Let Zak 4:1 - Nouvo Testaman dan Kreol Morisien

¹ Tou sa bann dispit ek konfli ant zot la, ki kote li sorti sa? Eski li pa sorti depi zot lanvi plezir ki pe lager dan zotmem?

Nouvo Testaman Kreol Morisien Harmonisation NTPS KM

¹ Tou sa bann dispit ek konfli ant zot la, ki kote li sorti sa? Eski li pa sorti depi zot lanvi plezir ki pe lager dan zotmem?

Let Zak 4:1 Referans Kwoze

1 Pi 2:11

Mo bann kamarad, mo dimann zot antan ki etranze ek exile lor later, pa rant dan piez instale par bann dezir imin ki andezakor ar zot lam.

Ga 5:17

Parski bann dezir laser zot kontrer Lespri e bann dezir Lespri zot kontrer laser. Zot telman opoze ki dimoun pa kapav fer seki zot anvi.

Let pou Romin 7:23

Me mo trouv enn lot lalwa ki pe fer so louvraz dan mo lekor, li pe fer lager ar lalwa mo lintelizans. Li fer mwa prizonie lalwa pese ki pe travay dan mo lekor.

Let pou Romin 8:7

Bann dimoun ki preokipe par natir imin zot ennmi Bondie, parski sa natir la li pa soumet li ar lalwa Bondie, dayer li mem pa kapav fer li.

Let Zak 1:14

Me enn dimoun, li tante par so prop dezir ki sedwir li, e ki antrenn li dan lemal.

1 Pi 1:14

Parey kouma bann zanfan, zot bizin obeir Bondie e pa sviw zot bann move dezir ki zot ti ena lontan kan zot ti dan lignorans.

Let pou Kolosien 3:5

Tou seki fer parti lavi lor later an zot, fer li mor: move lavi, inpirte, lapasion, bann move dezir ek lamour larzan ki enn form lidolatri.

2 Pi 3:3

Premie dabor, zot bizin konpran ki dan bann dernie zour, sertin dimoun lespri traver pou mok zot,

Let Zak 4:3

Zot demande me zot pa resevwar, parski zot mal demande, zot demande zis pou zot prop plezir.

2 Pi 2:18

Zot fer bel-bel diskour ki pena sans; zot servi zot dezir obsenn pou piez lezot ki fek fini sap dan piez bann ki amenn move lavi.

Let pou Tit 3:3

Lontan nou pa ti servi nou lespri, nou ti rebel ek dan erer. Nou ti esklav tou sort kalite plezir. Nou ti viv dan lemal ek lanvi. Lezot ti air nou, e nou ti air zot.

Let pou Tit 3:9

Evit bann fos largiman, bann long lalis anset, diskision ek lager konsernan Lalwa. Tousa initil.

Let pou Romin 7:5

Letan nou ti kontrole par nou natir imin, bann move dezir provoke par lalwa ti pe azir dan nou lekor e nou ti pe raport fri ki amenn lamor.

Mt 15:19

Parski dan leker sorti bann move lintansion, kouma fer krim, adilter, move lavi, kokin, mansonz ek palab.

Zn 8:44

Zot sorti ar diab. Limem zot papa; akoz samem zot ena mem santiman ki li. Depi komansman li ti enn asasin e zame li ti dan laverite parski pena laverite dan li; kan li koz manti, li pe azir dapre so natir; li enn manter e limem papa bann manter.

2 Tim 2:23

Evit bann diskision bet ek initil ki amenn lager.