1కొరింతి 1:18 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹⁸ ଇରିଙ୍ଗ୍‌ ନାସ୍ଟୁ ଆଦେଙ୍ଗ୍‌ ସୋଲ୍‌ସିମାନି ଲୋକା ଉଣ୍ତିଙ୍ଗ୍‌ କ୍ରୁସ୍‌କାଟ୍‌ତି ମୁସ୍‌କୁରି ମାଟା ମୁର୍କୁ । ମାତର୍‌ ରକିୟା ପୟ୍‌ତିମାନି ମା ଉଣ୍ତିଙ୍ଗ୍‌ ଆକା ମାପୁରୁଦି ସାକ୍ତି ।

Konda: కొండ బాసదు నెగ్గి కబ్రు

¹⁸ నాసనమాజి సొని వరిఙ్‌ క్రీస్తు సిలువాదు సాతి వందిఙ్‌ వెహ్సిని సువార్త బుద్ది సిల్లి పణి కిత్తి వందిఙ్‌ వెహ్సిని మాటెఙ్‌ లెకెండ్‌ తోరిజినె గాని దేవుణు రక్సిస్తి మని మఙి యాక దేవుణు సత్తు.

1కొరింతి 1:18 Referans Kwoze

1కొరింతి 2:14

ମାତର୍‌ ଦୁନିଆଦି ଲୋକୁ ମାପୁରୁଦି ଆତ୍ମାଦି ବିସୟ୍‌କୁ ମାନାଏନ୍‌, ଇରିଙ୍ଗ୍‌ ଇୟାୱିଜୁ ୱାନି ଲାକ୍‌ତୁ ମୁର୍କୁ, ମାରି ୱାନ୍‌ ଆୟାୱିଜୁ ବୁଜାଦେଙ୍ଗ୍‌ ଆଟ୍‍ଏନ୍‍, ଇରିଙ୍ଗ୍‌ କେବଲ ଆତ୍ମାଦୁମାନି ଲୋକୁ ଆୟାୱିଜୁଦିଙ୍ଗ୍‌ ବିଚାର୍‌ କିଦେଙ୍ଗ୍‌ ଆଟ୍‍ନାନ୍‍ ।

ରୋମିୟ 1:16

ଆୟା ସୁସମାଚାର୍‌ ମୁସ୍‌କୁ ନା ପୁରା ଆସା ମାନାତ୍‌ । ଆକା ପାର୍‍ତୁମ୍‍ ଜିହୁଦି ଲୋକାମାନୁ ମାରି ୱେନ୍‌କା ଅଣଜିହୁଦି ବିସ୍‍ବାସି ଲୋକାମାନୁ ଉଦାର୍‌ ପାଣି କିଦେଙ୍ଗ୍‌ ଇଜି ମାପୁରୁଦି ସାକ୍ତି ୱାଜା ।

2దెస్స 2:10

ଗାଦିଲୋକ୍‌ ୱାନି ମାଟା ଆସ୍‌ସି ବାୟା ଆଜି ନାସ୍ଟୁ ଆନାର୍‌ । ଆମା ସତ୍‌ତିଙ୍ଗ୍‌ ମାନାଜି ୱାନି ଉଣ୍ତିଙ୍ଗ୍‌ ମିସାଆଜିମାନି ମାଣାନ୍‌ ୱାର୍‌ ରକିୟା ପୟ୍‌ତାର୍‌ମାନ୍ଧି, ତାନିଙ୍ଗ୍‌ ମାନାଏତି ମାନିଙ୍ଗ୍‌ ୱାରି ଇୟା ଦଣ୍ତ୍‌ ଆନାତ୍‌ ।

