Lk 18:16 - Nouvo Testaman dan Kreol Morisien

¹⁶ Me Zezi apel zot e li dir, “Les bann zanfan vinn ar mwa. Pa anpes zot, parski Rwayom Bondie pou tou dimoun ki parey kouma zot.

Nouvo Testaman Kreol Morisien Harmonisation NTPS KM

¹⁶ Me Zezi apel zot e li dir, “Les bann zanfan vinn ar mwa. Pa anpes zot, parski Rwayom Bondie pou tou dimounn ki parey kouma zot.

Lk 18:16 Referans Kwoze

1 Ko 14:20

Frer ek ser, pa rezonn kouma zanfan. Kan ena pou fer avek lemal, wi, la zot kapav kouma zanfan; me kan li konsern larezon, la zot bizin adilt.

1 Ko 7:14

Parski enn mari non-krwayan li sanktifie par so fam e enn fam non-krwayan li sanktifie par so mari. Sinon zot zanfan ti pou inpir, tandi ki la, zot pre ar Bondie.

1 Pi 2:2

Parey kouma bann zanfan ki fek ne, rod dile ki pa koupe e ki spiritiel pouki kan zot bwar li zot kapav grandi pou gagn vre lavi,

Zistwar Bann Zapot 2:39

Sa promes la li pou zot e zot zanfan, e pou tou seki lwin - pou tou seki Lesegner nou Bondie pou apele.”

Mt 19:14

Me Zezi dir, “Les bann ti zanfan vinn ar mwa, pa anpes zot parski Rwayom Lesiel pou dimoun ki parey kouma zot.”

Lk 18:15

Dimoun ti pe amenn bann tibaba pouki Zezi beni zot. Kan bann disip trouv sa, zot koz brit ar sa bann dimoun la.

Lk 18:17

Laverite, mo dir zot, seki pa resevwar Rwayom Bondie kouma enn zanfan pa pou kapav rant ladan.”