Let pou Romin 8:7 - Nouvo Testaman dan Kreol Morisien

⁷ Bann dimoun ki preokipe par natir imin zot ennmi Bondie, parski sa natir la li pa soumet li ar lalwa Bondie, dayer li mem pa kapav fer li.

Nouvo Testaman Kreol Morisien Harmonisation NTPS KM

⁷ Bann dimounn ki preokipe par natir imin zot lennmi Bondie, parski sa natir-la li pa soumet li ar lalwa Bondie, dayer li mem pa kapav fer li.

Let pou Romin 8:7 Referans Kwoze

1 Ko 2:14

Dimoun ki pena Lespri pa aksepte bann kiksoz ki Lespri Bondie done, parski li paret enn foli pou li. Li inposib konpran sa bann don la parski bizin Lespri Bondie pou konpran sa.

Let Zak 4:4

Bann infidel! Eski zot pa kone ki lamitie pou lemonn vedir zot lennmi Bondie? Dimoun ki swazir kontan lemonn li fer limem vinn lennmi Bondie.

Let pou Romin 7:22

Dan mo leker mo pran plezir dan lalwa Bondie.

Eb 8:10

Ala lalians ki mo pou fer asterla avek Izrael. Apre sa bann zour la, Lesegner dir: Mo pou met mo bann lalwa dan zot panse, mo pou ekrir bann lalwa la lor zot leker. Momem zot Bondie, e zot, zot pou vinn mo pep.

2 Tim 3:4

Zot pou azir kouma tret; zot fronte telman lorgey amar zot. Olie kontan Bondie, zot kontan plezir.

Let pou Kolosien 1:21

E zot, lontan, zot ti etranze e ennmi Bondie, letan zot ti pe komet bann move laksion,

Let pou Romin 8:4

Sa finn fer pouki lazistis ki lalwa dimande li akonpli dan nou ki pa pe viv dapre natir imin, me dapre Lespri.

Let pou Romin 5:10

Nou ti bann ennmi Bondie, me nou finn rekonsilie ar li par lamor so Garson; aster ki nou rekonsilie ar li, ena plis rezon ki nou pou sove par lavi so Garson.

Let pou Romin 1:28

Anplis, parski zot pa finn gard vre konesans Bondie dan zot lespri, li finn les zot lespri degringole, akoz sa zot fer seki pa bizin.

Zn 7:7

Lemonn pa kapav deteste zot, me mwa, li deteste mwa parski mo pe kontigne montre li ki so bann travay pa bon.

Let pou Romin 3:31

Eski savedir par sa lafwa la nou anil lalwa? Pa ditou! Okontrer nou donn li so vre valer.

Let pou Romin 1:30

pans dimal lor lezot, zot ennmi Bondie, zot insolan, arogan, vantar, zot invant tou kalite lide pou fer lemal, dezobeir bann paran;

Mt 12:34

Bann espes serpan! Kouma bon kiksoz kapav sorti dan zot labous, kan zotmem zot move? Parski labous exprim seki ena dan fon leker.

2 Pi 2:14

Zot lizie zis bon pou komet adilter e zot pa fatige fer pese. Zot antrenn dimoun feb dan piez. Zot leker finn bien antrene pou kontan kas. Malediksion lor zot.

Mt 5:19

Si kikenn kas enn pli tipti sa bann komannman la e ansegn lezot pou fer parey, li pou konsidere kouma pli piti dan lesiel, me kikenn ki pratik e ansegn sa bann komannman la li pou konsidere kouma gran dan lesiel.

1 Ko 9:21

Ar bann ki ignor lalwa, mo viv kouma zot pouki mo kapav gagn zot. Sa pa vedir ki mo indiferan ar lalwa Bondie, parski mo pe viv lalwa Lekris.

Let pou Kolosien 2:18

Pa les personn kokin zot laviktwar par bann devosion, par lapriyer ar bann anz lor baz vizion e lintelizans imin ki gonfle ar pretansion.