Mt 20:21 - Nouvo Testaman dan Kreol Morisien

²¹ Zezi dir li, “Ki to oule?” Li reponn, “Promet mwa ki mo de garson ki la, zot pou asiz enn dan to kote drwat e lot dan to kote gos dan to Rwayom.”

Nouvo Testaman Kreol Morisien Harmonisation NTPS KM

²¹ Zezi dir li, “Ki to oule?” Li reponn, “Promet mwa ki mo de garson ki la, zot pou asiz enn dan to kote drwat ek lot dan to kote gos dan to Rwayom.”

Mt 20:21 Referans Kwoze

Mt 19:28

Zezi dir zot, “Laverite mo dir zot, dan sa nouvo lemonn la, kan Garson Limanite pou asiz lor so tronn dan laglwar, zot ki finn swiv mwa, zot osi zot pou asiz lor douz tronn pou ziz douz tribi Izrael.

Mt 18:1

Sa letan la, bann disip vinn ar Zezi e dimann li, “Kisannla pli gran dan rwayom lesiel?”

Zistwar Bann Zapot 1:6

Alor ler zot ti zwenn ansam, zot dimann Zezi, “Segner, eski asterlamem ki to pou remet Rwayom Izrael dibout?”

Mk 6:22

Tifi Erodiad rantre, danse. Erod ek tou so bann invite ti bien kontan. Lerwa dir tifi la, “Demann mwa saki to anvi, mo pou donn twa.”

Mt 20:32

Zezi arete, li apel zot, li dir, “Ki zot anvi mo fer pou zot?”

Let pou Kolosien 3:1

Zot finn resisite avek Lekris, rod seki lao, la kot Lekris ete, dan kote drwat Bondie;

Let pou Romin 12:10

Ena lafeksion pou zot kamarad kouma bann frer ek ser. Ena enn gran respe pou zot kamarad.

Zn 15:7

Si zot res ar mwa e mo parol res ar zot, tou seki zot demande zot pou gagne.

Lk 22:24

Diskision leve ant zot pou gete kisannla pli gran parmi zot.

Lk 19:11

Letan Zezi ti koste ar Zerizalem, li rakont enn lot parabol pou bann ki ti pe ekout li parski zot ti panse ki Rwayom Bondie ti pre pou manifeste limem.

Lk 18:41

“Ki to oule mo fer pou twa?” Li reponn, “Segner, fer mwa trouv kler.”

Mk 10:51

Zezi dir li, “Ki to oule mo fer pou twa?” Aveg la reponn, “Rabouni, fer mwa trouv kler.”

Let pou Romin 8:34

Ki sannla kapav kondann zot? Personn. Parski Lekris limem ki ti mor, me plis ki sa, li finn resisite e li adrwat Bondie pou intersed pou nou.

Mk 16:19

Apre sa, Lesegner Zezi, letan li finn fini koz ar zot, li finn mont dan lesiel e li finn asiz kote drwat Bondie.

Mt 20:22

Me Zezi reponn, “Zot pa kone ki zot pe dimande. Eski zot kapav bwar koup ki mo pe al bwar?” Zot dir li, “Wi, nou kapav”