1కొరింతి 12:12 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹² କ୍ରିସ୍ତ ଗାଦିଜାତିଦି ଉନ୍‍ଡ୍ରେ ମେନ୍ଦଲ୍, ମାରି ଆବେଣି ବାଗ୍‌ତି ଗାଦି, ମାତର୍‌ ମେନ୍ଦଲ୍‍ତି ୱିଜୁ ବାଗ୍‌ତି ଗାଦି ଆତିଙ୍ଗ୍‌ବା ଉନ୍‌ଡ୍ରେ ମେନ୍ଧଲ୍‍ ।

Konda: కొండ బాసదు నెగ్గి కబ్రు

¹² ఒడొఃల్‌ ఉండ్రెనె, గాని నండొ బాగమ్‌కు కూడ్ఃజి తయార్‌ ఆత మనాద్. నండొ బాగమ్‌కు కూడిఃతికాదె గాని అవి కూడ్ఃజి ఉండ్రె ఒడొఃల్‌ ఆతి లెకెండ్‌నె క్రీస్తుబా మనాన్.

1కొరింతి 12:12 Referans Kwoze

కొలొసి 3:15

କ୍ରିସ୍ତସିତିମାନି ସାନ୍ତି ମି ଜିବନ୍‌ତିଙ୍ଗ୍‌ ସାଲାକିପିତ୍‌; ଇରିଙ୍ଗ୍‌ ଇୟା ସାନ୍ତି ଉଣ୍ତିଙ୍ଗ୍‌ ମାପୁରୁ ମିଙ୍ଗିଁ ଅରେସ୍‌ୱାଜା ଉନ୍‌ଡ୍ରେ ମେନ୍ଧଲ୍‍ ଆନି ଉଣ୍ତିଙ୍ଗ୍‌ କୁକ୍‌ତାମାନାନ୍‌ । ୱିଜୁଦିନ୍‌ ଦନ୍ୟବାଦ୍‌ ସିଦୁ ।

1కొరింతి 12:27

ମିର୍‌ କ୍ରିସ୍ତଦି ମେନ୍ଧଲ୍‍, ମାରି ମିର୍‌ ୱିଜୁଲୋକୁ ଆୟା ମେନ୍ଦଲ୍‌ତି ଉନ୍‌ଡ୍ରି ଉନ୍‌ଡ୍ରି ଅଙ୍ଗ ।

కొలొసి 2:19

ମେନ୍ଦଲ୍‌ତି ତାଲାଦି ୱାଜା କ୍ରିସ୍ତଦିମାଣୁକୁ ୱାର୍‌ ୱେର୍‌ଏ ଆତାମାନାର୍‌ । ତାନି ସାଲାକିନି ମେନ୍ଦଲ୍‍ୱିଜୁ ଗାଟିଙ୍ଗ୍‌ ମାରି ସିରେଙ୍ଗ୍‌ ମିରେଙ୍ଗ୍‌ ଦାନ୍‌ ନିଜେନିଜେଦି ୱାଲେ ମିସାଜି ମଟାଆନେ ମାରି ମେନ୍ଧଲ୍‍ ମାପୁରୁଦି ମାଟା ଇସାବ୍‌ତାନ୍‌ ପିରିଏନ୍‌ ।

ଏପିସିୟ 4:4

ମା ମେନ୍ଦଲ୍‌ ଉନ୍‌ଡ୍ରେ, ଆତ୍ମା ବା ଉନ୍‌ଡ୍ରେ ମାରି ଉନ୍‌ଡ୍ରେ ଆସା ସିଜି ମାପୁରୁ ମାଙ୍ଗିଁ କୁକ୍‌ତାମାନାନ୍‌ ।

1కొరింతి 10:17

ଇରିଙ୍ଗ୍‌ ରୁଟି ଉନ୍‌ଡ୍ରେ ଆତିଙ୍ଗ୍‌ବା ମାଡୁ ଗାଦିଲୋକ୍‌ ଆତିଙ୍ଗ୍‌ ‌ବା ମାଡୁ ଉନ୍‌ଡ୍ରେ ମେନ୍ଧଲ୍‍, ଇରିଙ୍ଗ୍‌ ମାଡୁ ୱିଜେରେ ଆୟା ଉନ୍‌ଡ୍ରେ ରୁଟିଦୁ ମିସାତିମାନିକା ।

ଏପିସିୟ 5:30

ଇରିଙ୍ଗ୍‌ ମାଡ୍‌ ୱାନି ମେନ୍ଦଲ୍‌ତି ମେନ୍ଦଲକାନ୍ଦଲ୍‍ ।

కొలొసి 1:18

ମାରି, ୱାନ୍‌ ୱାନି ପାର୍‌ତନା କିନି ମଣ୍ତଲିୱାଜା ମେନ୍ଦଲ୍‌ତି ତାଲା, ଆୟା ମେନ୍ଦଲ୍‍ତି ୱାନ୍‌ ଜିବନ୍‍ ସାକ୍ତି, ସାତିୱାରିମାଣାନ୍‍କୁ ୱାନ୍‌ ପାର୍‍ତୁମ୍‍ ଜନମ୍‍ ଆତିମାନି କଡ଼, ୱିଜୁ ବିସୟ୍‍ତୁ ପାର୍‍ତୁମ୍‍ ବାଡି ପୟ୍‍ନି ଉଣ୍ତିଙ୍ଗ୍‍ ଆଗ୍‌ଡ଼ିଆନାନ୍‌ ।

