Zn 9:7 - Nouvo Testaman dan Kreol Morisien

⁷ Apre Zezi dir li, “Al lav to figir dan pisinn Siloe” (Siloe vedir, ‘anvwaye’). Li ale, li lav so figir e kan li revini, li trouv kler.

Nouvo Testaman Kreol Morisien Harmonisation NTPS KM

⁷ Apre Zezi dir li, “Al lav to figir dan pisinn Siloe” (Siloe vedir anvwaye). Li ale, li lav so figir e kan li revini, li trouv kler.

Zn 9:7 Referans Kwoze

Zn 11:37

Ena ti pe dir, “Eski li pa ti kapav anpes li mor alors ki li finn kapav ouver lizie enn aveg?”

Zn 9:11

Li reponn, “Sa dimoun ki apel Zezi la, limem finn fer labou, finn pas sa lor mo lizie e finn dir mwa, ‘Al lav to figir dan pisinn Siloe.’ Alors mo finn ale e letan mo finn fini lav mo figir, mo finn trouv kler.”

Zistwar Bann Zapot 26:18

pou ouver zot lizie, tir zot dan teneb pou met zot dan lalimier; pou sorti dan pouvwar Satan pou al ver Bondie, pouki zot gagn pardon zot bann pese ek gagn zot plas parmi lepep Bondie ki sanktifie par lafwa dan mwa.’

Lk 13:4

Ki zot panse lor latour Siloe ki finn kraz lor dizwit dimoun e finn touy zot tou? Eski zot krwar ki bannla ti pli koupab ki tou lezot abitan Zerizalem?

Ga 4:4

Me letan ler fixe arive, Bondie ti avoy so Garson; enn fam inn donn li nesans, li ti soumet anba lalwa,

Let pou Romin 8:3

Bondie finn akonpli seki inposib pou lalwa fer parski febles natir imin finn rann li inpwisan. Bondie finn kondann pese ki dan nou natir imin par so prop Garson ki li ti anvwaye dan enn natir imin parey kouma pou nou.

Zn 10:36

kouma zot kapav dir ki mo pe blasfeme parski mo finn dir ki mo Garson Bondie, alors ki mo papa finn swazir mwa e finn avoy mwa dan lemonn?

Zn 9:39

Zezi dir li, “Mo finn vinn lor later pou rann zizman e pouki dimoun ki pa trouv kler, trouve, e pouki dimoun ki trouv kler, vinn aveg.”

Lk 2:32

Enn lalimier ki amenn revelasion ar bann payin e laglwar pou to lepep Izrael.”

Mt 11:5

bann aveg pe trouv kler, bann andikape pe marse, bann lepre pe pirifie, bann sourd pe tande, bann mor pe resisite e bann pov pe tann Bonn Nouvel ki pe anonse.