Let pou Romin 12:16 - Nouvo Testaman dan Kreol Morisien

¹⁶ Viv dan lakorite ant zotmem. Fode pa ena lorgey, me aksepte servi dan enn manier modes. Pa ena enn tro gran lopinion lor zotmem.

Nouvo Testaman Kreol Morisien Harmonisation NTPS KM

¹⁶ Viv dan lakorite ant zotmem. Fode pa ena lorgey, me aksepte servi dan enn manier modes. Pa bizin ena enn tro gran lopinion lor zotmem.

Let pou Romin 12:16 Referans Kwoze

1 Pi 3:8

Finalman, zot tou, zot bizin ena mem lespri, mem konpasion ek mem santiman lamour ant zot. Ena enn bon leker e viv avek limilite.

Eb 13:5

Ki lamour pou larzan pa determinn zot lavi, kontant zot avek seki zot ena, parski Bondie finn dir “Zame mo pa pou kit twa, ni abandonn twa.”

Let pou Romin 15:5

Ki Bondie ki donn landirans ek rekonfor, li osi met lakorite ant zot dapre lexanp Zezi Kris,

Let pou Romin 12:3

Par lagras ki finn donn mwa, mo dir ar sakenn parmi zot fode pa ki zot ena enn lopinion tro ot lor zotmem; okontrer ena bann panse modes, sakenn dapre lafwa ki Bondie finn donn li.

1 Ko 3:18

Fode ki personn pa tom dan lerer. Si ena parmi zot krwar ki li saz dapre sistem lemonn, ki li vinn enn fouka dabor pou lerla li vremem vinn enn saz.

2 Ko 13:11

Finalman, bann frer ek bann ser, viv dan lazwa, fer zefor pou vinn parfe, ankouraz zot kamarad, res dakor ant zot, viv dan lape, e Bondie ki lamour ek lape pou avek zot.

Let pou Romin 11:25

Mo bann frer, mo bann ser, mo anvi ki zot konn enn mister, pouki zot pa konsider zotmem kouma bann tro gran saz. Mister la, seki leker enn parti Izrael finn vinn dir pou enn letan selma, ziska ki lakantite bann non-Zwif konn Bondie.

Lk 14:13

Me kan to fer enn fet invit bann pov, bann infirm, bann bwate ek bann aveg,

1 Ko 8:2

Seki krwar li konn kiksoz li pa ankor konn tou seki bizin kone.

1 Ko 6:5

Les mo demann zot enn kiksoz ki pou anbaras zot: eski pena personn parmi zot ki ena ase sazes pou ziz enn konfli ant bann krwayan?

Let pou Filipien 4:2

Mo inplor Evodi ek Sintik pou viv anakorite dan Lesegner.

1 Ko 4:10

Nou enn bann fou akoz Lekris, me zot, zot bann saz dan linion avek Lekris; nou feb, me zot, zot for; nou gagn dezoner, alor ki zot, zot gagn loner.

Lk 6:20

Apre sa Zezi get so bann disip e li dir, “Bienere zot ki bann pov, Rwayom Bondie pou zot.

Mt 26:11

Parski zot, zot pou touzour gagn bann pov parmi zot me mwa, mo pa pou toultan parmi zot.

Mt 11:5

bann aveg pe trouv kler, bann andikape pe marse, bann lepre pe pirifie, bann sourd pe tande, bann mor pe resisite e bann pov pe tann Bonn Nouvel ki pe anonse.

1 Pi 5:3

Pa fer dominer ar bann ki anba zot, me vinn enn lexanp ki zot troupo pou kapav swiv.

Let pou Filipien 3:16

Me kot nou finn arive, anou kontigne tini ferm dan mem direksion.

Let pou Filipien 1:27

Me selman, amenn zot lavi dapre Bonn Nouvel Lekris. Mem si mo vinn get zot ou pa, mo espere tande ki zot pe tini ferm dan enn sel lespri pou lit ansam pou fer lafwa avanse dapre Bonn Nouvel.

1 Ko 1:10

Dan nom nou Segner Zezi Kris, mo fer enn lapel pouki zot tou res dakor ant zot, pouki pena okenn divizion parmi zot e ki zot bien ini dan enn sel panse ek enn sel konviksion.

Zistwar Bann Zapot 4:32

Sa group krwayan la ti ena enn sel leker, enn sel lespri; personn pa ti dir ki so dibien pou li tousel sa, me zot ti met tou ansam ankominote.

3 Zn 1:9

Mo finn ekrir enn ti mo legliz; me Diotref, ki kontan touzour met li anavan, pa finn aksepte nou lotorite.

Let pou Romin 6:2

Pena sime! Pou seki konsern pese, nou finn mor, li pena pouvwar lor nou; kouma nou kapav kontign viv ladan?

Let pou Romin 11:20

Sa li vre. Ti koup zot akoz zot ti mank lafwa, e twa to dan zot plas akoz lafwa ki to ena. Me pa pran enn ler arogan; okontrer montre boukou respe.