Let pou Tit 3:3 - Nouvo Testaman dan Kreol Morisien

³ Lontan nou pa ti servi nou lespri, nou ti rebel ek dan erer. Nou ti esklav tou sort kalite plezir. Nou ti viv dan lemal ek lanvi. Lezot ti air nou, e nou ti air zot.

Nouvo Testaman Kreol Morisien Harmonisation NTPS KM

³ Lontan nou pa ti servi nou lespri, nou ti rebel ek dan erer. Nou ti esklav tou sort kalite plezir. Nou ti viv dan lemal ek lanvi. Lezot ti ayir nou, e nou ti ayir zot.

Let pou Tit 3:3 Referans Kwoze

Let pou Kolosien 1:21

E zot, lontan, zot ti etranze e ennmi Bondie, letan zot ti pe komet bann move laksion,

Let pou Romin 6:17

Granmersi Bondie! Zot ki ti esklav pese, zordi avek tou zot leker zot obeir laverite ki dan lansegnman ki zot ti resevwar.

Let pou Kolosien 3:7

ala seki ti zot konportman lontan, seki ti fer parti zot lavi.

Let pou Romin 6:22

Asterla zot finn lib par rapor ar pese e zot finn vinn esklav Bondie, zot ena sanktifikasion pou fri, ek so rezilta li lavi eternel.

1 Pi 1:14

Parey kouma bann zanfan, zot bizin obeir Bondie e pa sviw zot bann move dezir ki zot ti ena lontan kan zot ti dan lignorans.

2 Ko 12:20

Mo per ki letan mo arive, mo pa trouv zot kouma mo souete trouv zot, e ki zot osi zot pa trouv mwa kouma zot ti anvi mo ete. Mo per ki mo trouv lager, zalouzi, lakoler, rivalite, insilt, komeraz, lorgey ek dezord.

Zn 8:34

Zezi reponn zot, “Vremem, laverite mo dir zot, tou seki fer pese, li esklav pese,

Mt 21:29

Li reponn, ‘Mo pa pou ale.’ Me plitar li sanz lide li ale.

Let Zak 1:26

Si kikenn krwar li enn relizie e li pa vey so lalang, li pe tronp limem, so larelizion pena okenn valer.

Ga 6:3

parski si kikenn panse ki li enn gran dimoun alor ki li nanye ditou, li pe anbet limem.

Lk 21:8

“Pran kont, pa les dimoun anbet zot. Parski boukou dimoun pou vinn lor mo nom e zot pou dir, ‘Momem sa.’ ‘Ler finn arive’. Pa swiv zot.

Revelasion 18:2

Li kriye avek enn lavwa for, “Li finn tonbe, li finn tonbe, Gran Babilonn. Li finn vinn enn lakaz pou bann demon, enn nik pou bann move lespri, enn nik pou bann zwazo inpir, enn landrwa pou tou bann zanimo sal ek degoutan.

Revelasion 13:14

Li ti sedwir bann abitan later par pouvwar ki ti finn donn li pou fer mirak devan lot bebet la. Li ti dimann bann abitan fer enn zimaz sa bebet ki ti finn blese ar lepe, e ki ti ankor pe viv.

Revelasion 12:9

Sa gro dragon la ti perdi so plas. Sa vie serpan ki zot ti apel diab, ou Satan, sedikter lemonn, li avek so bann anz ti perdi zot plas dan lesiel.

Let pou Romin 6:6

Nou kone ki nou vie natir finn krisifie ansam ar li, pouki sa lekor pese la perdi tou so pouvwar, e ki nou nepli pou esklav pese.

Let pou Romin 6:12

Alor, pa les pese dominn zot lekor mortel pou fer zot obeir so bann move dezir.

Let pou Romin 11:30

Kanta zot, bann non-Zwif, zot ti dezobeir Bondie dan lepase, me azordi zot finn gagn konpasion Bondie parski bann Zwif finn dezobeir.

2 Tim 3:6

Ena parmi ki rant dan bann lakaz zis pou may bann fam ki feb dan zot file, bann fam ki ansene par toutsort kalite move dezir,

2 Tim 3:13

Me tou bann fos krwayan ek bann sarlatan pou touzour fer progre dan lemal. Zot pou tronp dimoun ek zot pou tronp zotmem.

Let pou Tit 1:16

Zot dir ki zot konn Bondie, me par zot bann aksion, zot renie li. Zot enn bann rebel ki Bondie deteste ek zot pa vo nanye pou enn sou.

Let pou Tit 2:12

Samem lagras ki ansegn nou rezet linkrwayans ek bann zwisans lemonn pou amenn enn lavi sinp lor later dan la zistis ek lafwa.