Let Zid 1:16 - Nouvo Testaman dan Kreol Morisien

¹⁶ Sa bann dimoun la, zot toultan plegne, zot pa kontan zot sor; zot swiv zot prop dezir; zot dir bann parol ranpli ar lorgey e zot flat dimoun par intere.

Nouvo Testaman Kreol Morisien Harmonisation NTPS KM

¹⁶ Sa bann dimounn-la, zot touletan plengne, zot pa kontan zot sor; zot swiv zot prop dezir; zot dir bann parol ranpli ar lorgey e zot flat dimounn par intere.

Let Zid 1:16 Referans Kwoze

2 Pi 2:18

Zot fer bel-bel diskour ki pena sans; zot servi zot dezir obsenn pou piez lezot ki fek fini sap dan piez bann ki amenn move lavi.

2 Pi 2:10

spesialman bann ki obeir dezir zot prop laser e mepriz lotorite Bondie. Sa bann fos profeser, zot arogan ek latet dir, zot pena respe pou kreatir lesiel e zot pa per pou insilte zot.

Let pou Filipien 2:14

Fer tou san okenn konplint ou rezistans

1 Pi 4:2

pou kapav viv leres zot lavi lor later pa dapre bann dezir imin me dapre volonte Bondie.

1 Tim 6:5

e bann koze zame fini ant dimoun tilespri ek dan lerer. Zot panse ki ar larelizion kapav fer profi larzan.

1 Ko 10:10

Fode pa ki zot grogne kouma bann la ti fer, e finn trouv lamor par Anz Lamor.

Let Zid 1:18

Zot finn dir zot, “Dan bann dernie letan, pou ena bann dimoun ki pou mok zot e pou swiv zot move dezir”

2 Pi 3:3

Premie dabor, zot bizin konpran ki dan bann dernie zour, sertin dimoun lespri traver pou mok zot,

1 Pi 2:11

Mo bann kamarad, mo dimann zot antan ki etranze ek exile lor later, pa rant dan piez instale par bann dezir imin ki andezakor ar zot lam.

Let Zid 1:15

pou exekit zizman lor tou dimoun, pou kondann zot pou zot move aksion ek bann zafer terib ki bann peser finn dir kont li.”

1 Pi 1:14

Parey kouma bann zanfan, zot bizin obeir Bondie e pa sviw zot bann move dezir ki zot ti ena lontan kan zot ti dan lignorans.

Ga 5:16

Mwa, mo dir zot: les zot lavi dirize par Lespri, lerla zot pa pou viv dapre dezir laser imin.

Zn 6:61

Zezi ti kone dan limem ki so bann disip ti pe marmote; lerla li dir zot, “Eski seki mo pe dir ofans zot?

2 Tim 4:3

Ler pou arive kot dimoun pou nepli anvi ekout bon lansegnman. Zot pou prefer swiv zot dezir ek ekout bann predikater ki pou vinn met dan zot zorey seki zot anvi tande.

1 Tes 4:5

Pa les zot domine par bann move dezir parey kouma bann payin ki pa konn Bondie.

Ga 5:24

e bann ki viv ini avek Kris, zot finn krisifie zot prop laser ek zot bann pasion ek dezir.

Zn 6:41

Bann Zwif ti pe marmote parski Zezi ti pe dir, “Momem dipin kinn desann depi lesiel.”

Lk 19:7

Tou bann ki ti trouv sa mirmire e zot dir, “Ala li finn al res kot enn dimoun ki fer pese.”

Lk 15:2

Bann Farizien ek bann dokter lalwa mirmire e zot dir, “Li frekant bann peser, li manze-bwar ar zot.”

Lk 5:30

Bann Farizien ek bann dokter lalwa ti pe fer repros ar so bann disip. Zot ti pe dir, “Kifer zot pe manze-bwar avek bann komi tax ek bann peser?”