Mk 9:17 - Nouvo Testaman dan Kreol Morisien

¹⁷ Enn boug dan lafoul reponn li, “Met, mo finn amenn mo garson ar ou, li posede par enn lespri ki anpes li koze.

Nouvo Testaman Kreol Morisien Harmonisation NTPS KM

¹⁷ Enn boug dan lafoul reponn li, “Met, mo finn amenn mo garson ar ou, li posede par enn lespri ki anpes li koze.

Mk 9:17 Referans Kwoze

Lk 11:14

Zezi ti pe sas enn demon ki ti rann enn dimoun miye. Kan demon la kit li, miye la koze, e bann dimoun ti emerveye.

Mk 9:25

Kan Zezi trouv enn latroupman, li menas move lespri la, li dir li, “Twa, lespri ki anpes koze, ki anpes tande, mo komann twa, sort dan sa zanfan la, pa revinn ankor ar li.”

Zn 4:47

Kan ofisie la finn tande ki Zezi finn kit Lazide pou vinn Galile, li al get Zezi e li sipliy li desann pou vinn geri so garson ki pre pou mor.

Lk 9:38

Ala ki enn boug dan lafoul kriye, “Met, mo sipliye twa vinn get mo garson, mo sel piti;

Mk 10:13

Bann dimoun amenn bann tizanfan pouki Zezi poz lame lor zot me so bann disip farous zot.

Mk 7:26

Sa madam la pa ti dan larelizion Zwif; li ti enn Siro-Fenisyenn. Li dimann Zezi tir demon lor so tifi.

Mk 5:23

Li sipliy Zezi, li inplor li, “Ayo, Zezi, mo tifi pre pou mor; vini, poz lame lor li, sa pou sov li, li pou viv.”

Mt 17:15

e li dir, “Segner, pitie mo garson ki gagn kriz epileptik e li soufer boukou. Souvan li gagn kriz e li tom dan dilo ek dan dife.

Mt 12:22

Zot amenn ar Zezi enn aveg ki ti mie parski ti ena enn demon dan li. Zezi geri boug la e lerla li koze ek li trouv kler.

Mt 9:32

Ler zot ti pe sorti pou ale, dimoun ti amenn devan Zezi enn boug ki pa koze e ki ti posede.

Mk 9:16

Li dimann zot, “Ki zot pe diskite ar bannla?”

Mk 9:18

Sak fwa lespri la trap li, li fwet li anba, zanfan la kime, li grins so ledan, li redi. Mo finn dimann ou disip pous sa lespri la, selman zot pa ase for.”