2కొరింతి 4:3

ମାତର ମା ମାଡ଼ାନ୍ ପ୍ରଚାର୍ ଆତିମାନି ସୁସମାଚାର୍‌ ଜଦି ମାର୍‍ଗିନାମାନାତ୍‍, ଆର୍‌ତିଙ୍ଗ୍‌ ଆରେତି ନାସ୍ଟୁଆନିଲୋକା ଉଣ୍ତିଙ୍ଗ୍‌ ଆକା ମାର୍‍ଗିନାମାନାତ୍‍ ।

1కొరింతి 1:21

ଇରିଙ୍ଗ୍‌ ମାପୁରୁ ୱାନି ପେରି ଜ୍ଞାନ୍‌ତାନ୍‌ ତିର୍‌ କିତାମାର୍ହାନ୍‌ ଜେ ଜଗତ୍‌ତି ଲୋକୁ ନିଜେଦି ଜ୍ଞାନ୍‌ଦାନ୍‌ ମାପୁରୁଙ୍ଗୁଁ ନେସ୍‌ତେଙ୍ଗ୍‌ ଆଟ୍‍ଏର୍‍ । ମାପୁ ପ୍ରଚାର୍‌ କିଜିମାନି ବାକ୍ୟଦି ତାଗ୍‌ଇମାଟା ସୁସମାଚାର୍‌ତୁ ବିସ୍‌ବାସ୍‌ କିଜିମାନି ଲୋକାଙ୍ଗ୍‌ ରକିୟା କିନି ଉଣ୍ତିଙ୍ଗ୍‌ ମାପୁରୁ ୱେଡ଼ିକା ଆତାନ୍‌ ।

1కొరింతి 3:19

ଇରିଙ୍ଗ୍‌ ଇୟା ଜଗତ୍‌ତି ଆଗ୍‌ଡ଼ି ଆମାକା ବୁଦି, ଆକା ମାପୁରୁଦି ଲାକ୍‌ତୁ ମୁର୍କୁଦିକା । ଦର୍ମସାସ୍ତ୍ରଦୁ ରାସ୍‌ତାମାନାତ୍‌, “ମାପୁରୁ ବୁଦିଦିଲୋକାଙ୍ଗ୍‌ ୱାରି ସାଲାକିଦିଙ୍ଗ୍‌ ଆସ୍‌ନାନ୍‌ ।”

1దెస్స 1:5

ଇରିଙ୍ଗ୍‌ କେବଲ ମାଟାଦାନ୍‌ ଆଏତ୍‍, ପବିତ୍ରଆତ୍ମାଦି ସାକାଦି ସାକ୍ତିଦି ୱାଲେ, ନେଗିକାବୁର୍‌ତି ସତ୍‌ତାନ୍‌ ୱିଜୁନେସ୍‌ନିୱାଜା ୱେର୍‍ସି ମାପ୍‌ ଆକା ମି ଲାକ୍‌ତୁ ୱେର୍‌ତାମାର୍ହାପ୍‌ । ମିର୍‌ ନେସ୍‌ନିଦେର୍‌, ମି ୱାଲେ ମାରିଇୱାଲେ ମାଡ୍‌ ଏଣ୍ତେସ୍‌ ଜିଜିମାଡ଼ିଜି ମାରିକା; ଏଣ୍ତେସ୍‌ କେବଲ ମି ସାକା ମା ଜିବନ୍‌ତୁ ବଦାମାର୍ହାତ୍‌ ।

1కొరింతి 2:2

ମି ୱାଲେ ମାନି ବେଡ଼ାଦୁ ଜିସୁ କ୍ରିସ୍ତ, ଅର୍ତାତ୍‌ କ୍ରୁସ୍‌କାଟ୍‌ତୁ ମୁସ୍‌କୁ ୱାନି ସାତିକା ଜିସୁ କ୍ରିସ୍ତଙ୍ଗ୍‌ ଡ଼ିସ୍‌ତିଙ୍ଗ୍‌ ମିମାନୁ ମାରି ଇନି ବିସୟ୍‌ ନେସ୍‌ଇ ଉଣ୍ତିଙ୍ଗ୍‌ ନାନ୍‌ ଇଚ୍ଛା କିତା ।

