁରାଆଜି ମାରି ନିଜେନିଜେଦିଙ୍ଗ୍‍ଁ ସିକିୟା ସିଦେଙ୍ଗ୍‌ ଆଟ୍‌ନିଦେର୍‌ ।

1కొరింతి 2:11

ଲୋକ୍‌ତି ବିସୟ୍‌ୱିଜୁ ଲୋକ୍‌ତିମାନୁ ମାନି ଆତ୍ମାଦିଙ୍ଗ୍‌ ଡ଼ିସ୍‌ତିଙ୍ଗ୍‌ ମାରି ଏନ୍‌ ନେସ୍‌ନାନ୍‌ । ଆୟାୱାଜା ମାପୁରୁଦି ବିସୟ୍‌ୱିଜୁ ମାପୁରୁଦି ଆତ୍ମାଦିଙ୍ଗ୍‌ ଡ଼ିସ୍‌ତିଙ୍ଗ୍‌ ମାରି ଏନ୍‌ ନେସ୍‌ତେଙ୍ଗ୍‌ ଆଟ୍‍ଏନ୍‍ ।

1కొరింతి 2:16

ଦର୍ମସାସ୍ତ୍ରଦୁ ଏଣ୍ତେସ୍‌ ରାସାତାମାନାତ୍‌ : “ଏନ୍‌ ପ୍ରବୁଦି ମୋନ୍‌ତିଙ୍ଗ୍‌ ବୁଜାଦେଙ୍ଗ୍‌ ଆଟ୍‍ନାନ୍‍ ? ଏନ୍‌ ୱାନିଙ୍ଗ୍‌ ସିକିୟା ସିଦେଙ୍ଗ୍‌ ଆଟ୍‍ନାନ୍‍ ?” ୱାନ୍‌ ଏନ୍‌ଆପିନ୍‌, ମାପୁ କ୍ରିସ୍ତଦି ମୋନ୍‌ତିଙ୍ଗ୍‌ ମାନାତାମାନାପ୍‌ ।

1కొరింతి 14:6

ଏ ତଡ଼ାନ୍‌କୁ, ନାନ୍‌ ଜଦି ମି ଲାକ୍‌ତୁ ସୋଲ୍‌ସି ମାପୁରୁଦିମାଣୁକୁ ୱେର୍‌ଆୟ୍‌ଏତି ବାକ୍ୟ, ମାରି ବୁଦି, ମାରି କାବୁର୍‌ ମାରି ସିକିୟାଦି ମାଟା ୱେର୍‌ଏଣ୍‌ଗା କେବଲ ଆଇ ବାସାଦାନ୍‍ ୱାର୍‌ଗିନା, ଆର୍‌ତିଙ୍ଗ୍‌ ଆବେନ୍‌ ନାନ୍‌ ମିଙ୍ଗିଁ ଇନି ସୁବିଦା କିନା ।

1కొరింతి 14:26

ଏ ତଡ଼ାନ୍‌କୁ ନି ତାଙ୍ଗିଁ, ମିଙ୍ଗିଁ ନାନ୍‌ ୱେର୍‌ନି ମାଟା; ଉପାସନା କିନି ଉଣ୍ତିଙ୍ଗ୍‌ ଉଣ୍ତାନି ୱାଲେ ଏନ୍‌ ଅରେନ୍‍ ପାଟା ପାରିନ୍‌, ମାରି ଅରେନ୍‍ ସିକିୟା ସିପିନ୍‌, ଏନ୍‌ ଅରେନ୍‍ ମାପୁରୁଦି ୱେର୍‌ତି ବାକ୍ୟ ୱେର୍‌ନି, ମାରି ଅରେନ୍‍ ଆଇ ବାସାଦାନ୍‍ ୱାର୍‌ଗିପିନ୍‌ ମାରି ଏନ୍‌ ଇୟା ନେସ୍‌ଇ ବାସାଦି ଅର୍ତ ବୁଜା କିପିନ୍‌ । ଇୟାୱିଜୁ ମଣ୍ତଲିଦି ନେଗି ଉଣ୍ତିଙ୍ଗ୍‌ କିନିକା ଦର୍‌କାର୍‌ ।

