1కొరింతి 1:21 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

²¹ ଇରିଙ୍ଗ୍‌ ମାପୁରୁ ୱାନି ପେରି ଜ୍ଞାନ୍‌ତାନ୍‌ ତିର୍‌ କିତାମାର୍ହାନ୍‌ ଜେ ଜଗତ୍‌ତି ଲୋକୁ ନିଜେଦି ଜ୍ଞାନ୍‌ଦାନ୍‌ ମାପୁରୁଙ୍ଗୁଁ ନେସ୍‌ତେଙ୍ଗ୍‌ ଆଟ୍‍ଏର୍‍ । ମାପୁ ପ୍ରଚାର୍‌ କିଜିମାନି ବାକ୍ୟଦି ତାଗ୍‌ଇମାଟା ସୁସମାଚାର୍‌ତୁ ବିସ୍‌ବାସ୍‌ କିଜିମାନି ଲୋକାଙ୍ଗ୍‌ ରକିୟା କିନି ଉଣ୍ତିଙ୍ଗ୍‌ ମାପୁରୁ ୱେଡ଼ିକା ଆତାନ୍‌ ।

Konda: కొండ బాసదు నెగ్గి కబ్రు

²¹ దేవుణు సితి గెణమ్‌దాన్, లోకమ్‌దిఙ్‌ సెందితి వరిఙ్, వరి గెణమ్‌దాన్‌ దేవుణుదిఙ్‌ నెస్తెఙ్‌ అట్‌ఎండ మహిఙ్, లోకమ్‌దిఙ్‌ సెందితి వరిఙ్‌ బుద్ది సిల్లి పణి ఇజి తోరె ఆతి సువార్త సాటిసి, నమ్మిజిని వరిఙ్‌ రక్సిస్తెఙ్‌ దేవుణు ఇస్టం ఆతాన్.

1కొరింతి 1:21 Referans Kwoze

లూకా 10:21

ଆୟାୱେନ୍‌କା ଜିସୁ ପବିତ୍ର ଆତ୍ମାଦିମାଣାନ୍‍ ୱେଡ଼ିକାଦାନ୍‌ ପୁରାଆଜି ଇର୍‌ଆନ୍‌, “ଏ ବୁବା, ମୁସ୍‌କୁପୁର୍‌ ମାରି ଦୁନିଆଦି ପ୍ରବୁ, ନିନ୍‌ ବୁଦିମାନି ଲୋକାମାଣ୍‌କୁ ଇୟାୱିଜୁ ବିସୟ୍‌ ମାର୍‍କ୍‍ସି ଇଡ୍‌ଜି ଇସ୍ରି କଡ଼ରିମାନୁ ୱେକ୍‌ତି, ଇୟାଉଣ୍ତିଙ୍ଗ୍‌ ନି ଦନ୍ୟବାଦ୍‌ କିଜିନା; ହୁଁ ବୁବା, ଇରିଙ୍ଗ୍‌ ଇକା ନି ନାଣ୍ତ ବଦା ।

మత్తయి 11:25

ଆୟା ସମୟ୍‍ତୁ ଜିସୁ ପାର୍‍ତନାକିଜି ଇର୍ହାନ୍‌, “ଏ ବୁବା, ମୁସ୍‌କୁପୁର୍‌ ମାରି ଦୁନିଆଦି ପ୍ରବୁ, ଇୟାୱିଜୁ ମାଟା ନିନ୍‌ ବୁଦିମାନି ମାରି ପଡ଼ାତି ଲୋକାମାଣ୍‌କୁ ମାର୍‍କ୍‍ସି ଇଡ୍‌ଜି ପଡ଼ାଇ ଲୋକାମାନୁ ୱେକ୍‍ତିମାନି ଆକା ନାନ୍ ନିଙ୍ଗିଁ ଦନ୍ୟବାଦ୍‌ ସିଜିନା ।

