Zn 1:1 - Nouvo Testaman dan Kreol Morisien

¹ Dan komansman ti ena Laparol, Laparol ti ar Bondie e Laparol ti Bondie.

Nouvo Testaman Kreol Morisien Harmonisation NTPS KM

¹ Dan koumansman ti ena Laparol, Laparol ti ar Bondie e Laparol ti Bondie.

Zn 1:1 Referans Kwoze

Zn 17:5

Papa, glorifie mwa aster; donn mwa laglwar ki mo ti ena kot twa depi komansman, avan ki later ti kre.

Revelasion 19:13

Li ti met enn rob tranpe dan disan, e li ti apel “Parol Bondie.”

Let pou Kolosien 1:17

li, li avan tou kiksoz e tou existe an li,

Zn 1:14

Laparol finn vinn enn imin e li finn abit kot nou. Li ti ranpli ar lamour ek laverite. Nou finn kontanple so laglwar, laglwar sel Garson Bondie Papa.

Revelasion 22:13

Momem Alfa ek Omega, premie ek dernie, komansman ek lafin.

Zn 1:2

Dan komansman li ti ar Bondie.

Revelasion 1:8

“Mo mem Alfa ek Omega,” deklar Lesegner Bondie ki existe, ki ti existe e ki pou vini.

Let pou Filipien 2:6

Zezi, mem si li toultan ti ena natir Bondie, li pa finn anvi vinn egal ar Bondie.

Mt 1:23

“Enn zennfi pou ansint, li pou donn nesans enn garson. Li pou apel Emaniel,” ki vedir, ‘Bondie avek nou.’

Revelasion 21:6

Lerla li ti dir mwa, “Fini asterla! Momem Alfa ek Omega, komansman ek lafin. Dimoun ki gagn swaf, mo pou donn zot delo lasours lavi ki pa pou kout zot nanye.

Eb 13:8

Zezi Kris, li parey yer, zordi ek pou touzour.

1 Zn 5:20

E nou kone ki Garson Bondie finn vini, li finn donn nou lintelizans pouki nou konn vre Bondie. Nou res ini avek vre Bondie, ini avek so Garson Zezi Kris. Limem vre Bondie e lavi eternel.

1 Tim 3:16

Wi, vremem, mister nou lafwa, li gran. Lekris finn paret kouma enn imin, Lespri Sin finn rann li zis, Bann anz finn kontanple li, Finn anons li kot tou bann pep lemonn krwar dan li E li finn mont dan laglwar.

Zn 16:28

Mo sorti kot mo Papa e mo finn vinn dan lemonn; mo pe kit lemonn e mo pe retourn kot mo Papa.”

Revelasion 1:17

Ler mo trouv li, mo tonbe kouma enn dimoun mor e mo prostern devan li parey. Me li ti poz so lame drwat lor mwa e li ti dir, “Pa per twa! Momem premie ek dernie,

Zn 20:28

Toma dir, “Mo Segner, mo Bondie.”

Let pou Tit 2:13

Nou pe atann dan lesperans sa gran zour la kot laglwar Bondie nou Sover dan Zezi Kris pou manifeste li.

Eb 7:3

Li pena ni papa, ni mama, ni zenealozi; li pena ni komansman, ni lafin. Li parey kouma Garson Bondie e li pret pou touzour.

Revelasion 3:14

Let ki finn ekrir pou anz dan legliz Laodise: “Ala parol Amen, vre temwin fidel ki lasours kreasion Bondie:

Ef 3:9

e fer tou dimoun kone ki fason Bondie, ki Kreater tou kiksoz, realiz sa mister ki li ti finn garde dan sekre depi toultan.

Revelasion 1:2

Zan pou temwagn lor tou seki li finn trouve konsernan parol Bondie ek temwagnaz Zezi Kris.

1 Zn 5:7

Ena trwa temwin:

Let pou Romin 9:5

zot desandan bann patriars, e Zezi, kouma enn imin, sorti dan zot ras, limem ki lao tou. Nou beni Bondie pou leternite! Amen.

Zn 1:18

Zame personn finn trouv Bondie apar so sel Garson. Li ti enn sel ar so Papa. Limem finn fer nou konn Bondie.

Revelasion 2:8

Let ki finn ekrir pou anz dan legliz Smirn: “Sa kikenn ki premie ek dernie ki ti finn mor e ki finn resisite deklare:

2 Pi 1:1

Mwa Simon Pier, serviter ek apot Zezi Kris. Mo pe adres zot, bann dimoun ki finn resevwar don presie lafwa kouma nou, atraver lazistis Bondie e nou Sover Zezi Kris:

Revelasion 1:11

Li ti pe dir, “Ekrir dan enn liv seki to pe trouve e avoy liv la kot sa set legliz dan Efez, Smirn, Pergam, Tiatir, Sard, Filadelfi ek Laodise.”

Lk 24:53

Zot ti al souvan dan tanp pou loue Bondie.

Zn 8:58

Zezi dir zot, “Vremem, laverite mo dir zot, avan Abraam ti ne, mwa, mo ti la.”

Let pou Kolosien 1:15

Li rann vizib Bondie ki invizib, Premie-ne parmi tou bann kreatir,