అపొస్తు 13:41

ଏ ମାନାଇଲୋକ୍‍ ! ମିର୍‌ କଲବଲ୍‌ ଆଜି ସାଦୁ ! ଇରିଙ୍ଗ୍‌ ନାନ୍ ନେର୍‌ ଏମେ ପାଣି କିଜିନା, ଏନ୍‌ ଆକା ବୁଜା କିଜି ସିତିଙ୍ଗ୍‌ ବା ମିର୍‌ ବିସ୍‌ବାସ୍‌ କିଇଦେର୍‍ ।

ఎబ్రి 4:12

ମାପୁରୁଦି ବାକ୍ୟ ଜିବନ୍‌ ମାରି ସାକ୍ତିମାନିକା । ଆକା ରିୟାଙ୍ଗାଁଦି ଦାରା କାଣ୍ତା ବାଦ୍‍ଲୁ ନାଣ୍ତ ଦାରା; ଆମାମାନୁ ଆତ୍ମା ନି ଜିବନ୍‌ ମାରି ସିରେଙ୍ଗ୍‍ଁ ନି ପେଡେନ୍‌ରସ୍‌ ଲୋଇ, ମାରି ଲୋକା ଜିବନ୍‍ତି ଆସା ମାରି ଚିନ୍ତାଦି ବିଚାର୍ କିନିକା ।

2కొరింతి 10:4

ମାତର୍‌ ମାପୁରୁଦି ସାକ୍ତିଦି ସାସାପାତି ବ୍ୟବହାର୍‌ କିଜି ଆଟୁୱା ମୁଣ୍ତେଙ୍ଗ୍‍ୱିଜୁ ନାସ୍ଟୁକିଜିମାନିକା, ମିଚ୍‍ତି ଜୁକ୍ତିଦିମାଟେଙ୍ଗ୍‍ ମାପ୍‌ ନାସ୍ଟୁ କିନାପ୍‍

1కొరింతి 15:2

ନାନ୍‌ ମି ଲାକ୍‌ତୁ ପ୍ରଚାର୍‌ କିତିମାନି ଆୟା ସୁସମାଚାର୍‌ତୁ ଡାଟ୍‌ ୱାଜା ତେବାତିଙ୍ଗ୍‌, ଆର୍‌ତିଙ୍ଗ୍‌ ତାନି ମାଣାନ୍ ରକିୟା ପୟ୍‌ଜିନିଦେର୍‌, ସିଲିତିଙ୍ଗ୍‌ ମି ବିସ୍‌ବାସ୍‌ ବେକାର୍‌ ।

అపొస్తు 17:32

ପାଉଲତିମାଣାନ୍‌ ସାତି ମାଣାନ୍‌ ମାରିଡ଼େସି ନିଙ୍ଗିଁନି ବିସୟ୍‌ ୱେନ୍‌ଜି ୱାରି ଲୋଇ ଏସ ଲୋକୁ ୱାନିଙ୍ଗ୍‍ଁ ସେମାର୍‌କିତାର୍‍, ମାତର୍‌ ଆଇକାର୍‌ ଇର୍ହାର୍‌, “ନିବାଣ୍‍କୁ ଇୟା ବିସୟ୍‌ତାନ୍‌ ମାପ୍‌ ମାରି ଉନ୍‍ଣ୍ତ୍ରି ଦେବା ୱେନ୍‍ଡ୍ରେଙ୍ଗ୍‍ଁ ବଦା କିଜିନାପ୍‍ ।”