ଏପିସିୟ 3:10

ଏଣ୍ତେସ୍‌ ଇଲେଇତି ବେଡ଼ାଦୁ କ୍ରିସ୍ଟିୟାନ୍‌ ମଣ୍ତଲିଦି ପାଣିଦାନ୍‌ ମୁସ୍‌କୁପୁର୍‌ତି ସାସନ୍‍ କିନି ମାରି ସାକ୍ତିଙ୍ଗ୍‌ଁ ମାପୁରୁଦି ନାଣ୍ତ ବୁଦି ବିସୟ୍‌ତାନ୍‌ ଅଜାଜ ବୁଜାଦେଙ୍ଗ୍‌ ଆଟ୍‍ନାର୍‍ ।

1కొరింతి 1:24

ମାତର୍‌ ଜିହୁଦି ଆପିନ୍‌ ମାରି ଅଣଜିହୁଦିରି ଆପିନ୍‌, ଆମାକାର୍‌ ଇଚ୍ଛାମାନାର୍‌, ୱାରି ଉଣ୍ତିଙ୍ଗ୍‌ କ୍ରିସ୍ତ ମାପୁରୁଦି ସାକ୍ତି ମାରି ମାପୁରୁଦି ଜ୍ଞାନ୍‌ଦିୱାଜା ।

ରୋମିୟ 1:28

ଇୟା ଲୋକୁ ମାପୁରୁଦି ବିସୟ୍‍ତାନ୍‍ ଟିକ୍‍ ସିନ୍ତା ପୟ୍‍ଦେଙ୍ଗ୍‍ ବଦା ସିଲେତାର୍‍ଆକା, ମାପୁରୁ ୱାରିଙ୍ଗ୍ ଡ଼ିସ୍‍ତାମାନାନ୍‍ ମାରି ୱାର୍‌ ତାଗ୍‍ଇମନ୍‍ ଆଜି ଲୋକ୍‍ତି ୱାଜା ବୁଲାଏଜିନାର୍‍ ।

ରୋମିୟ 11:33

ମାପୁରୁ । ୱାନି ବୁଦି ନି ଜ୍ଞାନ୍‌ ଏସା ପେରିକା । ୱାନି ବଦାଦି ଟିକ୍‍ ଏନ୍‌ ବୁଜାକିନାନ୍‍ ? ଏନ୍‌ ୱାନି ସାରିଙ୍ଗ୍‌ଁ ନେସ୍‍ତେଙ୍ଗ୍‍ଁ ଆଟ୍‍ନାନ୍‍ ?

లూకా 12:32

ଏ ଇସ୍ରି ମାନ୍ଦା, ତିଲାମାଟ୍‌, ଇରିଙ୍ଗ୍‌ ମିଙ୍ଗିଁ ଆୟା ରାଜି ସିଦେଙ୍ଗ୍‍ ଇଜି ମି ମୁସ୍‌କୁପୁର୍‌ତି ବୁବା ବଦା କିଜିନାନ୍‌ ।

యోహాను 12:31

ଇଲେଇ ଇୟା ଦୁନିଆଦୁ ବିସାର୍‌ ଇଗା ୱାତାତ୍‍; ଇଲେଇ ଇୟା ଦୁନିଆଦି ବିସାର୍‍ପତିଙ୍ଗ୍‌ ଆତ୍‌ରେ ପକାନାନ୍‍ ।

1కొరింతి 1:18

ଇରିଙ୍ଗ୍‌ ନାସ୍ଟୁ ଆଦେଙ୍ଗ୍‌ ସୋଲ୍‌ସିମାନି ଲୋକା ଉଣ୍ତିଙ୍ଗ୍‌ କ୍ରୁସ୍‌କାଟ୍‌ତି ମୁସ୍‌କୁରି ମାଟା ମୁର୍କୁ । ମାତର୍‌ ରକିୟା ପୟ୍‌ତିମାନି ମା ଉଣ୍ତିଙ୍ଗ୍‌ ଆକା ମାପୁରୁଦି ସାକ୍ତି ।

