Mk 12:15 - Nouvo Testaman dan Kreol Morisien

¹⁵ Li kone kouma bannla ipokrit; akoz samem li dir zot, “Pou ki fer zot rod instal mwa? Fer mwa gagn enn pies larzan mo gete.”

Nouvo Testaman Kreol Morisien Harmonisation NTPS KM

¹⁵ Li kone kouma bann-la ipokrit; akoz samem li dir zot, “Pou ki fer zot rod instal mwa? Fer mwa gagn enn pies larzan mo gete.”

Mk 12:15 Referans Kwoze

Revelasion 2:23

Mo pou touy to bann zanfan. Tou bann legliz pou kone ki mo enn kikenn ki konn bann panse ek lespri tou dimoun. Mo pou tret sakenn zot dapre seki zot merite.

Eb 4:13

Dan kreasion, nanye pa invizib pou lizie Bondie. Devan li nou touni, so lizie trouv tou e zis avek limem ki nou bizin rann kont.

1 Ko 10:9

Fode pa ki nou teste Lesegner kouma ena parmi bannla ti fer, e zot finn trouv lamor par bann serpan.

Zistwar Bann Zapot 5:9

Lerla Pier dir li, “Kouma zot finn tom dakor pou tronp Lespri Bondie? Bann ki finn anter to mari pe dibout deryer laport, zot pare pou sarye twa ale.”

Zn 21:17

Zezi demann li enn trwaziem fwa, “Simon garson Zan, eski to kontan mwa?” Pier sagrin ki Zezi demann li enn trwaziem fwa, “Eski to kontan mwa?” Lerla Pier reponn, “Segner, to konn tou, to kone ki mo kontan twa.” Zezi dir li, “Donn manze mo bann mouton.

Lk 20:23

Zezi ti konn zot lespri rize. Li dir zot,

Mk 10:2

Bann Farizien koste ar li. Zot ti pe rod instal li, alor zot dimann li si lalwa permet enn mari ranvway so fam.

Mt 22:18

Me Zezi, ki konn zot mesanste, reponn zot, “Bann ipokrit, kifer zot anvi met mwa dan lak?

Mt 20:2

Apre ki li finn tom dakor ar zot lor lapey enn zourne travay, li avoy zot dan so karo.

Mk 12:14

Zot vini e zot dir li, “Met, nou kone ki to koz fran, to pa les dimoun inflians twa, to pa ziz dimoun dapre so laparans me to montre sime Bondie dapre laverite; eski dapre lalwa nou bizin pey tax Sezar, wi ou non? Bizin peye, pa bizin peye?”

Mk 12:16

Zot donn li pies la; apre li dimann zot, “Ki figir ena lor la e ki finn ekrir?” Zot reponn li, “Sezar.”

Zn 8:6

Zot ti pe dir sa pou met Zezi dan piez koumsa zot a kapav met enn sarz lor li. Zezi bese e li ekrir avek so ledwa dan later.