Mt 25:10 - Nouvo Testaman dan Kreol Morisien

¹⁰ Bann insousian la al aste delwil; zis dan sa lerla, nouvo marye arive. Sa sink zennfi ki ti pare la rant ansam avek nouvo marye dan lasal e bann la met lakle dan laport.

Nouvo Testaman Kreol Morisien Harmonisation NTPS KM

¹⁰ Bann insousian-la al aste delwil; zis dan sa ler-la, nouvo marye arive. Sa sink zennfi ki ti pare la rant ansam avek nouvo marye dan lasal e bann-la met lakle dan laport.

Mt 25:10 Referans Kwoze

Lk 13:25

Kan propriyeter lakaz leve e ferm laport, zot pou deor. Zot ava bon tape e zot ava bon dir, ‘Segner, ouver laport pou nou,’ li pou reponn zot, ‘Mo pa kone kot zot sorti.’

1 Pi 1:13

Akoz samem zot bizin pare pou azir ar enn lespri eveye; met tou zot lesperans dan lagras ki Zezi Kris pou donn zot kan li pou revel li.

Mt 24:44

Ala kifer, zot osi, zot bizin pare, parski Garson Limanite pou vinn enn ler ki zot pa kone.”

Revelasion 22:20

Dimoun ki garanti ki tousala vre, dir, “Wi, mo pe vini biento!” Amen. Vini, Segner Zezi!

Mt 25:6

Ler minwi sone, kikenn kriye: ‘Gete! Ala nouvo marye! Sorti pou al zwenn li!’

2 Tim 4:8

Asterla, finn ler pou mo gagn kouronn lazistis ki Lesegner, sel bon ziz, pou donn mwa zour zizman. Pa mo tousel, me tou seki finn atann so zour dan lamour.

Revelasion 1:7

Gete, li pe vini dan niaz! Tou dimoun pou trouv li, mem bann ki ti transpers li. Tou bann pep lor later pou rakonte, wi koumsamem sa pou ete. Amen.

Let pou Kolosien 1:12

remersie Bondie Papa ki finn fer zot gagn zot par dan leritaz bann disip dan lalimier.

Mt 7:21

“Pa tou dimoun ki dir mwa, ‘Segner, Segner’ ki pou rant dan rwayom lesiel, me zis bann ki fer volonte mo papa ki dan lesiel.

Mt 24:42

Alor, mo dir zot pran kont, parski personn pa kone ki zour zot Segner pou vini.

Mt 24:43

Zot konn bien, si enn propriyeter ti kone ki ler dan lanwit voler pou pas kot li, li pa ti pou dormi pouki so lakaz pa defonse.

Lk 12:35

Pare e gard zot lalanp alime.

Revelasion 19:7

Anou rezwir, anou selebre, anou rann laglwar Bondie! parski maryaz Annyo finn arive, nouvel-marye finn fini prepar li.