1కొరింతి 1:23

ମାତର୍‌ ମାପୁ କ୍ରୁସ୍‌ଦି ମୁସ୍‌କୁ ସାତିମାନି କ୍ରିସ୍ତଙ୍ଗ୍‌ ପ୍ରଚାର୍‌ କିନାପ୍‌, ୱାନ୍‌ ଜିହୁଦିରି ଉଣ୍ତିଙ୍ଗ୍‌ ଏରେପ୍‌ନିୱାଜା ମାରି ଅଣଜିହୁଦିରି ଉଣ୍ତିଙ୍ଗ୍‌ ମୁର୍କୁଦିୱାଜା;

1కొరింతి 1:25

ଆର୍‌ତିଙ୍ଗ୍‌ ମାପୁରୁଦି ମୁର୍କୁ ଇଜି ଏତ୍‌ ୱାନାତ୍‌ ବିସୟ୍‌ ଲୋକାଦି ଜ୍ଞାନ୍‌ ବାଦ୍‌ଲୁ ନାଣ୍ତ ଜ୍ଞାନ୍‌ ମାନାତ୍‌, ମାରି ମାପୁରୁଦି ଦୁର୍ବଳ ଇଜି ଏତ୍‌ ୱାନାତ୍‌ ବିସୟ୍‌ ଲୋକା ସାକ୍ତି ବାଦ୍‌ଲୁ ନାଣ୍ତ ସାକ୍ତି ।

1కొరింతి 1:27

ଇୟାଉଣ୍ତିଙ୍ଗ୍‌ ମାପୁରୁ ଜ୍ଞାନିରିଙ୍ଗ୍‌ ସେମାର୍‌ କିନି ଉଣ୍ତିଙ୍ଗ୍‌ ଜଗତ୍‌ତି ମୁର୍କୁରିଙ୍ଗ୍‌ ଆସ୍‌କିତାମାନାନ୍‌ ମାରି ସାକ୍ତିମାନିୱାରିଙ୍ଗ୍‌ ସେମାର୍‌ କିନି ଉଣ୍ତିଙ୍ଗ୍‌ ଜଗତ୍‌ତି ବପୁସିଲିୱାରିଙ୍ଗ୍‌ ଆସ୍‌କିତାମାନାନ୍‌,

1కొరింతి 2:14

ମାତର୍‌ ଦୁନିଆଦି ଲୋକୁ ମାପୁରୁଦି ଆତ୍ମାଦି ବିସୟ୍‌କୁ ମାନାଏନ୍‌, ଇରିଙ୍ଗ୍‌ ଇୟାୱିଜୁ ୱାନି ଲାକ୍‌ତୁ ମୁର୍କୁ, ମାରି ୱାନ୍‌ ଆୟାୱିଜୁ ବୁଜାଦେଙ୍ଗ୍‌ ଆଟ୍‍ଏନ୍‍, ଇରିଙ୍ଗ୍‌ କେବଲ ଆତ୍ମାଦୁମାନି ଲୋକୁ ଆୟାୱିଜୁଦିଙ୍ଗ୍‌ ବିଚାର୍‌ କିଦେଙ୍ଗ୍‌ ଆଟ୍‍ନାନ୍‍ ।

1కొరింతి 4:10

ମାପୁ କ୍ରିସ୍ତଦି ଉଣ୍ତିଙ୍ଗ୍‌ ମୁର୍କୁ ଇଜି ଜାଣାଆତାମାନାପ୍‌ । ମାତର୍‌ ମିର୍‌ କ୍ରିସ୍ତଦିମାନୁ ବୁଦିମାନିକିଦେରା; ମାପୁ ସାକିସିଲିଲୋକୁ, ମାତର୍‌ ମିର୍‌ ସାକ୍ତିମାନିକିଦେରା । ମିର୍‌ ସନ୍‌ମାନ୍‌, ମାତର୍‌ ମାପୁ ସନ୍‌ମାନ୍‌ ଆଏପ୍‌ ।

1కొరింతి 6:2

ମାପୁରୁଦି ଲୋକୁ ଦୁନିଆଦି ବିଚାର୍‌ କିନାର୍‌ ଇଜି ଇୟା ମାଟା ଇନିକା ମିର୍‌ ନେସ୍‌ଇଦେର୍‌ ? ମିର୍‌ ଜଦି ଦୁନିଆଦି ବିଚାର୍‌ କିଦେଙ୍ଗ୍‌ ଆଟ୍‌ନିଦେର୍‌, ଆର୍‌ତିଙ୍ଗ୍‌ ମିର୍‌ ଇନିକା ଇୟା ଇସ୍ରି ବିସୟ୍‌ତିଙ୍ଗ୍‌ ବିଚାର୍‌ କିଦେଙ୍ଗ୍‌ ଆଟ୍‍ଇଦେର୍‍ ?

