Mt 7:24 - Nouvo Testaman dan Kreol Morisien

²⁴ Koumsamem, tou dimoun ki ekout saki mo fek dir e met li anpratik, li parey enn zom ki finn ranz so lakaz lor fondasion solid.

Nouvo Testaman Kreol Morisien Harmonisation NTPS KM

²⁴ Koumsa mem, tou dimounn ki ekout seki mo fek dir e met li an pratik, li parey enn zom ki finn ranz so lakaz lor fondasion solid.

Mt 7:24 Referans Kwoze

Zn 13:17

Si aster zot inn konn tousala, zot pou bienere si zot met sa anpratik.

Lk 11:28

Me Zezi reponn li, “Bienere plito seki ekout laparol Bondie e obeir li!”

1 Zn 2:3

Si nou gard so komannman, lerla nou sir ki nou konn li.

Zn 14:15

“Si zot kontan mwa, zot pou obzerv mo bann komannman.

Zn 15:14

Zot mo bann kamarad si zot fer tou seki mo komann zot.

Zn 15:10

Si zot gard mo bann komannman, zot pou res dan mo lamour parey kouma mwa, mo gard komannman mo Papa e mo res dan so lamour.

Mt 12:50

Parski dimoun kifer dapre volonte mo Papa ki dan lesiel, limem mo frer, mo ser ek mo mama.”

Mt 7:25

Lapli tonbe, linondasion vini, divan soufle lor lakaz la, li pa kraze, akoz li finn konstrir lor ros.

Mt 7:26

E tou dimoun ki ekout mo parol e pa met li anpratik, zot pou parey enn fou ki konstrir so lakaz lor disab.

Mt 16:18

E mo dir twa Pier, to enn ros, e lor sa ros la mo pou konstrir mo Legliz, e pwisans lamor pa pou kapav dominn li.

Mt 24:45

“Ki sa serviter fidel ek bien serye, lor ki so patron kapav konte pou servi manze tou so bann travayer dan ler ki bizin?

Mt 25:2

Sink ladan ti insousian, e sink ti bien saz.

Mt 25:4

me bann saz la ti pran plizir flakon delwil anplis pou zot lalanp.

Mt 25:9

Bann saz la reponn: ‘Non, li pa posib, parski pa pou ena ase pou nou e pou zot. Pli fasil zot al laboutik e aste inpe delwil pou zotmem.’

Let pou Romin 2:13

Pa seki ekout lalwa ki drwat devan Bondie, me seki met lalwa anpratik ki Bondie deklar drwat.