Mk 4:19 - Nouvo Testaman dan Kreol Morisien

¹⁹ Me bann traka lavi, lanvi gagn touzour plis, tou sort kalite tantasion, tousala touf la parol. Li pa raport okenn fri.

Nouvo Testaman Kreol Morisien Harmonisation NTPS KM

¹⁹ Me bann traka lavi, lanvi gagn touzour plis, tou sort kalite tantasion, tousala touf la parol. Li pa raport okenn fri.

Mk 4:19 Referans Kwoze

1 Tim 6:17

Dir bann dimoun ris dan sa lavi la, pa rant dan lorgey e pa met zot lesperans dan bann fos rises. Met zot lesperans plito dan Bondie ki donn nou tou seki nou bizin dan labondans.

Let pou Filipien 4:6

Napa bizin zot trakase ditou, me dan ninport ki sitiasion, avek enn leker rekonesan, ofer zot lapriyer ek siplikasion Bondie.

Mt 19:23

Lerla Zezi dir so bann disip, “Laverite, mo dir zot, bien difisil pou enn ris rant dan Rwayom lesiel.

Zn 15:2

Tou brans ki lor sa pie la e ki pa raporte, mo Papa tir zot zete; me tou brans ki raporte, li tay zot pouki zot donn ankor plis.

Lk 21:34

“Pran kont pouki zot leker pa angourdi par tousort kalite kiksoz, par labwason ek bann difikilte lavi, sinon Gran Zour la pou tom lor zot san ki zot atann,

Lk 10:41

Lesegner reponn li, “Mart, Mart, to pran traka e to azite pou enn kantite kiksoz,

2 Pi 1:8

Sa bann kalite la, si zot ena li anabondans, pou fer zot vinn aktif e progrese dan konesans nou Segner Zezi Kris.

2 Tim 4:10

Demas finn prefer lemonn prezan, li finn abandonn mwa; li finn rant dan Tesalonik. Kresenns finn al Galasi, Tit finn al Dalmasi.

Let Zid 1:12

Zot prezans li enn skandal dan zot bann repa fraternel, kot zot fer lafet san okenn laont e zot nek okip zot mem. Zot parey bann niaz ki pena lapli e ki divan pe pouse. Zot parey bann zarb ki mem dan lotonn pa donn fri, enn fwa derasinn zot, zot mor pou toultan.

Mt 3:10

Asterlamem laserp finn fini pare pou koup bann pie depi zot rasinn. Tou bann pie ki pa raport bon fri pou koupe zet dan dife.

Mt 13:22

Saki finn seme dan pikan, li resanble sa dimoun ki tann laparol, me bann problem lavi tou lezour, lamour dibien materyel touf tou e li pa raport okenn fri.

Mk 4:18

Lagrin ki tom dan pikan, vedir bann dimoun ki zot ousi tann sa parol la.

Let pou Romin 12:2

Pa rant dan moul sa lemonn la, me les Bondie transform zot par enn intelizans nouvo, pouki zot kapav diserne ki volonte Bondie, setadir seki bon, seki agreab, seki parfe.

Ef 2:2

Lontan zot ti pe viv sa lavi la; sa lepok la zot ti pe swiv bondie sa lemonn la, sa prins ki ant lesiel ek later, sa lespri ki pe azir aster parmi bann ki opoz Bondie.

Ef 6:12

Nou pa pe lit kont pwisans imin me kont bann dirizan, bann lotorite, bann pouvwar ki dominn sa lemonn teneb la, kont pwisans spiritiel lemal lao dan lesiel.