Mk 13:13 - Nouvo Testaman dan Kreol Morisien

¹³ Tou dimoun pou air zot akoz mwa; me seki tini ferm ziska lafin, Bondie pou sov li.

Nouvo Testaman Kreol Morisien Harmonisation NTPS KM

¹³ Tou dimounn pou ayir zot akoz mwa; me seki tini ferm ziska lafin, Bondie pou sov li.

Mk 13:13 Referans Kwoze

Mt 10:22

Tou dimoun pou air zot akoz mwa, me seki tini ferm ziska dan bout, li pou sove.

Mt 24:13

Me dimoun ki persevere ziska lafin pou sove.

Lk 6:22

Bienere kan dimoun air zot, e kan met zot deor, insilte zot, abes zot, mal parl zot akoz Garson Limanite.

Ga 6:9

Anou pa dekouraze fer dibien, parski ler peryod larekolt arive nou pou rekolte si nou pa bes lebra.

Let pou Romin 2:7

Li pou donn lavi eternel bann ki persevere pou fer dibien, bann ki pe rod laglwar, loner ek lavi imortel.

Zn 15:21

Me bannla pou fer tousala parski zot ar mwa e parski bannla pa konn Sa-Enn ki finn avoy mwa la.

Revelasion 2:10

Pa per si zot pou bizin soufer. Diab pou bon tant zot e pou met plizir parmi zot dan prizon pou dis zour. Res touzour fidel ziska lamor e mo pou rekonpans zot.

Eb 10:39

Nou, nou pa bann dimoun ki retourn anaryer pouki apre pou perdi. Okontrer nou ena lafwa e nou lor sime delivrans.

Eb 3:14

Ofet nou enn partner avek Lekris, si nou gard sa konfians ki nou ena depi komansman la, ziska lafin.

Zn 17:14

Mo finn konfie zot to parol me lemonn deteste zot parski zot pa dan lemonn parey kouma mwa, mo pa dan lemonn.

Lk 21:17

Tou dimoun pou air zot akoz mo nom.

Mt 24:9

Dimoun pou livre zot, pou touy zot e tou bann nasion pou air zot akoz mo nom.

Revelasion 3:10

Parski to finn res fidel ar mo parol, mwa osi mo pou protez twa kont maler ki pou tap lemonn antie e teste bann abitan later.

Let Zak 1:12

Li pou bienere sa dimoun ki tini ferm dan leprev. Bann ki prouve zot ferm pou resevwar kouronn laviktwar ki Bondie finn promet bann ki kontan li.

1 Zn 3:13

Mo bann frer, mo bann ser, pa bizin etone si lemonn air zot.

Mk 13:12

Frer pou trair frer ziska lamor, papa pou trair zanfan; zanfan pou revolte kont zot fami e pou fer touy zot.