Mt 16:17 - Nouvo Testaman dan Kreol Morisien

¹⁷ Zezi reponn li, “Bienere Simon, garson Zan! Pa to natir imin ki finn revel twa sa, me mo Papa ki dan lesiel.

Nouvo Testaman Kreol Morisien Harmonisation NTPS KM

¹⁷ Zezi reponn li, “Bienere Simon, garson Zan! Pa to natir imin ki finn revel twa sa, me mo Papa ki dan lesiel.

Mt 16:17 Referans Kwoze

Zn 6:45

Dan liv profet finn ekrir, ‘Bondie pou ansegn tou dimoun.’ Tou seki ekoute ek aprann ar mo Papa, pou vinn ar mwa.

1 Zn 5:20

E nou kone ki Garson Bondie finn vini, li finn donn nou lintelizans pouki nou konn vre Bondie. Nou res ini avek vre Bondie, ini avek so Garson Zezi Kris. Limem vre Bondie e lavi eternel.

Ga 1:16

Kan li ti deside pou revel mwa so Garson, pouki mo kapav anons li ar bann payin, mo pa ti al kot personn pou demann konsey,

1 Ko 15:50

Seki mo pe rod dir, frer ek ser, seki laser ek disan pa kapav ena par dan Rwayom Bondie; seki mortel pa kapav ena par dan imortalite.

Ef 3:5

Bondie pa ti fer bann lezot zenerasion avan konn sa mister la. Aster li finn revel li ar so bann apot ek profet par Lespri.

1 Zn 4:15

Si kikenn konfese ki Zezi limem Garson Bondie, Bondie res ini avek li e li res ini ar Bondie.

1 Pi 5:1

Asterla momem, kouma enn ansien e kikenn ki temwin bann soufrans Kris e ki ena so par dan laglwar ki pou revele, mo fer enn lapel ar bann sef legliz ki la parmi zot:

Ef 2:8

Par lagras ki zot sove, par mwayin lafwa; zot, zot pa finn fer nanye, sa enn kado Bondie sa.

Zn 1:42

Apre li amenn Simon ar Zezi. Zezi get li fran dan so lizie e li dir li, “Twa, to apel Simon, garson Zan, asterla to pou apel Kefas,” (seki vedir ros).

Eb 2:14

Parski sa bann zanfan la, zot ena enn natir imin ki fer avek laser ek disan. Zezi osi partaz sa mem natir la. Li finn mor e atraver so lamor li finn detrir Satan ki ena pouvwar touy dimoun.

Ef 6:12

Nou pa pe lit kont pwisans imin me kont bann dirizan, bann lotorite, bann pouvwar ki dominn sa lemonn teneb la, kont pwisans spiritiel lemal lao dan lesiel.

Lk 22:32

Mo finn priye pou twa pouki to pa perdi lafwa. Twa, kan to pou retourn ar mwa, fortifie to bann frer.