Mt 1:1 - Nouvo Testaman dan Kreol Morisien

¹ Ala lalis bann anset Zezi Kris, desandan David ek Abraam.

Nouvo Testaman Kreol Morisien Harmonisation NTPS KM

¹ Ala lalis bann anset Zezi Kris, desandan David ek Abraam.

Mt 1:1 Referans Kwoze

Ga 3:16

Bondie finn fer promes ar Abraam ek so desandan. Li pa finn dir, “Ek so bann desandan,” kouma dir li pe koz lor boukou desandan; me li dir, “Ek to desandan,” setadir Lekris.

Let pou Romin 1:3

Bonn Nouvel ki konsern so Garson, ki desandan David antan ki enn imin,

Revelasion 22:16

“Mwa, Zezi, mo finn avoy mo anz kot bann legliz ar sa temwagnaz la: ‘Mo enn desandan David, zetwal ki briye gramatin.’ ”

Zn 7:42

Eski Lekritir pa finn dir ki Lekris enn desandan David e ki li pou sorti dan vilaz Betleem kot David ti reste?

Zistwar Bann Zapot 2:30

Parski li ti enn profet, li ti kone ki Bondie ti promet li par enn serman ki enn zour enn so desandan pou asiz lor so tronn.

Mt 1:18

Ala kouma Zezi Kris ti ne. So mama Marie ti fianse avek Zozef. Avan ki zot ti koumans viv ansam Marie finn trouv li ansint par laksion Lespri Sin.

Let pou Romin 9:5

zot desandan bann patriars, e Zezi, kouma enn imin, sorti dan zot ras, limem ki lao tou. Nou beni Bondie pou leternite! Amen.

Let pou Romin 4:13

Bondie ti promet Abraam ek so bann desandan ki zot pou erit later antie. Sa promes la pa ti fer lor baz ki Abraam ti obeir lalwa, me akoz lafwa ki li ti ena dan Bondie. Sa finn rann li zis devan Bondie.

Mt 15:22

Enn fam Kananeenn ki sorti dan sa rezion la koumans kriye, “Pitie mwa Segner, Garson David! Mo tifi, li extra posede par enn demon.”

Mt 9:27

E ler Zezi al inpe pli lwin, de aveg swiv li, zot kriye bien for, “Pitie nou, garson David”

Mt 3:16

Alor Zan aksepte. Zis kouma Zezi fini batize, li sorti dan dilo; lesiel fann an-de e Lespri Sin parey kouma enn kolonb desann lor li.

Mt 1:2

Abraam ti papa Izaak. Izaak ti papa Zakob. Zakob ti papa Zida ek so bann frer.

Lk 1:33

e li pou regn toultan lor desandan Zakob; so regn pa pou fini zame.”

1 Tim 2:5

Kouma ena enn sel Bondie, ena osi enn sel mediater ant Bondie ek limanite, Zezi Kris limem enn imin

2 Tim 2:8

Zame bliye Zezi Kris. Li finn resisite. Li finn pran nesans dan fami David, so anset. Samem Bonn Nouvel ki mo anonse.