Zn 1:4 - Nouvo Testaman dan Kreol Morisien

⁴ Limem ti lavi e lavi ti lalimier tou dimoun.

Nouvo Testaman Kreol Morisien Harmonisation NTPS KM

⁴ Limem ti lavi e lavi ti lalimier tou dimounn.

Zn 1:4 Referans Kwoze

Zn 8:12

Zezi ti pe koz ar zot ankor, li dir “Momem lalimier dan lemonn; seki swiv mwa pa pou mars dan teneb me li pou gagn lalimier ki donn lavi.”

Zn 12:46

Momem lalimier ki finn vinn dan lemonn. Seki krwar dan mwa, pa pou res dan teneb.

Zn 5:26

Parey kouma Papa la lasours lavi, par enn don so Papa, Garson la osi lasours lavi.

Zn 9:5

Tanki mo dan lemonn, momem lalimier lemonn.”

Zn 11:25

Zezi dir li, “Momem larezireksion, momem lavi; dimoun ki krwar dan mwa pou viv mem si li finn mor.

1 Zn 5:11

Ala temwagnaz la: Bondie finn donn nou lavi eternel, e sa lavi la li trouv dan so Garson.

Zn 14:6

Zezi dir li, “Momem sime, laverite, lavi; personn pa kapav al kot mo Papa si li pa pas par mwa.

Zn 12:35

Zezi dir zot, “Lalimier pou res ankor inpe letan avek zot; kontigne marse kan lalimier ankor ar zot, pouki zot pa tom dan marenwar; parski dimoun ki mars dan nwar, pa kone kot li pe ale.

Ef 5:14

e seki vizib, li lalimier. Akoz sa ena enn koze ki dir, “Twa ki dan somey, lev twa, twa ki dan lamor, lev twa, e Lekris pou briy lor twa.”

Mt 4:16

lepep ki ti dan teneb finn trouv enn gran lalimier e bann ki ti finn mor dan zot pese, enn lalimier finn leve pou zot.”

Let pou Kolosien 3:4

Ler Lekris, ki zot vre lavi, pou manifeste, lerla zot ousi zot pou manifeste dan laglwar ar li.

Zistwar Bann Zapot 26:23

ki Lekris bizin soufer, ek parski limem premie pou resisite apre lamor, li pou proklam lalimier pou bann Zwif ek bann non-Zwif osi.”

Lk 2:32

Enn lalimier ki amenn revelasion ar bann payin e laglwar pou to lepep Izrael.”

1 Zn 1:2

Sa lavi la finn manifeste li, e nou finn tann li, nou finn trouv li e temwagn lor li; e nou anons zot lavi eternel ki ti avek nou Papa e ki finn manifeste ar nou.

Zn 5:21

Parey kouma Papa la lev dimoun mor e donn zot lavi, Garson la osi donn lavi dimoun ki li anvi.

Revelasion 22:16

“Mwa, Zezi, mo finn avoy mo anz kot bann legliz ar sa temwagnaz la: ‘Mo enn desandan David, zetwal ki briye gramatin.’ ”

1 Ko 15:45

Lekritir deklare, “Premie imin Adam ti vinn enn lespri vivan, dernie Adam enn Lespri ki donn lavi.”

Revelasion 22:1

Apre sa li montre mwa enn larivier delo lavi kler kouma kristal, ki pe desann depi kot tronn Bondie ek tronn Annyo.

Zn 3:19

Ala zizman la: lalimier finn vinn dan lemonn me bann dimoun finn pli kontan teneb ki lalimier parski zot manier pa bon.

1 Zn 1:1

Nou anons zot ki seki ti la depi komansman, seki nou finn tande, seki nou finn trouve avek nou lizie, seki nou finn gete ek touse avek nou lame, samem parol lavi ki nou pe anons zot.