Lk 8:29 - Nouvo Testaman dan Kreol Morisien

²⁹ Zezi donn move lespri lord pou sorti lor sa dimoun la. (Enn kantite fwa lespri la ti akapar li; lerla zot ti atas so lame ek so lipie ar lasenn pou tini li, me li ti kas lasenn e demon ti sarye li dan dezer.)

Nouvo Testaman Kreol Morisien Harmonisation NTPS KM

²⁹ Zezi donn move lespri lord pou sorti lor sa dimounn-la. (Enn kantite fwa lespri-la ti akapar li; lerla zot ti atas so lame ek so lipie ar lasenn pou tini li, me li ti kas lasenn e demon ti sarye li dan dezer.)

Lk 8:29 Referans Kwoze

Lk 9:42

Letan garson la vini, demon la zet li ater, sakouy-sakouy li. Me Zezi menas lespri inpir la, geri garson la e retourn li so papa.

Lk 9:39

enn kout lespri sezi piti la; piti la irle, li gagn konvilsion, li kime e lespri la maltret li, sakouy li e larg li avek difikilte.

Mk 5:8

Parski Zezi ti finn dir li, “Twa, move lespri, sort dan sa boug la.”

Lk 8:28

Kan li trouv Zezi, li zet so lekor devan Zezi e li kriye for-for, “Ki to oule ar mwa, Zezi, Garson Bondie Treo? Mo sipliy twa, pa tourmant mwa.”

Lk 8:30

Lerla Zezi dimann li, “Ki to nom?” Li reponn, “Lezion,” - parski enn pake demon ti rant dan li.