Ga 2:6 - Nouvo Testaman dan Kreol Morisien

⁶ Me pou seki konsern dimoun ki paret bann gran dirizan, seki zot ete pa fer okenn diferans pou mwa, Bondie pa ziz dapre laparans, sa bann dimoun la pa finn inpoz nanye nouvo ar Bonn Nouvel ki mo anonse.

Nouvo Testaman Kreol Morisien Harmonisation NTPS KM

⁶ Me pou seki konsern dimounn ki paret bann gran dirizan, seki zot ete pa fer okenn diferans pou mwa, Bondie pa ziz dapre laparans, sa bann dimounn-la pa finn inpoz nanye nouvo ar Bonn Nouvel ki mo anonse.

Ga 2:6 Referans Kwoze

Ga 2:2

Mo finn monte apre enn revelasion ki mo finn gagne. Mo finn prezant bannla Bonn Nouvel ki mo anonse parmi bann non-Zwif. Mo ti fer sa dan enn reynion prive ar bann dirizan pli inportan. Mo pa ti anvi ki travay ki mo finn fer, ek seki mo pe fer asterla, zot initil e pa servi nanye.

Zistwar Bann Zapot 10:34

Pier pran laparol, li dir, “Asterla mo realize ki Bondie tret tou dimoun parey lor mem baz.

2 Ko 12:11

Mo azir kouma enn fou! Zotmem ki fors mwa vinn koumsa. Ofet, zot ki ti bizin defann mwa, parski mem si mo enn nanye ditou, mo pa inferyer ar zot bann siper-apot.

Ga 6:3

parski si kikenn panse ki li enn gran dimoun alor ki li nanye ditou, li pe anbet limem.

2 Ko 11:5

Mo panse ki mo pa inferyer dan okenn fason ar zot “siper-apot.”

Let pou Romin 2:11

parski devan Bondie tou dimoun parey.

1 Pi 1:17

Si zot priye Bondie kouma Papa ki ziz tou dimoun parey dapre so aksion, zot bizin ena respe pou li letan ki zot lor later.

Eb 13:17

Obeir zot dirizan e swiv zot lord, parski bannla pe vey lor zot lam, zot bann dimoun ki bizin rann kont Bondie. Fer zot travay avek boukou lazwa e non pa avek tristes parski sa pa pou amenn okenn lavantaz pou zot.

Eb 13:7

Mazinn zot bann ansien dirizan ki finn anons zot parol Bondie. Mazinn fason ki zot ti pe viv e kouma zot finn mor, e imit zot lafwa.

2 Ko 5:16

Alor depi aster nou nepli konsider okenn dimoun dapre manier imin. Mem si avan nou ti konsider Lekris dan enn manier imin, nou pa get li koumsa asterla.

Lk 20:21

Alors zot poz li enn kestion, “Met, nou kone ki to parol e to lansegnman zot bien drwat; to pa get dapre figir dimoun, me to ansegn sime Bondie dapre laverite.

Mk 12:14

Zot vini e zot dir li, “Met, nou kone ki to koz fran, to pa les dimoun inflians twa, to pa ziz dimoun dapre so laparans me to montre sime Bondie dapre laverite; eski dapre lalwa nou bizin pey tax Sezar, wi ou non? Bizin peye, pa bizin peye?”

Mt 22:16

Alor, zot avoy zot bann disip, ansam avek bann Erodien pou al get Zezi. Bann la dir li, “Met, nou kone ki to sinser, seki to ansegne lor lalwa Bondie li vre, e to pa les twa inflianse par personn parski to tret to dimoun parey.

Zistwar Bann Zapot 5:36

Parski pa tro lontan enn kikenn ki ti apel Teodas ti deklar li enn terib; kat san zom ti mars ar li. Me li ti trouv lamor, e tou seki ti pe swiv li ti disperse, e mouvman la ti tegn.