Mt 6:10 - Nouvo Testaman dan Kreol Morisien

¹⁰ Fer to regn vini realiz to volonte lor later kouma dan lesiel.

Nouvo Testaman Kreol Morisien Harmonisation NTPS KM

¹⁰ Fer to regn vini realiz to volonte lor later kouma dan lesiel.

Mt 6:10 Referans Kwoze

Eb 10:36

Zot bizin landirans pouki letan zot finn fer volonte Bondie, zot kapav resevwar seki li finn promet zot.

Zn 4:34

Zezi dir zot, “Mwa, mo manze, se fer volonte ek fini travay Sa-Enn ki finn avoy mwa la.

Mt 26:42

Enn deziem fwa, li al pli lwin e li priye, “Papa, si li pa posib ki sa koup la res lwin ar mwa e ki mo bizin bwar li, mo pou touzour fer dapre to volonte.”

Mt 12:50

Parski dimoun kifer dapre volonte mo Papa ki dan lesiel, limem mo frer, mo ser ek mo mama.”

1 Tes 5:18

Rann gras dan ninport ki sirkonstans, parski samem volonte Bondie pou zot dan zot lavi avek Zezi Kris.

Let pou Romin 12:2

Pa rant dan moul sa lemonn la, me les Bondie transform zot par enn intelizans nouvo, pouki zot kapav diserne ki volonte Bondie, setadir seki bon, seki agreab, seki parfe.

Zn 6:40

Samem volonte mo Papa: tou dimoun ki trouv so Garson e krwar dan li, pou gagn lavi eternel, e mwa mo pou resisit zot dan dernie zour.”

Let pou Kolosien 1:9

Ala kifer, depi sa zour la, nou pa aret priye pou zot. Nou demann Bondie ki zot gagn foul konesans so volonte avek tou lasazes ek lintelizans spiritiel,

Ef 6:6

Pa fer sa zis kan bannla pe vey zot, pou fer bannla plezir; me fer volonte Bondie ar tou zot leker kouma bann esklav Lekris.

Mt 7:21

“Pa tou dimoun ki dir mwa, ‘Segner, Segner’ ki pou rant dan rwayom lesiel, me zis bann ki fer volonte mo papa ki dan lesiel.

1 Pi 2:15

Sa, li volonte Bondie. Kan kikenn fer dibien, li tegn diskour bann ignoran.

Eb 13:21

Ki sa Bondie lape la, fer zot pratik tou seki bon pou zot fer so volonte; ki li realiz dan nou seki bon devan so lizie atraver Zezi Kris, pou li laglwar pou touzour.

Mt 3:2

Li ti pe dir, “Sanz zot leker, Rwayom Bondie finn aprose.”

Lk 22:42

Li dir, “Papa, si to kapav, tir sa koup la devan mwa; me pa fer mo volonte, me to volonte.”

Zn 7:17

Dimoun ki anvi fer so volonte pou kone si mo lansegnman sorti kot Bondie oubien si mo pe koz dapre mo prop lide.

Revelasion 19:6

Lerla mo tann enn lavwa koumadir enn gran lafoul dimoun, ondire tapaz vag lamer ek loraz, ki pe kriye, pe dir, “Alelouya! parski nou Segner Bondie Toupwisan, li regne.

1 Tes 4:3

Samem volonte Bondie: ki zot viv enn lavi sin, e pa enn lavi imoral.

Zistwar Bann Zapot 21:14

Nou pa ti reysi konvink li, nou ti res trankil, e nou dir, “Les Bondie fer so volonte.”

Zistwar Bann Zapot 13:22

Kan Bondie ti finn rezet Sail, li ti elev David pou vinn zot lerwa. Ala temwagnaz ki li ti rann lor David: ‘Mo finn trouv dan David, garson Zese, kikenn ki mo leker bien kontan e ki pou fer mo volonte.’

Mt 4:17

Depi sa letan la Zezi koumans proklame, “Sanz zot leker, parski Rwayom Bondie pe aprose.”

Revelasion 12:10

Lerla mo tann enn lavwa for dan lesiel ki dir, “Asterla moman delivrans, pwisans regn Bondie, ek lotorite so Mesi finn arive. Akizater nou bann frer ek ser finn perdi plas, li ti pe akiz zot lanwit-lizour.

1 Pi 4:2

pou kapav viv leres zot lavi lor later pa dapre bann dezir imin me dapre volonte Bondie.

Eb 10:7

Alor mo finn dir, ‘To trouve Segner, mo finn vini momem pou fer to volonte parey kouma finn ekrir lor mwa dan liv sakre.’ ”

Lk 19:38

Zot ti pe dir, “Li finn beni Lerwa ki pe vinn lor nom Lesegner! Lape dan lesiel e laglwar pou Bondie Treo!”

Mk 3:35

Dimoun ki fer volonte Bondie, limem mo frer, limem mo ser, limem mo mama.”

Mt 16:28

Laverite mo dir zot, ena parmi zot ki pa pou konn lamor avan ki zot trouv Garson Limanite revini dan so Rwayom.”

Mk 11:10

Regn nou papa David ki pe vini, finn beni, Ozana pli lao dan lesiel.”

Revelasion 11:15

Lerla setiem anz soufle so tronpet, e ti ena bann lavwa bien for dan lesiel ki ti dir, “Asterla rwayom lemonn finn rant anba pouvwar Bondie nou Segner ek so Mesi. Li pou regne pou touzour.”

Revelasion 20:4

Lerla mo trouv bann tronn, e bann ki ti pe asiz lor sa bann tronn la ti ena lotorite pou zize. Mo ti trouv osi nam bann dimoun ki zot latet ti koupe akoz zot temwagnaz lor Zezi ek parol Bondie. Zot pa ti ador Bebet ni so zimaz e zot pa ti resevwar so mark lor zot fron ou zot lame. Zot ti regagn lavi e zot ti regne avek Kris pandan mil an.

Eb 1:14

Bann anz, eski zot pa zis bann lespri ki Bondie anvwaye pou servi tou seki pou sove?

Let pou Kolosien 1:13

Li finn aras nou dan pouvwar teneb e li finn transfer nou dan Rwayom so Garson bieneme;

Lk 19:11

Letan Zezi ti koste ar Zerizalem, li rakont enn lot parabol pou bann ki ti pe ekout li parski zot ti panse ki Rwayom Bondie ti pre pou manifeste limem.

Zistwar Bann Zapot 22:14

Lerla li azoute, ‘Bondie nou bann anset finn destinn twa pou konn so volonte, pou trouv Serviter ki drwat devan Bondie, e ki to tann so lavwa.