Ga 3:28 - Nouvo Testaman dan Kreol Morisien

²⁸ Li pa fer okenn diferans ki to enn Zwif ou enn Grek, esklav ou lib, zom ou fam, parski nou tou enn sel dan Zezi Kris.

Nouvo Testaman Kreol Morisien Harmonisation NTPS KM

²⁸ Li pa fer okenn diferans ki to enn Zwif ou enn Grek, esklav ou lib, zom ou fam, parski nou tou enn sel dan Zezi Kris.

Ga 3:28 Referans Kwoze

Let pou Kolosien 3:11

la, pena ni Grek ni Zwif, ni seki sirkonsi ni seki pa sirkonsi, etranze, tribi pa sivilize, esklav, lib, me selman Lekris ki tou, Lekris dan zot tou.

Ga 5:6

Pou kikenn ki avek Zezi Kris, sirkonsizion ou pa sirkonsizion, sa pena okenn linportans; lafwa ki azir par lamour ki konte.

Zn 10:16

Mo ena lezot mouton ankor me zot pa dan sa park la ankor; mo bizin al rod zot osi e zot pou ekout mo lavwa. Lerla pou ena enn sel troupo ek enn sel berze.

Ef 4:4

Ena enn sel lekor, enn sel Lespri, e Bondie ti apel zot pou enn sel lesperans.

Let pou Romin 9:24

Nou lepep ki li finn apele, pa selman parmi Zwif, me osi parmi non-Zwif,

Let pou Romin 1:16

Mo ena konfians total dan Bonn Nouvel. Limem lafors ki Bondie servi pou sov tou seki krwar, bann Zwif dabor, me osi bann non-Zwif.

1 Ko 7:19

Li pa inportan si finn fer ou pa finn fer sirkonsizion. Seki inportan, bizin gard komannman Bondie.

Zn 11:52

Pa zis pou zot tou sel, me pouki tou bann zanfan Bondie ki finn disperse, vinn enn sel.

Zn 17:11

Mo nepli dan lemonn alors ki zot ankor dan lemonn; mwa mo pe vinn kot twa. Bondie sin, mo Papa! Protez zot par pouvwar ki to finn donn mwa. Lerla zot pou vinn enn sel kouma nou.

1 Ko 7:14

Parski enn mari non-krwayan li sanktifie par so fam e enn fam non-krwayan li sanktifie par so mari. Sinon zot zanfan ti pou inpir, tandi ki la, zot pre ar Bondie.

Let pou Romin 3:22

Bondie rann nou zis devan li par lafwa ki nou ena dan Zezi Kris. Li tret tou dimoun egal,

Let pou Romin 8:1

Asterla pena okenn kondanasion pou bann dimoun ki dan Zezi Kris.

Ga 3:14

Sa finn arive pouki par Zezi Kris, benediksion Abraam tom osi lor bann payin, e ki nou kapav resevwar promes Lespri dan lafwa.

Ga 3:26

Zot tou bann zanfan Bondie par lafwa dan Zezi Kris.

Ga 4:14

Mem si mo kondision lasante ti enn eprev pou zot, zot pa finn ignor mwa; okontrer zot finn resevwar mwa kouma enn anz Bondie, kouma Zezi Kris limem.

Ga 5:24

e bann ki viv ini avek Kris, zot finn krisifie zot prop laser ek zot bann pasion ek dezir.

Ef 1:1

Mwa Pol, enn apot Zezi Kris par volonte Bondie, mo pe ekrir bann krwayan e bann fidel dan Zezi Kris.

Let pou Filipien 1:1

Mwa Pol ek Timote, serviter Zezi Kris. Nou pe ekrir tou bann pep Bondie dan Filip, zot bann dirizan ek bann diak.

Let pou Kolosien 1:4

parski nou finn tann koz zot lafwa dan Zezi Kris ek zot lamour pou tou bann disip,

1 Tim 1:12

Mo rann gras Zezi Kris nou Segner, mo lafors, parski li finn fer mwa konfians, li finn swazir mwa kouma so serviter.

2 Tim 1:1

Mwa, Pol, mo enn apot Zezi Kris par volonte Bondie. Mo finn resevwar mision pou proklam promes lavi ki gagne kan nou enn sel avek Lekris Zezi.