Let pou Romin 3:5 - Nouvo Testaman dan Kreol Morisien

⁵ Me si bann move kiksoz ki nou fer montre lazistis Bondie, ki nou pou dir? Bondie pa zis parski li pini nou? La mo koz kouma enn imin.

Nouvo Testaman Kreol Morisien Harmonisation NTPS KM

⁵ Me si bann move kiksoz ki nou fer montre lazistis Bondie, ki nou pou dir? Bondie pa zis parski li pini nou? La mo koz kouma enn imin.

Let pou Romin 3:5 Referans Kwoze

Let pou Romin 6:19

Mo pe explik sa dan langaz sinp parski zot natir feb. Parey kouma zot ti abitie livre zot lekor pou esklavaz inpirte ek lemal ki deplizanpli pe grandi, asterla ofer zotmem kouma esklav lavi drwat devan Bondie ki pou amenn zot ver enn lavi sin.

Ga 3:15

Mo bann frer, mo bann ser, mo pou donn zot enn lexanp ki tou dimoun servi: enn fwa ki enn testaman finn etabli, personn pa kapav kas li, oubien azout kiksoz ar li.

1 Ko 9:8

Pa zis dan lavi toulezour ki mo tir bann lexanp. Lalwa Moiz osi dir sa.

Let pou Romin 7:7

Ki nou kapav dir alor? Nou pou dir ki lalwa pese? Pena sime! Mo pa ti pou kone kisavedir pese si pa ti ena lalwa. Mo pa ti pou kone kisavedir konvwatiz si lalwa pa ti dir, “Pa dezir kiksoz lezot dimoun.”

Let pou Romin 4:1

Ki nou pou dir la lor Abraam nou anset? Dan tousala, ki li finn gagne?

Let pou Romin 2:5

Me to pa oule konpran, to pa dispoze sanze. Akoz sa to atir enn pli gran pinision lor twa pou sa zour kot Bondie pou revel so zizman ki zis.

Revelasion 18:20

Lesiel, to bizin kontan seki pe arive! Zot osi, pep Bondie, bann apot ek profet! Parski Bondie finn ziz li pou dimal ki li ti fer zot.”

Revelasion 15:3

E zot ti sant kantik Moiz, serviter Bondie ek kantik Annyo: “Segner Bondie Toupwisan, to travay li gran, li enn mervey! Lerwa bann nasion, to sime li drwat, li vre!

1 Ko 15:32

Kiserti mo lager kont bann zanimo dan Efez, si li zis pou lizie dimoun? Si bann mor pa resisite, alor anou manze-bwar parski dime nou pou mor.

Let pou Romin 12:19

Mo bann kamarad, pa rod tir vanzans zotmem, me les Bondie regle sa dan so zizman, kouma Lekritir dir: “Mwa ki pou tir vanzans, mwa ki pou regle kont.”

Let pou Romin 6:1

Ki nou pou dir alor? Eski nou pou kontign fer pese pouki lagras Bondie vinn pli abondan?

Let pou Romin 3:19

Nou kone ki seki lalwa dir, li pe adres li ar bann seki anba lalwa, pouki tou labous ferme ek ki lemonn antie rekonet ki li anba zizman Bondie.

Let pou Romin 3:7

Me si par mo mansonz, laverite Bondie sorti plis dan kler ek sa ogmant so laglwar, kifer bizin kondann mwa kouma enn peser?

Let pou Romin 5:8

Me ala kimanier Bondie prouve ki kantite lamour li ena pou nou: letan nou ti ankor peser, Lekris finn mor pou nou.

Let pou Romin 8:31

Alor ki nou kapav dir lor sa size la? Si Bondie avek nou, ki sannla kapav kont nou?

Let pou Romin 9:30

Ki nou kapav dir alor? Bann non-Zwif ki pa ti pe rod rann zot drwat devan Bondie, finn vinn drwat par lafwa;

2 Ko 6:4

Okontrer, nou prezant noumem dan tou sirkonstans kouma bann serviter Bondie; nou siport bann soufrans, detres, angwas,

2 Ko 7:11

Get enn kou rezilta tristes selon Bondie: wi, gete ki kalite bonn volonte zot ena, komie zot prese pou defann zotmem, ki indignasion zot ena, lafreyer osi, dezir pou retrouv mwa, zel ki zot ena, lanvi pou pini lemal. Zot finn prouve ki zot inosan dan sa zafer la.

Ga 2:18

Me si mo rebatir seki mo finn detrir momem, savedir mo rann momem enn transgreser.