1కొరింతి 1:11 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹¹ ଏ ନା ତଡ଼ାନ୍‌କୁ ନି ତାଙ୍ଗିଁକି, ଖ୍ଳୟୀଦି ଇଲୁଦାଣୁକୁନେ ଏସଲୋକ୍‌ ମି ବିସୟ୍‌ତାନ୍‌ ନା ଲାକ୍‌ତୁ ଇକା ୱେର୍‌ତାମାନାର୍‌, ମି ଲୋଇ ଏର୍‌ପିସିସାନିକା ମାନାତ୍‌ ।

Konda: కొండ బాసదు నెగ్గి కబ్రు

¹¹ ఎందనిఙ్‌ ఇహిఙ మా తంబెరిఙాండె, మీ లొఇ గొడెఃబెఙ్‌ మన్నె ఇజి క్లోయె ఇండ్రొణికార్‌ సెగొండార్‌ నఙి కబ్రు తత మనార్.

1కొరింతి 1:11 Referans Kwoze

1తిమోతి 6:4

ୱାର୍‌ କେବଲ୍‌ ପଟାଦୁ କେଇନିକା ଡ଼ିସ୍‌ତିଙ୍ଗ୍‌ ମାରି ଇନିକା ସିଲେଏର୍‌ । ୱାର୍‌ ସାସ୍ତ୍ରଦି ଅରତ୍‌କୁ ଅସି ଆଉଲି କିନାର୍‌; ଆବେଣୁକୁ କେବଲ୍‌ ଆକାର୍‍, ନାମ୍‌ଇକା, ସୁରିୱାର୍‌ଗିନିକା ମାରି ଗଣ୍ତ୍‌ଗଲ୍‌ କିନିକା ଆନାତ୍‌ ।

ଗାଲାତିୟ 5:26

ଆଦେଙ୍ଗ୍‌ ଗର୍ବ କିନିକା ମାରି ଆଇୱାରିଙ୍ଗ୍‌ ରିସା କିନିକା ମାରି ଆମାୱାନିଙ୍ଗ୍‍ ରିସା କିନିକା ମାଙ୍ଗିଁ ନେଗେତ୍‌ ସିଲେତ୍‍ ।

1కొరింతి 3:3

ଇଲେଇବା ମିର୍‌ ଦୁନିଆଦି ଲୋକା ୱାଜା ଜିଜିମାଡ଼ିଜିନିଦେର୍‌ । ମି ଲୋଇ ଆକାର୍‍ ମାରି ନିଜେନିଜେଦି ମାନୁ ଜାଟିଜଗଡ଼ା ତେବାନାତ୍‌; ଇବେଣ୍‌କୁ ଇନିକା ମିର୍‌ ମେନ୍ଦଲଇସାବ୍‌ତାନ୍‌ ମାରି ଦୁନିଆଦିକା ଇଜି ପାର୍‌ମାଣ୍‌ ଆଏଜିନିଦେର୍‌ ?

ଗାଲାତିୟ 5:20

ଲାଲାୟ୍‍ ଆନିକା, ବମା ପୁଜା, ଜାଦୁବିଦ୍ୟା ଗୁଣିଆ, ସାତ୍ରୁ, ଜାଟି, ଆକାର୍‍, ରିସା, ନିଜେଦି ସୁଣିକା, ଦଲ୍‍ଆନିକା ଆସା,

ଗାଲାତିୟ 5:15

ମାତର୍‍ ଜଦି ମିର୍‍ ବନ୍‌ତି ପସୁ ୱାଜା ବୁଲାସାଲା ଆଜି ନିଜେନିଜେଦିଙ୍ଗ୍‌ ଡାକ୍‌ସି ମାନିଦେର୍‌ ମାରି ନିଜେନିଜେଦିଙ୍ଗ୍‌ ନାସ୍ଟୁ କିଜିମାନିଦେର୍‍, ଆର୍‍ତିଙ୍ଗ୍‍ଁ ଜାଗାର୍‌ତା ମାନ୍‍ଡ୍ରୁ, ସିଲ୍‍ତିଙ୍ଗ୍‍ ଆନାତ୍‍ ମିର୍‍ ନିଜେନିଜେଦିଙ୍ଗ୍‍ ପୁରା ନାସ୍ଟୁ କିନିଦେର୍‍ ।

