Mt 20:14 - Nouvo Testaman dan Kreol Morisien

¹⁴ Pran to kas, ale. Mo anvi donn dernie la parey kouma mo finn donn twa.

Nouvo Testaman Kreol Morisien Harmonisation NTPS KM

¹⁴ Pran to kas, ale. Mo anvi donn dernie-la parey kouma mo finn donn twa.

Mt 20:14 Referans Kwoze

Zn 17:2

Vremem, to finn donn li pouvwar lor tou dimoun e li finn donn lavi eternel tou seki to finn konfie li.

Lk 15:31

Alor papa la dir li, ‘Mo piti, twa, to touzour la ar mwa, e tou seki pou mwa, pou twa;

Let pou Romin 3:19

Nou kone ki seki lalwa dir, li pe adres li ar bann seki anba lalwa, pouki tou labous ferme ek ki lemonn antie rekonet ki li anba zizman Bondie.

Let pou Romin 3:4

Non, zame! Bondie pou res toultan laverite, mem si bann imin manter. Dan Lekritir finn ekrir, “Bizin rekonet lazistis dan to parol, e ki to triyonfe kan ziz twa.”

Mt 6:16

Kan zot fer karem, pa bizin fer lakagn, kouma bann ipokrit, zot fer long-long figir pou montre lezot ki zot pe karem. Laverite mo dir zot, zot finn fini gagn zot rekonpans;

Mt 6:6

Me twa, kan to priye, rant dan to lasam, ferm twa andan e priye to Papa ki la dan sekre avek twa; to Papa ki trouv tou saki to fer, li pou rekonpans twa.

Mt 6:2

Kan to fer lasarite, pa bizin sonn tronpet kouma bann ipokrit fer dan bann sinagog ek dan lari, pouki dimoun aplodi zot. Laverite, mo dir zot, zot finn fini resevwar zot rekonpans.

Lk 16:25

Me Abraam dir, ‘Mo garson, rapel bien ki dan to lavi lor later to ti dan bien, alor ki Lazar ti gagn boukou maler; me asterla li dan bien isi, e twa to dan soufrans.

Mt 20:13

Propriyeter la reponn enn ladan, ‘Kamarad, mo pa finn fer twa ditor. Eski to pa ti dakor ar mwa lor sa lapey la?

Mt 20:15

Eski mo pena drwa fer seki mo anvi ar mo dibien? Oubien, eski to zalou parski mo zenere?’