Ef 1:3 - Nouvo Testaman dan Kreol Morisien

³ Anou beni Bondie ki Papa nou Segner Zezi Kris. Dan nou linion avek Zezi Kris, Bondie finn beni nou ar tou kalite benediksion spiritiel lao dan lesiel.

Nouvo Testaman Kreol Morisien Harmonisation NTPS KM

³ Anou beni Bondie ki Papa nou Segner Zezi Kris. Dan nou linion avek Zezi Kris, Bondie finn beni nou ar tou kalite benediksion spiritiel lao dan lesiel.

Ef 1:3 Referans Kwoze

1 Pi 1:3

Ki Bondie, Papa nou Segner Zezi Kris, li beni; parski dan so gran mizerikord, li finn donn nou enn nouvo lavi ler li resisit Zezi depi bann mor, e li donn nou enn lesperans vivan;

2 Ko 1:3

Anou loue Bondie ek Papa Zezi Kris, Papa ki ena mizerikord ek toultan konsol nou.

Ef 2:6

Li finn resisit nou avek Lekris pou fer nou regne avek li lao dan lesiel.

Ef 1:20

ki li finn met anaksion dan Lekris kan li ti resisit li parmi bann mor e li ti fer li asiz lor so drwat, lao dan lesiel.

Ef 6:12

Nou pa pe lit kont pwisans imin me kont bann dirizan, bann lotorite, bann pouvwar ki dominn sa lemonn teneb la, kont pwisans spiritiel lemal lao dan lesiel.

Ef 3:10

Asterla atraver legliz, bann lotorite ek bann pouvwar ki lao dan lesiel kapav konn sazes Bondie dan tou so diferan form.

Ga 3:9

Pou sa rezon la, tou dimoun ki krwar, zot pou beni avek Abraam ki ti krwar.

Zn 17:21

Mo priye pouki zot tou vinn enn sel e ki zot res ar nou parey kouma twa Papa, to dan mwa e mwa mo dan twa. Lerla lemonn pou krwar ki to finn avoy mwa.

Ef 1:17

Mo priye Bondie Papa nou Segner Zezi Kris, Papa ki ena laglwar, ki li donn zot Lespri lasazes, e Lespri ki devwal Bondie pouki zot konn li plis ankor.

2 Ko 11:31

Bondie ki Papa Lesegner Zezi, ki beni pou leternite, kone ki mo pa pe koz manti.

2 Ko 5:21

Lekris pa ti ena pese, me Bondie finn met nou pese lor li, pouki letan nou ini ansam ar li, nou rant dan enn lavi akseptab devan Bondie.

1 Ko 12:12

Enn lekor, mem si ena plizir manm, li form enn sel linite. Lekris, li parey.

Let pou Romin 12:5

Dan mem fason, nou ki plizir, nou form enn sel lekor dan linion avek Lekris e sakenn apartenir ar lezot.

Ef 1:10

Sa plan la, ki Bondie pou termine dan lafin letan, li enn plan pou reynir tou seki dan lesiel ek lor later anba enn sel sef, Lekris.

2 Ko 5:17

Si kikenn ini ar Lekris, li vinn enn nouvo kreasion; seki vie finn disparet, seki nouvo ki la.

Let pou Romin 15:6

pouki zot tou ansam e enn sel lavwa zot loue Bondie ek Papa nou Segner Zezi Kris.

Eb 8:5

Seki sa bann pret la fer, li zis enn kopi seki pe pase dan lesiel. Li resanble seki ti arive avek Moiz letan li ti pe rod konstrir latant. Bondie ti dir li, “Tansion! Fer tou dapre model ki ti montre twa lor montagn.”

Let pou Filipien 2:11

e tou dimoun pou proklam ki Zezi Kris limem Segner, pou laglwar Bondie Papa.

1 Ko 1:30

Limem lasours zot lavi dan Zezi Kris, ki finn vinn pou nou sazes ki sorti kot Bondie. Lekris rann nou drwat, li met nou apar pou Bondie, limem nou delivrans.

Eb 9:23

Si bann kopi kitsoz dan lesiel bizin pirifie par sa bann rit la, alor bann realite lesiel merit meyer sakrifis ki sa.

Zn 20:17

Zezi dir, “Pa tous mwa, parski mo pankor mont kot mo Papa. Al kot mo bann frer e dir zot, ‘Mo pe al kot mo Papa ek zot Papa, kot mo Bondie ek zot Bondie.’ ”

Zn 14:20

Sa zour la, zot pou kone ki mo dan mo Papa e ki zot dan mwa e ki mwa, mo dan zot.

Lk 2:28

Simeon pran li dan so lebra e remersie Bondie, li dir,