Ga 6:3 - Nouvo Testaman dan Kreol Morisien

³ parski si kikenn panse ki li enn gran dimoun alor ki li nanye ditou, li pe anbet limem.

Nouvo Testaman Kreol Morisien Harmonisation NTPS KM

³ parski si kikenn panse ki li enn gran dimounn alor ki li nanye ditou, li pe anbet limem.

Ga 6:3 Referans Kwoze

1 Ko 3:18

Fode ki personn pa tom dan lerer. Si ena parmi zot krwar ki li saz dapre sistem lemonn, ki li vinn enn fouka dabor pou lerla li vremem vinn enn saz.

1 Ko 8:2

Seki krwar li konn kiksoz li pa ankor konn tou seki bizin kone.

Let pou Romin 12:3

Par lagras ki finn donn mwa, mo dir ar sakenn parmi zot fode pa ki zot ena enn lopinion tro ot lor zotmem; okontrer ena bann panse modes, sakenn dapre lafwa ki Bondie finn donn li.

2 Ko 3:5

Pa nou ki ena konpetans pou fer sa travay la, Bondie ki donn nou kapasite.

1 Ko 13:2

Si mo ena don profetize, mo posed kapasite plonz dan tou mister ek konesans, e si mo ena lafwa pou bouz montagn, me mo pena lamour, mo enn nanye ditou.

1 Zn 1:8

Si nou dir ki nou pena pese, nou tronp noumem, e laverite pa dan nou.

Let pou Romin 12:16

Viv dan lakorite ant zotmem. Fode pa ena lorgey, me aksepte servi dan enn manier modes. Pa ena enn tro gran lopinion lor zotmem.

Lk 18:11

Farizien la ti pe dibout enn kote, apar, e li ti pe priye dan so leker, ‘Bondie, mo remersie twa ki mo pa kouma bann lezot dimoun, voler, explwater, adilter, e sirtou pa kouma sa komi tax la.

Let Zak 1:22

Fodre pa ki zot anbet zotmem parski zot zis ekout so parol me zot pa met li anpratik.

Let Zak 1:26

Si kikenn krwar li enn relizie e li pa vey so lalang, li pe tronp limem, so larelizion pena okenn valer.

2 Tim 3:13

Me tou bann fos krwayan ek bann sarlatan pou touzour fer progre dan lemal. Zot pou tronp dimoun ek zot pou tronp zotmem.

2 Ko 12:11

Mo azir kouma enn fou! Zotmem ki fors mwa vinn koumsa. Ofet, zot ki ti bizin defann mwa, parski mem si mo enn nanye ditou, mo pa inferyer ar zot bann siper-apot.

Ga 2:6

Me pou seki konsern dimoun ki paret bann gran dirizan, seki zot ete pa fer okenn diferans pou mwa, Bondie pa ziz dapre laparans, sa bann dimoun la pa finn inpoz nanye nouvo ar Bonn Nouvel ki mo anonse.

Zistwar Bann Zapot 5:36

Parski pa tro lontan enn kikenn ki ti apel Teodas ti deklar li enn terib; kat san zom ti mars ar li. Me li ti trouv lamor, e tou seki ti pe swiv li ti disperse, e mouvman la ti tegn.

Ga 2:9

Letan Zak, Pier ek Zan, bann gran pilie legliz, rekonet lagras ki Bondie finn donn mwa, zot ser nou lame, Barnabas ek momem, kouma enn sign lakorite. Nou tom dakor ki nou al kot bann non-Zwif e zot kot bann Zwif.