2కొరింతి 12:20

ଇରିଙ୍ଗ୍‌ ନାନୁ ତିଏଲ୍‍ ୱାଜିନାତ୍‌, ନାନୁ ମି ଲାକ୍‌ତୁ ୱାଜି ମିଙ୍ଗିଁ ଏଣ୍ତେସ୍ ସୁଡ଼ୁଦେଙ୍ଗ୍‌ ବଦା କିଜିନା, ଆୟାୱାଜା ସୁଡ଼ୁଦେଙ୍ଗ୍‌ ଆଟ୍‍ଏ ମାରି ମିର୍‌ ନା ଆମା ରୁପ୍‌ ସୁଡ଼ୁଦେଙ୍ଗ୍‌ ବଦା କିଇଜିନିଦେର୍‌, ଆର୍‌ତିଙ୍ଗ୍‌ ଆକା ସୁଡ଼ୁଦେଙ୍ଗ୍‌ ଆଟ୍‌ନିଦେର୍‌ । ଆର୍‌ତିଙ୍ଗ୍‌ ଆବେନ୍‌ ସଲ୍‌ସି ନାନୁ ୱିଜୁ ରକମ୍‍ତି ଜାଟି, ଆକାର୍‍, ରିସା, ଗର୍ବ କିନିକା, ସୁରି, ଗର୍ବ, ମାରି ସାନ୍ତିସିଲିକା ସୁଡ଼ୁଦେଙ୍ଗ୍‌ ଆଟ୍‍ନା ।

ପିଲିପିୟ 2:14

ଆସ୍‌କିଏଣ୍‌ଗା ମାରି ୱାର୍‌ଗିଜିସାଏଣ୍‌ଗା ୱିଜୁ ପାଣି କିଦୁ ।

1కొరింతి 11:18

ଇରିଙ୍ଗ୍‌ ଆଗ୍‍ଡ଼ିନେ ନାନ୍‌ ୱେନ୍‌ଜିନା ଜେ, ମଣ୍ତଲିଦୁ ମିର୍‌ ଉନ୍‌ଡ୍ରେମାନୁ ଆନିୱାଲେ ମିମାନୁ ଦଲ୍‌ ଏର୍‌ପିସିସାନିକା ଗଟାଜିନାତ୍‌, ମାରି ନାନ୍‌ ଏସ ଇସାବ୍‌ତାନ୍‌ ଇକା ବିସ୍‌ବାସ୍‌ କିଜିନା ।

1కొరింతి 1:10

ଏ ତଡ଼ାନ୍‌କୁ ନି ତାଙ୍ଗିଁକି, ମା ପ୍ରବୁ ଜିସୁ କ୍ରିସ୍ତଦି ସାକ୍ତିଦାନ୍‌ ନାନ୍‌ ମିଙ୍ଗିଁ ଅନୁରଦ୍‌ କିଜିନା, ଏଣ୍ତେସ୍‌ ମିର୍‌ ୱିଜୁଲୋକୁ ୱାର୍‌ଗିଜିସାନିୱାଲେ ଉନ୍‌ଡ୍ରେ ମାଟା ଇନିଦେର୍‍, ମାରି ମି ଲୋଇ ଏର୍‌ପିସିସାନିକା ଆଏତ୍‍ । ମାତର୍‌ ମିର୍‌ ଉନ୍‌ଡ୍ରି ମୋନ୍‌ତାନ୍‌ ମାରି ଉନ୍‌ଡ୍ରି ବିଚାର୍‌ତାନ୍‌ ଉନ୍‌ଡ୍ରେମାନୁ ଆଦୁ ।

1కొరింతి 1:12

ନା ମାଟାଦି ଏତ୍‌ ଇକା, ମିର୍‌ ୱିଜୁଲୋକ୍‌ ଆଇଆଇ ପାଣି କିଜିନିଦେର୍‌, ଏନ୍‌ ଏନ୍‌ ଆଜିନାର୍‌, ନାନୁ ପାଉଲତି ୱେନ୍‌କା ସୋଲ୍‌ସିନା, ମାରି ଏନ୍‌ ଏନ୍‌ ଆଜିନାର୍‌, ନାନୁ ଆପୋଲୋତି ୱେନ୍‌କା ସୋଲ୍‌ସିନା, ଏନ୍‌ ଏନ୍‌ ଆଜିନାର୍‌, ନାନୁ ପିତର୍‍ତି ୱେନ୍‌କା ସୋଲ୍‌ସିନା, ମାରି ଏନ୍‌ ଏନ୍‌ ଆଜିନାର୍‌, ନାନୁ କ୍ରିସ୍ତଦି ୱେନ୍‌କା ସୋଲ୍‌ସିନା ।

తీతు 3:9

ମାତର୍‌ ଆର୍‌ଏ ଲାଗାଜିସାନିକା, ପୁର୍ବେଦି ଡକ୍ରାଦାଦାରି ନିର୍‌ଇ ଦର୍‌କା ଦାଡ଼ି ମାରି ସାସ୍ତ୍ର ଅସି ଆର୍‍ଏ ଜାଟି, ଆଉଲି ମାରି ଆସ୍‌ସିସାନିକା ୱିଜୁ ଡ଼ିସ୍‌ତୁ । ଇକା ଇନିକାସିଲିକା ନି ବେକାର୍‌ ।