Let Zak 4:4 - Nouvo Testaman dan Kreol Morisien

⁴ Bann infidel! Eski zot pa kone ki lamitie pou lemonn vedir zot lennmi Bondie? Dimoun ki swazir kontan lemonn li fer limem vinn lennmi Bondie.

Nouvo Testaman Kreol Morisien Harmonisation NTPS KM

⁴ Bann infidel! Eski zot pa kone ki lamitie pou lemond vedir zot lennmi Bondie? Dimounn ki swazir kontan lemond li fer limem vinn lennmi Bondie.

Let Zak 4:4 Referans Kwoze

Let pou Romin 8:7

Bann dimoun ki preokipe par natir imin zot ennmi Bondie, parski sa natir la li pa soumet li ar lalwa Bondie, dayer li mem pa kapav fer li.

Ga 1:10

Asterla, eski mo pe rod faver bann imin oubien faver Bondie? Eski mo pe sey fer plezir bann imin? Si mo ti ankor pe fer plezir bann zom, alor mo pa ti pou enn serviter Zezi Kris.

Zn 15:19

Si zot ti viv pou lemonn, lerla lemonn ti pou konsider zot kouma so prop zanfan; me zot pa pou lemonn; mwa, mo finn swazir zot, mo finn tir zot dan lemonn, akoz samem lemonn air zot.

Mt 6:24

Personn pa kapav vinn servi de met. Swa li air enn e kontan lot la, oubien li atas li ar enn e mepriz lot la. Zot pa kapav servi de met.

Zn 17:14

Mo finn konfie zot to parol me lemonn deteste zot parski zot pa dan lemonn parey kouma mwa, mo pa dan lemonn.

Let Zak 1:27

Ala seki Bondie Papa konsider kouma vre relizion ki pena okenn tas: pran swin bann orfelin ek vev dan zot soufrans e pa les zot kontamine par lemonn.

Let pou Romin 5:10

Nou ti bann ennmi Bondie, me nou finn rekonsilie ar li par lamor so Garson; aster ki nou rekonsilie ar li, ena plis rezon ki nou pou sove par lavi so Garson.

Mt 16:4

Zenerasion move ek adilter pe dimann enn sign, me okenn sign pa pou donn li exsepte sign Zonas.” Apre sa li kit zot li ale.

Zn 7:7

Lemonn pa kapav deteste zot, me mwa, li deteste mwa parski mo pe kontigne montre li ki so bann travay pa bon.

Lk 19:27

Asterla, mo bann ennmi, ki pa ti oule mo vinn zot lerwa, amenn zot isi e eliminn zot devan mwa.’ ”

Mt 12:39

Li reponn zot, “Zenerasion move ek adilter, zot pe rod enn sign, okenn sign pa pou donn zot anplis ki sign profet Zonas.

1 Ko 1:20

Kot dimoun saz ete? Kot dokter lalwa ete? Bann ki fer gran-gran diskour zordi, kot zot? Eski Bondie pa finn rann bet lasazes sa lemonn la?

1 Ko 1:21

Bann imin avek tou zot sazes pa finn kapav rekonet Bondie, la kot li finn manifeste so sazes. Akoz sa ki Bondie finn desid pou sov seki krwar par so mesaz swadizan fou.