Let pou Romin 9:11 - Nouvo Testaman dan Kreol Morisien

¹¹ E pourtan avan nesans bann zimo la, avan mem ki enn ou lot ti fer kiksoz bon ou move, e pouki Bondie so plan eleksion kontigne existe lor baz enn swa ki li fer

Nouvo Testaman Kreol Morisien Harmonisation NTPS KM

¹¹ E pourtan avan nesans bann zimo-la, avan mem ki enn ou lot ti fer kiksoz bon ou move, e pou ki Bondie so plan eleksion kontigne existe lor baz enn swa ki li fer

Let pou Romin 9:11 Referans Kwoze

2 Tim 1:9

Li finn sov nou ek li apel nou, non pa akoz nou kapasite, me par so prop volonte. Li donn nou so la gras dan Lekris Zezi avan tou siek.

2 Pi 1:10

Alor mo bann frer ek ser, double zot zefor pou montre vremem ki Bondie finn swazir ek apel zot; ler zot fer sa, zame zot pa pou tom dan lemal.

Let pou Tit 3:5

li finn sov nou. Pa akoz nou bann bon laksion me par so mizerikord. Li finn sov nou atraver delo ki donn enn nouvo nesans ek enn renouvelman par Lespri Sin.

Revelasion 17:14

Zot pou konbat kont Annyo me Annyo pou bat zot parski limem Segner tou bann segner ek Lerwa tou bann lerwa. Avek li, bann ki Bondie finn apele ek swazire, bann fidel, pou osi vinker.”

1 Pi 5:10

Zot ena pou soufer ankor inpe letan. Bondie, ki lasours lagras, ki finn apel zot pou so laglwar eternel dan Zezi Kris, pou limem beni zot, donn zot lafors e ranz zot lexistans lor enn baz solid.

Let pou Romin 4:17

Lekritir deklare: “Mo finn fer twa papa enn kantite nasion.” Li nou papa devan Bondie dan ki li finn krwar, sa Bondie ki donn lavi bann dimoun ki finn mor, e ki kre kiksoz depi nanye ditou.

Ef 2:9

Li pa vinn atraver aksion imin, koumsa personn pa kapav fer fanor.

1 Tes 1:4

Mo bann frer ek ser, nou kone ki Bondie kontan zot e li finn swazir zot,

Ef 2:3

Nou osi, nou tou ti parmi sa bann la, nou ti pe viv dapre bann dezir natir pese, nou ti pe fer volonte nou natir e swiv so bann inpilsion. Nou ti vwe pou gagn koler Bondie kouma lezot.

1 Tes 2:12

Nou finn ankouraz zot, rekonfort zot ek plede pouki zot amenn enn lavi korek dapre Bondie, ki apel zot pou partaz ar li so rwayom ek so laglwar.

Ef 3:11

Tousala ti dapre plan eternel ki li finn realize par Zezi Kris nou Segner.