Mk 9:29 - Nouvo Testaman dan Kreol Morisien

²⁹ Li dir zot, “Zis ar lapriyer ki sa kalite lespri la kapav sorti.”

Nouvo Testaman Kreol Morisien Harmonisation NTPS KM

²⁹ Li dir zot, “Zis ar lapriyer ki sa kalite lespri-la kapav sorti.”

Mk 9:29 Referans Kwoze

Let Zak 5:15

Enn lapriyer ki fer avek lafwa, pou sov malad la; Lesegner pou remet li dibout e so bann pese pou pardone.

Mt 17:20

Zezi reponn zot, “Parski zot lafwa tro feb. Laverite mo dir zot, si zot ena lafwa groser enn lagrin moutard e ki zot dir montagn, ‘Bouze al laba,’ li pou bouze; nanye pa inposib pou zot.

Ef 6:18

Priye touzour dan pwisans Lespri ar tou kalite lapriyer e siplikasion dan tou sirkonstans; res lor zot gard, res fidel. Priye pou lepep Bondie.

2 Ko 12:8

Trwa fwa mo finn priye Lesegner lor sa size la, pou tir sa soufrans la.

2 Ko 11:27

Mo finn konn travo penib ek bann eprev bien dir; souvan mo finn pas lanwit san somey; mo finn pas par lafin, par laswaf; souvan mo pa finn ena manze ditou, dan freser, san linz.

Lk 11:26

Lerla li al rod set lespri pli move ki li, e zot rant dan lakaz la e zot instal zot. Leta dimoun la vinn pli pir ki avan.”

1 Ko 9:27

Mo treyn mo lekor dir, mo kontrol li kouma mo esklav, pouki mo pa pres lezot laparol, apre mo trouv momem diskalifie.

Zistwar Bann Zapot 14:23

Pol ek Barnabas ti nom bann ansien dan sak legliz, ar lapriyer e apre ki zot ti gard enn peryod zenn; zot ti konfie bannla Lesegner, dan ki zot ti met tou zot konfians.

Mt 12:45

Lerla li al rod set lespri pli for ki li, zot rant dan lakaz la zot tou e zot instal zot; alafin, sa dimoun la li finn vinn pir ki avan. Li pou parey avek sa zenerasion la.”

2 Ko 6:5

bate, prizon, rayot, fatig travay, mank somey, res san manze.

Mt 17:21

Zis ar lapriyer ki sa kalite lespri la kapav sorti.”

Mk 9:28

Letan Zezi finn rant lakaz, bann disip ris li enn kote, zot dimann li, “Kifer nou pa finn kapav pous sa lespri la, nou?”

Mk 9:30

Zot sorti landrwa kot zot ti ete, zot travers Galile. Zezi pa ti anvi ki dimoun konn sa.