2కొరింతి 1:12

ଦୁନିଆଦୁ ଜିବନ୍‌ ମାରି ବିସେସ୍‍କିଜି ମିୱାଲେ ମା ମିଲାମିସା ମାପୁରୁମାନୁ ପବିତ୍ର ମାରି ବିସ୍‍ବାସ୍ ବୁଲାଜିସାଜି ଇଜି ମା ବୁଦିଦୁ ସାକି । ଇୟାଉଣ୍ତିଙ୍ଗ୍‌ ମା ମୋନତୁ ଗର୍ବ ଆଜିନାତ୍ ଦୁନିଆଦି ବୁଦିଦାନ୍ ଆଏତେ, ମାତର୍‌ ମାପୁରୁଦି ଦୟାଦାନ୍ ଇକା କିଦେଙ୍ଗ୍ ମାପୁ ସାକି ଆତିମାନିକା ।

2కొరింతి 2:14

ମାପୁରୁଦି ଦନ୍ୟବାଦ୍‌ ଆପିତ୍‌ । ଇରିଙ୍ଗ୍‌ ୱାନ୍‌ ଜିସୁ କ୍ରିସ୍ତଦିମାଣୁକୁ ୱିଜୁଦିନ୍ ମାଙ୍ଗିଁ ଜିଣାନି ସାରିଦୁ ଆଗ୍‍ଡ଼ି ଅନାନ୍ । ମାରି ବାସ୍‌ନା ଦୁପୁଣି ୱିଜୁତରିନ୍‌ ୱେଙ୍ଗିଁତି ୱାଜା କ୍ରିସ୍ତଦି ବୁଦି ଆଇୱାରିଙ୍ଗ୍‌ ସିନିଉଣ୍ତିଙ୍ଗ୍ ମାପୁରୁ ମାଙ୍ଗିଁ ବ୍ୟବହାର୍‌ କିତାମାନାନ୍ ।

2కొరింతి 4:6

ଇରିଙ୍ଗ୍‌ ଆମା ମାପୁରୁ ଇର୍‌ଆମାନାନ୍‌, “ସିକାଟିଦି ଲୋଇରାନ୍‌ ଜାୟ୍‌ତିକା ଆନିକା,” ଆୟା ମାପୁରୁ କ୍ରିସ୍ତଦି ମୋକମ୍‌ତାନ୍ ସାକ୍ତିଦି ମହିମା ସୁଡ଼ୁନି ଉଣ୍ତିଙ୍ଗ୍‌ ମା ଜିବନ୍‌ତୁ ଜାୟ୍‌ କିତାମାନାନ୍ ।

2కొరింతి 6:6

ମା ପବିତ୍ରତା ବୁଦି, ସାହାସ୍‍, ଦୟା, ସତ୍‍ ଜିବନ୍‍ନୋନିକା ମାରି ସତ୍‍ତି ମାଟା ଉଣ୍ତିଙ୍ଗ୍‌ ପବିତ୍ର ମାପୁରୁଦି ସାକ୍ତିଦାନ୍ ମାପ୍‌ ମାପୁରୁଦି ସେବକ ଇଜି ପରିଚୟ ସିତାମାନାପ୍‍,

2కొరింతి 11:6

ନାନ୍‌ ୱାରି ୱାଜା ସାଲାକିଦିକାନ୍‌ ଆଦେଙ୍ଗ୍‌ ଆଟ୍‍ଏ, ମାତର୍‌ ବୁଦିଦୁ ଉଣା ସିଲେ । ମିଙ୍ଗିଁ ଇୟା ମାଟା ମାପ୍‌ ୱିଜୁଦିନ୍‌ ମାରି ୱିଜୁ ଅସୁବିଦାଦୁ ୱେର୍‍ସି ୱାଜିନାପ୍‌ ।