1కొరింతి 11:32

ମାତର୍‌ ଦୁନିଆଦି ୱିଜୁଦିନ୍‌ତି ଦଣ୍ଡ୍‌ତାନ୍‌ ମାଙ୍ଗିଁ ରକ୍‌ୟା କିନି ଉଣ୍ତିଙ୍ଗ୍‌ ପ୍ରବୁ ମାଙ୍ଗିଁ କାସ୍ଟୁ ସିଜି ବିସାର୍‌ କିଜିନାନ୍‌ ।

ଗାଲାତିୟ 1:15

ମାତର୍‍ ମାପୁରୁ ୱାନି ଦୟାଦାନ୍‍ ନା ଜନମ୍‍ ଆନି ଆଗ୍‍ଡ଼ିରାନ୍‍ ନାଙ୍ଗିଁ ଆସ୍‍କିତାମାର୍ହାନ୍‍ ମାରି ୱାନି ସେବା କିନି ଉଣ୍ତିଙ୍ଗ୍‍ଁ ନାଙ୍ଗିଁ କୁକ୍‍ତାମାର୍ହାନ୍‍ ।

ଗାଲାତିୟ 4:8

ଆଗ୍‍ଡ଼ି ମିର୍‍ ମାପୁରୁଙ୍ଗ୍‍ଁ ନେସ୍‍ଇମାର୍ହିଦେର୍‍, ଆଦେଙ୍ଗ୍‍ଁ ଏମେକାର୍‍ ସତ୍‍ତାନ୍‍ ମାପୁରୁ ଆଏର୍‍, ଆୟାନାନି ମିଚ୍‍ ଦିୟାମ୍‍କା ଦାସ୍‍ ମାର୍ହିଦେର୍‍ ।

ଏପିସିୟ 1:9

ମାପୁରୁ ୱାନି ପେରି ବୁଦି ନି ଲୋଇ ସୁଣି ମାଣାନ୍‌ ଆମାକା ବଦାକିତା ମାର୍ହାର୍‍, ଆକା ପୁରା କିତାମାନାନ୍‌ ମାରି ତାନିଙ୍ଗ୍‍ କ୍ରିସ୍ତଦି ସାକାଦାନ୍‍ ପୁରା କିଦେଙ୍ଗ୍‌ ଇଜି ୱାନ୍‌ ଏମେ ମାର୍‍ଗିତି ସିନ୍ତା କିତାମାର୍ହାନ୍, ଆକା ମା ଲାକ୍‌ତୁ ୱେକ୍‍ତା ମାନାନ୍‌ ।

కొలొసి 1:19

ଇରିଙ୍ଗ୍‌ ମାପୁରୁଦି ବଦା ଇସାବ୍‌ତାନ୍‌ ମାରିନ୍‌ ନିଜେ ମାପୁରୁଦି ପୁରାଗୁଣ୍‍ ଆସ୍‍ତାମାନାନ୍‍ ।

ఎబ్రి 1:14

ଆର୍‌ତିଙ୍ଗ୍‌ ମୁସ୍‌କୁପୁର୍‌ତି ଦୁତ୍‍କୁ ଏର୍‌ ? ୱାର୍‌ ଆଜିନାର୍ ମାପୁରୁଦି ସେବାକିନିକାର୍‍, ରକିୟା ପୋଇତିମାନି ଲୋକୁଦି ସାକା ଉଣ୍ତିଙ୍ଗ୍‌ ମାପୁରୁଦି ମାଡ଼ାନ୍ ପକାତି ଆତ୍‍ମେଙ୍ଗ୍‍ ।

