Let pou Romin 6:13 - Nouvo Testaman dan Kreol Morisien

¹³ Pa livre diferant parti zot lekor pouki pese fer zot vinn instriman move kiksoz; okontrer ofer zotmem Bondie kouma bann dimoun vivan ki finn sorti depi dan lamor, e ofer zotmem anantie kouma instriman pou enn lavi drwat devan Bondie.

Nouvo Testaman Kreol Morisien Harmonisation NTPS KM

¹³ Pa livre diferan parti zot lekor pou ki pese fer zot vinn instriman move kiksoz; okontrer ofer zotmem Bondie kouma bann dimounn vivan ki finn sorti depi dan lamor, e ofer zotmem an antie kouma instriman pou enn lavi drwat devan Bondie.

Let pou Romin 6:13 Referans Kwoze

Let pou Romin 12:1

Alor, mo bann frer, mo bann ser, par konpasion ki Bondie ena pou nou, mo exort zot ofer zotmem kouma bann sakrifis vivan, sin e agreab, konsakre pou servi Bondie; sa vre adorasion ki zot ofer.

Let pou Romin 6:16

Eski zot pa kone kan zot livre zotmem kouma enn esklav pou obeir enn dimoun, zot esklav sa dimoun ki zot pe obeir la? Swa zot esklav pese ki ena pou rezilta lamor ou esklav lobeisans ki ena pou rezilta lavi drwat devan Bondie.

1 Pi 2:24

Dan so prop lekor li finn sarye nou pese lor lakrwa, pouki nou aret viv dan pese e viv enn fason ki korek. Par so bann blesir, nou finn geri.

Let pou Kolosien 3:5

Tou seki fer parti lavi lor later an zot, fer li mor: move lavi, inpirte, lapasion, bann move dezir ek lamour larzan ki enn form lidolatri.

Let pou Romin 7:5

Letan nou ti kontrole par nou natir imin, bann move dezir provoke par lalwa ti pe azir dan nou lekor e nou ti pe raport fri ki amenn lamor.

1 Pi 4:2

pou kapav viv leres zot lavi lor later pa dapre bann dezir imin me dapre volonte Bondie.

Let pou Kolosien 2:13

Zot ti finn mor akoz zot bann fot ek zot leker pa sirkonsi; aster Bondie finn donn zot lavi ar Lekris; li finn pardonn tou nou bann fot,

1 Ko 6:20

finn pey enn gro pri pou aste zot. Alor rann glwar Bondie avek zot lekor.

1 Zn 1:9

Si nou konfes nou pese, Bondie ki fidel ek zis, pou pardonn nou pese ek lav tou seki mal dan nou.

1 Ko 6:15

Zot pa kone ki zot lekor li form parti lekor Lekris? Eski mo pou pran enn manm lekor Lekris ek mo fer li vinn enn parti lekor enn prostitie? Zame!

Ef 2:5

letan nou ti spiritielman mor akoz nou bann fot, li ti donn nou lavi avek Lekris. Par lagras Bondie ki nou sove.

Let pou Filipien 1:20

Mo atann avek inpasians ki zot pa pou fer mwa onte, me ki avek enn gran kouraz, asterla e pou touzour, ki Kris pou onore dan mwa, swa par mo lavi oubien mo lamor.

1 Ko 6:9

Zot pa kone ki seki pratik lemal pa erit Rwayom Bondie? Pa anbet zotmem. Bann ki pratik imoralite, idolatri, adilter, bann zom-fam ek bann omosexiel,

Let pou Romin 6:19

Mo pe explik sa dan langaz sinp parski zot natir feb. Parey kouma zot ti abitie livre zot lekor pou esklavaz inpirte ek lemal ki deplizanpli pe grandi, asterla ofer zotmem kouma esklav lavi drwat devan Bondie ki pou amenn zot ver enn lavi sin.

2 Ko 10:4

Bann zarm ki nou servi dan nou konba, li pa sorti kot imin, me li bann zarm Bondie ki nou servi pou detrir bann fortres. Nou detrir bann argiman ki fos,

Let pou Romin 6:11

Dan mem fason konsider zotmem mor par rapor ar zot pese, me vivan pou Bondie dan linion avek Zezi Kris.

Ef 5:14

e seki vizib, li lalimier. Akoz sa ena enn koze ki dir, “Twa ki dan somey, lev twa, twa ki dan lamor, lev twa, e Lekris pou briy lor twa.”

2 Ko 8:5

Li ti plis ki nou ti espere. Dabor bannla finn donn zotmem Lesegner, apre par volonte Bondie zot finn donn nou zotmem.

2 Ko 5:15

Li finn mor pou tou dimoun, afin ki seki viv, li nepli viv pou limem me li viv pou Sa-Enn ki finn mor pou zot la, e ki finn resisite pou zot.

Let pou Romin 7:23

Me mo trouv enn lot lalwa ki pe fer so louvraz dan mo lekor, li pe fer lager ar lalwa mo lintelizans. Li fer mwa prizonie lalwa pese ki pe travay dan mo lekor.

Lk 15:32

me nou ti bizin fer fet ek amize, parski to frer ki ti finn mor, li finn regagn lavi; li ti perdi, ala nou finn retrouv li.’ ”

Let Zak 4:1

Tou sa bann dispit ek konfli ant zot la, ki kote li sorti sa? Eski li pa sorti depi zot lanvi plezir ki pe lager dan zotmem?

Let pou Romin 1:29

Zot ranpli ar tou kalite linzistis, mesanste; zot gourman kiksoz lezot, zot ranpli ar lemal, zalouzi, lespri bagarer, fer krim, fer palab,

Zn 5:24

Vremem laverite mo dir zot, dimoun ki tann mo parol e krwar dan Sa-Enn ki finn avoy mwa la, li posed lavi eternel; li pa pou kondane me li finn pas par lamor pou gagn lavi.

Lk 15:24

parski mo garson ki ti mor finn regagn lavi; li ti perdi, mo finn retrouv li.’ Fet koumanse.

2 Tes 2:12

Alor, tou dimoun ki pa krwar dan laverite e pran plezir dan seki mal, li pou kondane.

2 Ko 5:14

Anefe, lamour Lekris kontrol nou, parski nou ena lasirans ki ena enn sel ki finn mor pou tou lezot; savedir ki tou lezot ena enn par dan so lamor.

2 Tim 2:15

Fer tou pouki Bondie trouv dan twa enn bon travayer ki pa per, ni onte, pou propaz parol laverite.