ଏପିସିୟ 5:23

ମଣ୍ତଲି ମୁସ୍‌କୁ କ୍ରିସ୍ତଦି ଅଦିକାର୍‍ ୱାଜା ଆଡ଼୍‍ସିକା ମୁସ୍‌କୁ କନ୍‍ଲିସିରି ଅଦିକାର୍‌ ମାନାତ୍‌; ମାରି କ୍ରିସ୍ତନେ ୱାନି ମେନ୍ଧଲ୍‍ ୱାଜା ମଣ୍ତଲିଦି ରକିୟାକିନିକାନ୍‍ ।

ଏପିସିୟ 4:12

କ୍ରିସ୍ତଦି ଆୟା ମେନ୍ଦଲ୍‌ ରସ୍‌ନି ଉଦେସ୍‌ତାନ୍‌ କ୍ରିସ୍ଟିୟାନ୍‌ ସେବା ପାଣି ଉଣ୍ତିଙ୍ଗ୍‌ ମାପୁରୁଦି ଲୋକାଙ୍ଗ୍‌ ତିଆର୍‌ କିଦେଙ୍ଗ୍‌ ୱାନ୍‌ ଇକା କିତାମାନାନ୍‌ ।

ଗାଲାତିୟ 3:16

ଅବ୍ରାହାମ ନି ୱାନି କୁଟୁମ୍‍ତି ଲାକ୍‍ତୁ ମାପୁରୁ ୱାନି ପାର୍‍ମାଣ୍‍ କିତାମାର୍ହାନ୍ । ମାତର୍‍ ଇୟା ବିସୟ୍‌ତାନ୍‌ “ମି କୁଟୁମ୍‍ତିୱାରି ଉଣ୍ତିଙ୍ଗ୍‍,” ଅର୍ତାତ୍‍ ନାଣ୍ତ ଲୋକା ଉଣ୍ତିଙ୍ଗ୍‍ ଇଜି ସାସ୍ତ୍ରଦୁ ରାସାଏତ୍‍ । କେବଲ “ମି କୁଟୁମ୍‍ ଉଣ୍ତିଙ୍ଗ୍‍ଁ” ଇଜି ରାସାତାମାନାତ୍‍ । ଆଦେଙ୍ଗ୍‍ଁ ଆୟା ସାସ୍ତ୍ରଦୁ ରାସାତିକା କେବଲ ଅରେନ୍‍ ଲୋକ୍‍, ଅର୍ତାତ୍‍ କ୍ରିସ୍ତଦି ଉଣ୍ତିଙ୍ଗ୍‍ଁ ଟିକ୍‍ ।

కొలొసి 1:24

ନାନ୍‌ ମି ଉଣ୍ତିଙ୍ଗ୍‌ ଆମାୱିଜୁ ଦୁଃକ୍‌କାସ୍ଟୁ କିଜିନା, ଆୟାଉଣ୍ତିଙ୍ଗ୍‌ ଇଲେଇ ୱେଡ଼ିକା କିଜିନା, ମାରି କ୍ରିସ୍ତଦି ଆମା ଦୁଃକ୍‌କାସ୍ଟୁ ମାରି ମାନାଦେ, ଆକା ନାନ୍‌ ୱାନି ମେନ୍ଦଲ୍‌ତିୱାଜା ମଣ୍ତଲିଦି ଉଣ୍ତିଙ୍ଗ୍‌ ନା ମେନ୍ଦଲ୍‌ତାନ୍ ପୁରା କିନି ଉଣ୍ତିଙ୍ଗ୍‌ ସାକା କିଜିନା ।

ଏପିସିୟ 1:23

ମଣ୍ତଲି କ୍ରିସ୍ତଦି ମେନ୍ଧଲ୍‍; ମଣ୍ତଲି ଦାନ୍‍ କ୍ରିସ୍ତଦି ପାଣିଦି ପୁରାଆନି ପାଣି ଆନାତ୍‌; ମାରି କ୍ରିସ୍ତ ୱିଜୁ ବିସୟ ପୁରା କିନାନ୍‍ ।

1కొరింతి 12:7

ୱିଜେରି ନେଗି ଉଣ୍ତିଙ୍ଗ୍‌ ୱିଜେରେ ଲୋକାମାନୁ ପବିତ୍ରଆତ୍ମାଦି ସାକ୍ତି ଗାଦି ରକମ୍‌ତିକେଙ୍ଗ୍‌ ତରାନାତ୍‌ ।

1కొరింతి 12:20

ମାତର୍‌ ସତ୍‌ତାନ୍‌ ଗାଦି ବାଗ୍‌କୁ ଆତିଙ୍ଗ୍‌ବା ମେନ୍ଦଲ୍‌ ଉନ୍‌ଡ୍ରେ ।