Lk 6:23 - Nouvo Testaman dan Kreol Morisien

²³ Rant dan lazwa sa zour la, sot anler, parski enn gran rekonpans pe atann zot dan lesiel; parski koumsamem zot bann gran dimoun ti maltret bann profet.

Nouvo Testaman Kreol Morisien Harmonisation NTPS KM

²³ Rant dan lazwa sa zour-la, sot anler, parski enn gran rekonpans pe atann zot dan lesiel; parski koumsa mem zot bann gran dimounn ti maltret bann profet.

Lk 6:23 Referans Kwoze

Revelasion 21:7

Dimoun ki gagn laviktwar pou resevwar sa don la, e mo pou vinn so Bondie e li pou vinn mo zanfan.

Revelasion 3:12

Dimoun ki gagn laviktwar, mo pou fer li vinn enn kolonn dan tanp mo Bondie e zame li pa pou kapav kit tanp la. Mo pou ekrir lor li nom mo Bondie, nom lavil Bondie, nouvo Zerizalem ki desann depi kot Bondie dan lesiel ek mo nouvo nom.

Revelasion 3:5

Tou bann ki pou gagn laviktwar pou met linz blan; mo pa pou efas zot nom dan liv lavi. Mo pou rekonet zot devan mo papa ek so bann anz.

Zistwar Bann Zapot 5:41

Bann apot ti kit lasal konsey leker kontan parski ti konsider zot dign pou gagn maltrete akoz nom Zezi.

Mt 5:12

Zot bizin dan lazwa e santi zot ere parski zot ena enn rekonpans dan lesiel; koumsamem zot ti persekit bann ansien profet.

Revelasion 2:26

Dimoun ki gagn laviktwar e ki fer mo volonte ziska lafin, mo pou donn li pouvwar lor tou bann nasion.

Revelasion 2:17

Si zot ena zorey, ekout seki Lespri ena pou dir bann legliz! Seki gagn laviktwar, mo pou donn li lamann ki dan sekre. Mo pou donn li enn ros blan avek enn nouvo nom ekrir lor la. Personn pa konn sa nouvo nom la, exsepte sa dimoun ki resevwar li.”

Revelasion 2:7

Seki ena zorey, ekout bien seki Lespri ena pou dir bann legliz! Mo pou akord bann ki finn ranport laviktwar drwa pou manz fri zarb lavi ki trouv dan zardin Bondie.”

1 Pi 4:13

Okontrer, zot bizin kontan ki zot pe partaz soufrans Kris, pouki zot kapav gonfle ar lazwa ek kontantman kan li revel li dan so laglwar.

Let Zak 1:2

Mo bann kamarad, konsider li kouma enn lazwa letan zot fer fas avek bann moman eprev,

Zistwar Bann Zapot 3:8

Enn sel kout li ti diboute, li ti koumans marse, e ansam avek zot, li ti rant dan tanp, li ti sot-sote, li ti loue Bondie.

Eb 11:26

Li ti konsidere ki soufer pou Lemesi ena boukou plis valer ki bann trezor Lezip, parski li ti gard so lizie fixe lor rekonpans ki pou vini apre.

Eb 11:6

San lafwa, personn pa kapav fer Bondie plezir. Parski kikenn ki apros Bondie bizin krwar ki li existe e ki Bondie rekonpans dimoun ki rod li.

2 Tim 2:12

Si nou res ferm avek li, nou pou regn avek li. Si arive nou renie li, li osi li pou renie nou.

Let pou Kolosien 1:24

Aster mo trouv mo lazwa dan bann soufrans mo soufer pou zot e mo konplet dan mo laser seki manke dan leprev ki Lekris finn aksepte pou so lekor ki apel Legliz;

2 Ko 12:10

Akoz sa, pou Lekris, mo satisfe avek febles, insilt, detres, persekision ek langwas. Kan mo feb, lerlamem ki mo for.

Let pou Romin 5:3

Pa selma sa, nou met nou fierte dan nou soufrans, parski nou kone ki lasoufrans li amenn perseverans,

Zistwar Bann Zapot 14:10

Pol kriye for, “Dibout drwat lor to lipie.” Enn sel kout li drese, li marse.

Lk 6:35

Me zot, kontan zot lennmi, fer dibien, e prete san atann nanye anretour. Zot rekonpans pou gran, e zot pou zanfan Bondie Treo parski li bon ar bann ingra ek bann move.

Lk 1:44

Kan mo finn tann twa salye mwa, zanfan dan mo vant finn bouze avek enn gran lazwa.

Lk 1:41

Kan Elizabet tann lavwa Marie, tibaba la bouze dan so vant. Elizabet ti ranpli avek Lespri Sin