Mt 23:7 - Nouvo Testaman dan Kreol Morisien

⁷ Zot kontan kan dimoun salye zot dan bann plas piblik e dimoun apel zot Rabi.

Nouvo Testaman Kreol Morisien Harmonisation NTPS KM

⁷ Zot kontan kan dimounn salie zot dan bann plas piblik e dimounn apel zot Rabi.

Mt 23:7 Referans Kwoze

Zn 1:38

Ler Zezi vire, li trouv zot pe swiv li; li demann zot: “Ki zot pe rode?” Zot dir, “Rabi, (seki vedir Met), kot to reste?”

Zn 1:49

Natanael reponn, “Met, tomem Garson Bondie, Lerwa Izrael.”

Zn 20:16

Zezi dir, “Marie.” Marie vire e dir an Ebre, “Rabouni!” (Seki vedir Met).

Zn 6:25

Kan zot finn trouv li lot kote lamer, zot dir li, “Rabi, depi kan to finn ariv la?”

Zn 3:26

Zot vinn get Zan e zot dir li, “Rabi, dimoun lor ki to finn temwagne-la e ki ti avek twa lot kote Zourdin, ala, li osi li pe batize e tou dimoun pe al ar li.”

Zn 3:2

Dan nwar, li vinn get Zezi, li dir li, “Rabi, nou kone ki to enn gran profeser ki sorti kot Bondie parski personn pa kapav fer bann sign kouma to fer, si Bondie pa ar li.”

Mk 10:51

Zezi dir li, “Ki to oule mo fer pou twa?” Aveg la reponn, “Rabouni, fer mwa trouv kler.”

Mk 9:5

Alor Pier rant dan konversasion, li dir ar Zezi, “Rabi, li bien bon ki nou isi avek twa; anou ranz trwa latant, enn pou twa, enn pou Moiz ek enn pou Eli.”

Mt 23:8

Me zot, fode pa ki zot fer apel zot Rabi, parski zot ena enn sel met e zot tou so zelev.

Mt 11:16

Koman mo pou konpar sa zenerasion la? Li parey kouma bann zanfan ki pe asize lor laplas piblik ki pe koze ant zot,

Mt 26:25

Zida ki ti pe trair Zezi dimann li, “Mwa sa Met?” Zezi reponn li, “To finn dir tou tomem.”

Mt 26:49

Zida koste ar Zezi e li dir li, “Shalom Met.” E li anbras Zezi.

Mk 11:21

Pier rapel saki ti finn pase e li dir, “Rabi, get pie fig ki to finn modi la; ala li finn sek.”

Mk 12:38

Dan so lansegnman Zezi ti pe dir, “Fer atansion ar bann dokter lalwa. Zot kontan pavane avek zot gran-gran rob e zot kontan kan dimoun kourbe devan zot lor plas piblik.

Mk 14:45

Kouma li arive, toutswit li koste ar Zezi, li dir, “Rabi,” -e li anbras Zezi.

Lk 11:43

Maler lor zot bann Farizien! Zot kontan bann premie plas dan sinagog e zot kontan loner lor laplas piblik.

Zn 4:31

Anmemtan, bann disip ti pe sipliy Zezi, “Rabi manz inpe.”

Zn 9:2

Lerla so bann disip poz li enn kestion, “Kifer li aveg, akoz so pese ou bien akoz pese so fami?”

Zn 11:8

Bann disip dir li, “Rabi, bann Zwif ti pe rod bat twa kout ros laba, be to pou retourn laba ankor?”