Zn 4:21 - Nouvo Testaman dan Kreol Morisien

²¹ Zezi reponn li, “Fam, krwar mwa, ler pe arive kot nepli pou bizin mont lor sa montagn la, ni al Zerizalem pou ador nou Papa.

Nouvo Testaman Kreol Morisien Harmonisation NTPS KM

²¹ Zezi reponn li, “Fam, krwar mwa, ler pe arive kot nepli pou bizin mont lor sa montagn-la, ni al Zerizalem pou ador nou Papa.

Zn 4:21 Referans Kwoze

1 Tim 2:8

Ala kifer, mo pe demande ki dimoun priye partou e touletan, ki zot lev zot lame lao dan lesiel, san fer koler, san lager.

Ef 2:18

Par Lekris nou tou, Zwif ek non-Zwif, nou kapav prezant nou devan Bondie Papa dan enn sel Lespri.

Zn 4:23

Me ler pe koste, ler finn arive, kot bann vre adorater pou ador nou Papa kouma vremem li ete, dan Lespri ek dan laverite. Koumsamem nou Papa anvi ki nou ador Li.

Mt 18:20

Parski la kot de ou trwa finn rasanble lor mo nom mo pou la omilie zot.”

Ef 3:14

Pou sa rezon la mo azenou devan Bondie Papa,

Zn 16:32

Gete, ler pe vini, ler inn fini vini, kot zot pou disperse e kot sakenn pou retourn kot li. Zot pou les mwa tousel, me mo pa tousel parski mo Papa touzour avek mwa.

Zn 16:2

Bannla pou met zot deor dan sinagog. Me ler pe vini kot dimoun, ki pou touy zot, pou krwar ki zot pe servi Bondie kan zot pe fer sa,

Zn 5:28

Pa etone kan zot tann sa, parski ler pe vini kot tou dimoun ki dan tom pou tann so lavwa.

1 Pi 1:17

Si zot priye Bondie kouma Papa ki ziz tou dimoun parey dapre so aksion, zot bizin ena respe pou li letan ki zot lor later.

Zistwar Bann Zapot 6:14

Nou finn tann li dir ki sa Zezi ki sorti Nazaret la, pou detrir sa plas la e pou sanz koutim ki Moiz finn donn nou.”

Zn 14:6

Zezi dir li, “Momem sime, laverite, lavi; personn pa kapav al kot mo Papa si li pa pas par mwa.

Zn 5:25

Vremem laverite mo dir zot, ler pe vini, ler la finn arive, kan bann mor pou tann lavwa Garson Bondie e dimoun ki tande pou viv.

Lk 21:24

Bannla pou transpers zot ar pwint lepe, pou fer zot prizonie parmi bann lezot pep; sa bann pep la pou pil lor Zerizalem ziska ki letan ki finn akord zot termine.

Mt 28:19

Al dan tou bann pep ki ena e fer zot vinn mo bann disip; batiz zot lor nom mo Papa, lor nom so Garson e lor nom Lespri Sin.

Revelasion 21:22

E mo pa ti trouv okenn tanp dan lavil parski tanp lavil ti Segner Bondie Toupwisan ek Annyo.