Lk 18:14 - Nouvo Testaman dan Kreol Morisien

¹⁴ Mo dir zot, kan sa dimoun la rant so lakaz li pou gagn pardon Bondie, me pa lotla. Seki rod grander pou abese, e seki abese pou gagn grander.”

Nouvo Testaman Kreol Morisien Harmonisation NTPS KM

¹⁴ Mo dir zot, kan sa dimounn-la rant so lakaz li pou gagn pardon Bondie, me pa lot-la. Seki rod grander pou abese, e seki abese pou gagn grander.”

Lk 18:14 Referans Kwoze

Lk 14:11

Seki rod grander pou abese, seki abese pou gagn grander.”

Lk 16:15

Zezi dir zot, “Zot fer krwar ki zot ena lazistis zis pou lizie dimoun, me Bondie konn zot leker. Seki ena valer pou dimoun, enn abominasion pou Bondie.

Let Zak 4:10

Abes zot devan Lesegner e li pou elev zot.

Mt 23:12

Dimoun ki anvi gagn laglwar pou imilie li, dimoun ki imilie li pou gagn laglwar.

Let Zak 4:6

Me Bondie donn tou dimoun boukou plis lagras, samem Lekritir dir osi, “Bondie kont bann orgeye e li donn lagras bann ki ena limilite.”

Lk 1:52

Li finn devir tronn bann gran sef anbalao. Li met dimoun ki gagn kraze dibout;

Mt 5:3

“Bienere zot ki pov dan zot lespri, Rwayom Bondie li pou zot.

Ga 2:16

Pourtan nou kone ki enn dimoun pa zistifie par pratik lalwa me par so lafwa dan Zezi Kris. Nou osi, nou finn krwar dan Zezi Kris, pouki nou zistifie par Zezi Kris, e pa par pratik lalwa, parski personn pa zistifie parski li pratik lalwa.

Let pou Romin 4:5

Me si enn dimoun pa travay, me ena konfians ki Bondie rann bann peser zis akoz zot lafwa, sa kalite lafwa la Bondie kont li kouma enn lavi drwat.

Let pou Romin 3:20

Koumsa personn pa trouv li zistifie devan Bondie parski li finn obzerv lalwa. Lalwa nek zis fer dimoun pran konsians ki pese ete.

Lk 10:29

Me kouma dokter lalwa la ti anvi montre ki li enn dimoun drwat, li dimann Zezi, “Kisannla mo prosin?”

Let pou Romin 8:33

Ki sannla kapav met sarz lor seki Bondie finn swazire davans? Bondie limem deklar zot pa koupab!

Let pou Romin 5:1

Asterla ki nou finn zistifie par lafwa, nou ena lape avek Bondie atraver nou Segner Zezi Kris.