Mk 8:35 - Nouvo Testaman dan Kreol Morisien

³⁵ Dimoun ki anvi sov so lavi, pou perdi li; saki perdi so lavi akoz mwa ek Bonn Nouvel, pou sov li.

Nouvo Testaman Kreol Morisien Harmonisation NTPS KM

³⁵ Dimounn ki anvi sov so lavi, pou perdi li; seki perdi so lavi akoz mwa ek Bonn Nouvel, pou sov li.

Mk 8:35 Referans Kwoze

1 Ko 9:23

Mo fer tousala pou Bonn Nouvel pouki mo gagn enn par.

2 Tim 1:8

Pa per pou donn to temwagnaz lor nou Segner. Pa gagn onte pou mwa ki dan prizon akoz li. Pran to soufrans pou Bonn Nouvel avek lafors ki Bondie done.

Lk 17:33

Seki rod sov so lavi pou perdi li, seki perdi so lavi pou sov li.

Mt 16:25

Seki oule sov so lavi pou perdi li, e seki perdi so lavi akoz mwa pou sov li.

Mt 19:29

Dimoun ki finn kit lakaz, frer, ser, papa, mama, zanfan ek zot later akoz mwa, pou resevwar san fwa plis e zot pou erit lavi eternel.

Mt 10:39

Seki anvi sov so lavi, pou perdi li; me seki perdi so lavi akoz mwa, pou gagn li.”

2 Ko 12:10

Akoz sa, pou Lekris, mo satisfe avek febles, insilt, detres, persekision ek langwas. Kan mo feb, lerlamem ki mo for.

Zistwar Bann Zapot 9:16

Momem mo pou montre li ki kantite li bizin soufer pou mwa.”

Lk 9:24

Seki anvi sov so lavi, pou perdi li; seki perdi so lavi akoz mwa, pou sov li.

Revelasion 12:11

Me zot, zot finn gagn batay par disan Annyo Bondie e par parol zot temwagnaz, parski zot pa ti telman atase ar zot lavi pou zot refiz lamor.

Mt 10:22

Tou dimoun pou air zot akoz mwa, me seki tini ferm ziska dan bout, li pou sove.

Revelasion 2:10

Pa per si zot pou bizin soufer. Diab pou bon tant zot e pou met plizir parmi zot dan prizon pou dis zour. Res touzour fidel ziska lamor e mo pou rekonpans zot.

Zistwar Bann Zapot 21:13

Me Pol reponn, “Kifer zot plore? Zot fer mo leker fermal. Mo finn pare pa zis pou al dan prizon, me osi pou mor dan Zerizalem pou Lesegner Zezi.”

Revelasion 7:14

Mo dir li, “Mo Segner, tomem to kone.” Lerla li dir mwa, “Sa bann la, zot finn travers dan enn gran persekision, zot finn lav zot rob e finn fer zot vinn blan dan disan Annyo.

Eb 11:35

Par lafwa, bann fam ti retrouv zot fami ki ti lev depi lamor. Ena ti tortire e zot ti refiz zot delivrans parski zot ti anvi gagn enn lavi meyer apre zot rezireksion.

Zistwar Bann Zapot 20:24

Pou mwa mo lavi pena okenn valer; linportans, seki mo akonplir devwar ki mo finn resevwar ar Lesegner Zezi. Li finn konfie mwa pou rann temwagnaz Bonn Nouvel ki montre lagras Bondie.

Mk 8:36

Kiserti enn dimoun gagn lemonn antie si li ariv perdi so lavi?