Mt 6:25 - Nouvo Testaman dan Kreol Morisien

²⁵ Akoz samem mo dir zot: pa fatig zot ar zot lavi, ar seki zot pou manze ou bwar, ar labiyman zot lekor. Eski lavi pa pli inportan ki manze, e lekor pa pli inportan ki linz?

Nouvo Testaman Kreol Morisien Harmonisation NTPS KM

²⁵ Akoz samem mo dir zot: pa fatig zot ar zot lavi, ar seki zot pou manze ou bwar, ar labiyman zot lekor. Eski lavi pa pli inportan ki manze, e lekor pa pli inportan ki linz?

Mt 6:25 Referans Kwoze

Let pou Filipien 4:6

Napa bizin zot trakase ditou, me dan ninport ki sitiasion, avek enn leker rekonesan, ofer zot lapriyer ek siplikasion Bondie.

1 Pi 5:7

Met tou zot traka lor li, parski li pran zot swin.

Let pou Romin 8:32

Li pa finn epargn so prop Garson, me finn livre li pou nou; si li pe donn nou so prop garson, eski li pa pou donn nou tou seki bizin par so lagras?

Mt 6:31

Alor, pa bizin zot trakase pou dimann zotmem, ‘Ki nou bizin manze?’ ou ‘Ki nou bizin bwar?’ oubien ‘Ki nou bizin met lor nou?’

Mk 4:19

Me bann traka lavi, lanvi gagn touzour plis, tou sort kalite tantasion, tousala touf la parol. Li pa raport okenn fri.

Mt 10:19

Kan pou amenn zot devan tribinal, pa trakase ki zot pou dir e kouma zot pou dir sa; parol la pou vinn par limem dan zot labous;

1 Ko 7:32

Mo ti pou kontan ki zot pena enn sou traka. Enn zom ki pa marye pou konserne par travay Lesegner, li pou rod fer Lesegner plezir,

Mt 6:34

Alor, pa bizin trakase pou dime, les dime get so zafer. Traka enn zour li ase pou zordi.”

2 Tim 2:4

Enn vre solda pa mel li ar lavi sivil. Li travay zis pou so sef.

Lk 8:14

Seki tom dan pikan, sa bann ki tande, me kan traka, larises ek plezir lavi vini, li touf zot; zot fri pa mir.

Mt 13:22

Saki finn seme dan pikan, li resanble sa dimoun ki tann laparol, me bann problem lavi tou lezour, lamour dibien materyel touf tou e li pa raport okenn fri.

Lk 12:11

Kan amenn zot dan sinagog devan bann dirizan ek bann lotorite, pa trakase kouma zot pou defann zot e kouma zot pou reponn,

Mk 13:11

Kan bannla pou aret zot, pou zot pas anzizman, pa trakase pou kone ki zot pou dir; me dan salerla dir saki vinn dan zot labous; parski napa zot ki pou koze me Lespri Sin.