ఎబ్రి 2:3

ଆର୍‌ତିଙ୍ଗ୍‌, ଇୟା ପେରିରକିୟାଦିଙ୍ଗ୍‌ ଡ଼ିସ୍‌ତିଙ୍ଗ୍‌, ମାଡ୍‌ ଏଣ୍ତେସ୍ ରକିୟା ପୋଇନିକା ? ଇୟା ପରିତ୍ରାଣ ନିଜେ ପ୍ରବୁ ନିଜେ ଆଗ୍‍ଡ଼ିନେ ୱେର୍‍ତାମାନାନ୍ ମାରି ୱାନିମାନୁ ୱେର୍‌ଇମାନି ଲୋକୁ ୱାନି ପେରିସତ୍‍ ମା ଲାକୁତୁ ପାର୍‌ମାଣ୍‌ କିତାମାନାର୍‍ ।

ఎబ్రి 7:25

ଆଦେଙ୍ଗ୍‌ ଏମେକାର୍‌ ୱାନି ମାଡ଼ାନ୍ ମାପୁରୁଦି ଲାକୁତୁ ସନାର୍, ୱାରିଙ୍ଗ୍ ରକିୟା କିଦେଙ୍ଗ୍‌ ୱାନ୍‌ ଇଲେଇ ମାରି ୱିଜୁଦିନ୍ ଡାଟ୍‌ ମାନାନ୍‌, ମାତର୍‌ ୱାରି ଉଣ୍ତିଙ୍ଗ୍‌ ମାପୁରୁଦି ଲାକୁତୁ ପାର୍‌ତନା କିଦେଙ୍ଗ୍‌ ୱାନ୍‌ ୱିଜୁଦିନ୍ ଜିତାମାନାନ୍‍ ।

యాకోబు 4:4

ଏ ବିସ୍‌ବାସ୍‌ତୁ ବିସ୍‌ ସିନି ଲୋକୁ ! ମିର୍‌ ଇନିକା ନେସ୍‌ଇଦେର୍‌, ଦୁନିଆ ମାପୁରୁଦି ଉଣ୍ତିଙ୍ଗ୍‌ ସାତ୍ରୁଆନାତ୍‌ ? ଏନ୍‌ ଇୟା ଦୁନିଆଦି ୱାଲେ ସଙ୍ଗ୍‌ ଆଦେଙ୍ଗ୍‌ ବଦା କିନାନ୍‌; ୱାନ୍‌ ମାପୁରୁଦି ସାତ୍ରୁ ।

యాకోబు 5:15

ଇୟାୱାଜା ବିସ୍‌ବାସ୍‌ତୁମାନି ପାର୍‌ତାନାଦାନ୍‌ ରଗ୍‍ତିୱାନିଙ୍ଗ୍‌ ନେଗେନ୍‍ କିନାତ୍‍ । ପ୍ରବୁ ୱାନିଙ୍ଗ୍‌ ନେଗେନ୍‌ କିନାନ୍‌ ମାରି ଜଦି ୱାନ୍‌ ପାପ୍‌ କିନାମାନାନ୍‌, ଆର୍‌ତିଙ୍ଗ୍‌ ୱାନିଙ୍ଗ୍‌ କେମା ସିଆୟ୍‌ଆନାତ୍‌ ।

యాకోబు 5:20

ଆର୍‌ତିଙ୍ଗ୍‌ ମନ୍‍ତୁଇଡ୍‍ଦୁ ଏନ୍‌ ତାଗ୍‌ଇସାରିଦାନ୍‌ ପାପ୍‌ଲୋକ୍‌ତିଙ୍ଗ୍‌ ଡ଼େସି ତାନାନ୍‌, ୱାନ୍‌ ଆୟା ପାପି ଲୋକ୍‌ତି ଆତ୍ମାଦିଙ୍ଗ୍‌ ସାନିମାଣୁକୁ ରକିୟା କିନାନ୍‌ ମାରି ୱାନି ନିଜେଦି ନାଣ୍ତ୍‌ ପାପ୍‌ କେମା ଆନାତ୍‌ ।