Let pou Romin 8:1 - Nouvo Testaman dan Kreol Morisien

¹ Asterla pena okenn kondanasion pou bann dimoun ki dan Zezi Kris.

Nouvo Testaman Kreol Morisien Harmonisation NTPS KM

¹ Aster-la pena okenn kondanasion pou bann dimounn ki dan Zezi Kris.

Let pou Romin 8:1 Referans Kwoze

2 Ko 5:17

Si kikenn ini ar Lekris, li vinn enn nouvo kreasion; seki vie finn disparet, seki nouvo ki la.

Ga 3:13

Kris, ki ti vinn enn malediksion pou nou, finn peye pou delivre nou depi sa malediksion la, parski finn ekrir: “Malediksion pou dimoun ki pandi ar pie.”

Let pou Romin 5:1

Asterla ki nou finn zistifie par lafwa, nou ena lape avek Bondie atraver nou Segner Zezi Kris.

1 Ko 1:30

Limem lasours zot lavi dan Zezi Kris, ki finn vinn pou nou sazes ki sorti kot Bondie. Lekris rann nou drwat, li met nou apar pou Bondie, limem nou delivrans.

Let pou Romin 8:34

Ki sannla kapav kondann zot? Personn. Parski Lekris limem ki ti mor, me plis ki sa, li finn resisite e li adrwat Bondie pou intersed pou nou.

Zn 5:24

Vremem laverite mo dir zot, dimoun ki tann mo parol e krwar dan Sa-Enn ki finn avoy mwa la, li posed lavi eternel; li pa pou kondane me li finn pas par lamor pou gagn lavi.

Zn 15:4

Res ar mwa, kouma mwa mo res ar zot. Parey kouma enn brans pa kapav raport fri si li pa res lor pie rezin la, zot osi, zot pa pou kapav fer nanye si zot pa res ar mwa.

Let pou Filipien 3:9

e mo ini avek li. Mo pa kapav dir ki mo zis akoz mo pratik lalwa. Mo lazistis li baze lor lafwa dan Kris, enn lazistis ki sorti kot Bondie, baze lor lafwa.

Let pou Romin 8:14

Tou seki dirize par Lespri Bondie, zot zanfan Bondie.

1 Ko 15:22

Tou bann dimoun mor parski zot lie ar Adam; dan Lekris tou pou gagn lavi.

Ga 5:16

Mwa, mo dir zot: les zot lavi dirize par Lespri, lerla zot pa pou viv dapre dezir laser imin.

Let pou Romin 8:4

Sa finn fer pouki lazistis ki lalwa dimande li akonpli dan nou ki pa pe viv dapre natir imin, me dapre Lespri.

Let pou Romin 8:39

ni bann lafors lao, ni bann lafors anba, ni okenn lot kiksoz dan kreasion, kapav separ nou ar lamour ki Bondie ena pou nou dan Kris Zezi nou Segner.

Ga 5:25

Si nou viv dapre Lespri, anou osi mars dapre Lespri.

Ga 3:28

Li pa fer okenn diferans ki to enn Zwif ou enn Grek, esklav ou lib, zom ou fam, parski nou tou enn sel dan Zezi Kris.

Zn 14:20

Sa zour la, zot pou kone ki mo dan mo Papa e ki zot dan mwa e ki mwa, mo dan zot.

Let pou Romin 7:20

Si mo fer seki mo pa oule, alor savedir pa mwa ki pe azir koumsa, me pese ki pe viv dan mwa.

Let pou Romin 7:17

Me ofet, nepli mwa ki fer sa, me pese ki viv dan mwa ki fer li.

2 Ko 12:2

Mo konn enn Kretien ki, ena katorz-an, ti trouv li mont ziska trwaziem lesiel. Mo pa kone si pa li ti vremem mont lao dan so lekor, oubien enn vizion selma sa, Bondie tousel kone.

Let pou Romin 16:7

Salye Andronikos ek Zinias ki fami ar mwa e ki ti dan prizon ansam ar mwa. Dimoun bien estim zot parmi bann apot, e zot ti krwayan avan mwa.

Let pou Romin 16:3

Donn Prisil ek Akila mo salitasion, zot kolabor ar mwa dan travay ki nou ti fer pou Zezi Kris.

Let pou Romin 5:16

Manier ki Bondie donn so don li pa parey kouma rezilta pese ki enn sel zom finn komet. Zizman ki ti swiv sa enn pese la, ti amenn kondanasion; me don gratwi ki ti swiv boukou pese ti amenn zistifikasion.

Let pou Romin 8:2

Anefe, lalwa Lespri Sin ki donn lavi par Zezi Kris finn liber twa depi lalwa pese ek lamor.

Let pou Romin 8:9

Me zot, zot pa kontrole par natir pese, me par Lespri, si Lespri Bondie viv dan zot. Seki pena Lespri Lekris, li pa apartenir ar Lekris.

Let pou Romin 8:11

Si Lespri Bondie, ki ti resisit Zezi, pe viv dan zot, Sa-Enn ki ti resisit Zezi la pou donn lavi zot lekor mortel par so Lespri ki viv dan zot.

Ga 3:26

Zot tou bann zanfan Bondie par lafwa dan Zezi Kris.

Ef 1:1

Mwa Pol, enn apot Zezi Kris par volonte Bondie, mo pe ekrir bann krwayan e bann fidel dan Zezi Kris.