Mk 2:12 - Nouvo Testaman dan Kreol Morisien

¹² Lerla paralize la leve, li ramas so brankar, li sorti devan tou dimoun. Bann dimoun emerveye. Zot glorifie Bondie, zot dir, “Zame nou finn trouv sa kalite kiksoz la ar nou lizie.”

Nouvo Testaman Kreol Morisien Harmonisation NTPS KM

¹² Lerla paralize-la leve, li ramas so brankar, li sorti devan tou dimounn. Bann dimounn emerveye. Zot glorifie Bondie, zot dir, “Zame nou finn trouv sa kalite kiksoz-la ar nou lizie.”

Mk 2:12 Referans Kwoze

Mt 9:33

Kouma li fini sas demon la, boug la koumans koze e lafoul ti etone, zot dir, “Zame zot finn trouv kiksoz parey dan Izrael.”

Mt 9:8

Letan lafoul trouv sa, laper trap zot, e zot glorifie Bondie ki finn donn limanite enn lotorite parey.

Lk 7:16

Lafreyer sezi bann dimoun e zot glorifie Bondie; zot dir, “Enn gran profet finn leve parmi nou e Bondie finn vizit so pep.”

Zistwar Bann Zapot 4:21

Bann manm konsey menas Pier ek Zan ankor; lerla ti les zot ale. Pa ti ena okenn mwayin pou pini zot, parski lepep ti pe loue Bondie pou seki finn arive.

Zn 9:32

Zame depi ki lemonn existe, mo finn tann kikenn ouver lizie enn dimoun ki finn ne aveg.

Zn 7:31

Selman boukou dimoun dan lafoul ti pe krwar dan Li e zot ti pe dir, “Kan Lekris pou vini, eski li pou fer pli boukou mirak ki sennala?”

Lk 17:15

Letan enn parmi zot finn remarke ki li finn geri, li retourne e li glorifie Bondie avek tou so leker.

Lk 13:13

Zezi poz lame lor li, e toutswit madam la redrese e li glorifie Bondie.

Lk 5:26

Zot tou emerveye, e zot glorifie Bondie osi, zot ti an adorasion e zot dir, “Nou finn trouv kiksoz extraordiner zordi!”

Mk 1:27

Lasistans gagn sok; sakenn dimann ar so kamarad, “Ki pe arive, ki sa vedir? Ala enn nouvo manier koze ki ena pwa. Mem move lespri la ekout li.”

Mt 15:31

Lafoul ti emerveye ler zot trouv bann mie koze, bann andikape geri, bwate marse e bann aveg trouv kler; lerla zot koumans glorifie Bondie Izrael.

Mt 12:23

Lafoul ti etone e zot dir, “Pa limem Garson David?”

Mk 2:11

“Ekout mwa, leve, ramas to brankar, al to lakaz.”