అపొస్తు 17:18

ଏସ “ଏପିକ୍ୟୁରିଆନ୍‍ ନି ସ୍ଟୋଇକ୍‍” ସିକିୟା ଗୁରୁରି ୱାଲେ ୱାନି ଆସ୍‌ସିସାତାର୍‌ । ୱାରି ଲୋଇ ଏସଲୋକ୍‌ ଇର୍ହାର୍‌, “ଇୟା ବୁଦିସିଲିକାନ୍‌ ଇନିକା ଇନ୍‍ଡ୍ରେଙ୍ଗ୍‍ଁ ସଲ୍‌ସିନାନ୍‌ ?” ଆଇକାର୍‌ ଇର୍ହାର୍‌, “ଆଇଦେସ୍‍ତି ଦିୟାମ୍‍କା ବିସୟ୍‌ତାନ୍‌ ୱାନ୍‌ ସୁସମାଚାର୍‌ ପ୍ରଚାର୍‌ କିନିକା ୱାଜା ଆଜିନାତ୍‌ ।” ଜିସୁ ନି ୱାନି ମାରିଡ଼େସି ନିଙ୍ଗିଁନି ବିସୟ୍‌ତାନ୍‌ ପାଉଲ ପ୍ରଚାର୍‌ କିନିକା ୱେନ୍‌ଜି ୱାର୍‌ ଇକା ଇର୍ହାର୍‌ ।

అపొస్తు 2:47

ମାପୁରୁଦି ଦନ୍ୟବାଦ୍‌ କିଜି ୱିଜେରେ ଲୋକା ୱାଲେ ନେଗି ୱେଡ଼ିକା କିତାର୍‍ । ମାରି ପ୍ରବୁ ରକିୟା ପୟ୍‌ନି ଲୋକାଙ୍ଗ୍‌ ୱିଜୁଦିନ୍‌ ୱାରି ଦଲ୍‍ତୁ ମିସା କିଦେଙ୍ଗ୍‌ ଆସ୍‌ତାନ୍‌ ।

1కొరింతి 4:10

ମାପୁ କ୍ରିସ୍ତଦି ଉଣ୍ତିଙ୍ଗ୍‌ ମୁର୍କୁ ଇଜି ଜାଣାଆତାମାନାପ୍‌ । ମାତର୍‌ ମିର୍‌ କ୍ରିସ୍ତଦିମାନୁ ବୁଦିମାନିକିଦେରା; ମାପୁ ସାକିସିଲିଲୋକୁ, ମାତର୍‌ ମିର୍‌ ସାକ୍ତିମାନିକିଦେରା । ମିର୍‌ ସନ୍‌ମାନ୍‌, ମାତର୍‌ ମାପୁ ସନ୍‌ମାନ୍‌ ଆଏପ୍‌ ।

ఎబ్రి 12:2

ଏମେୱାନି ମୁସୁକୁ ମା ଟିକ୍ ବିସ୍‍ବାସ୍ ଆସା କିଜିନିକା, ଆୟା ଜିସୁଦି ଉଣ୍ତିଙ୍ଗ୍ ମା କାଣୁକୁ ନେଗିକା ଇଡିନିକା । ୱାନ୍‌ କ୍ରୁସଦି ତିଲାଜି ନିଜେ ପାଣିଦାନ୍ ତେବାଏନ୍‍ ମାର୍ହାନ୍‌; ମାତର୍‍ ୱାନିଦିନ୍‍ତୁ ୱାନି ଉଣ୍ତିଙ୍ଗ୍ ଉଣ୍ତାତିମାନି ୱେଡ଼ିକା ଉଣ୍ତିଙ୍ଗ୍‌, କ୍ରୁସକାଟ୍‌ଦି ସାତିମାନି ଅପମାନ୍‍ତିଙ୍ଗ୍‌ ୱାନ୍‌ ମାନାଏନ୍‍ଣ୍ତା ବୁଦି କିତାନ୍; ଇଲେଇ ୱାନ୍‌ ମାପୁରୁଦି ରାଜାଗାଦିଦି ଉଣିକିୟୁ ତରିନ୍‌ ବାସ୍‌ତାମାନାନ୍ ।