Eb 9:15 - Nouvo Testaman dan Kreol Morisien

¹⁵ Ala kifer li mediater enn nouvo lalians, pouki bann ki finn apele kapav resevwar leritaz eternel ki finn promet, parski finn ena enn lamor ki finn vinn efas fot ki zot finn komet anba ansien lalians.

Nouvo Testaman Kreol Morisien Harmonisation NTPS KM

¹⁵ Ala kifer li mediater enn nouvo lalians, pou ki bann ki finn apele kapav resevwar leritaz eternel ki finn promet, parski finn ena enn lamor ki finn vinn efas fot ki zot finn komet anba ansien lalians.

Eb 9:15 Referans Kwoze

Let pou Romin 8:30

Sa bann ki Bondie ti swazire davans, li ti osi apel zot; bann ki li ti apele, li finn zistifie zot; bann ki li ti zistifie, li finn glorifie zot.

Let pou Romin 8:28

Nou kone ki Bondie pou servi tou kiksoz pou bienet bann dimoun ki kontan li, ki li finn apele dapre so plan.

Eb 9:12

Li finn rant enn fwa pou tou dan sanktyer, non pa avek disan bouk oubien toro, me avek so prop disan. Koumsamem li finn delivre nou pou toultan.

Eb 10:36

Zot bizin landirans pouki letan zot finn fer volonte Bondie, zot kapav resevwar seki li finn promet zot.

1 Tim 2:5

Kouma ena enn sel Bondie, ena osi enn sel mediater ant Bondie ek limanite, Zezi Kris limem enn imin

Eb 12:24

Zot finn apros Zezi ki mediater nouvo lalians, zot finn apros so disan ki finn verse e ki meyer ki disan Abel.

Eb 7:22

Par sa serman la Zezi garanti pou nou enn meyer lalians.

1 Pi 3:18

Ofet, Zezi Kris limem li finn soufer pou pese tou dimoun; parey kouma enn inosan li finn mor pou bann koupab, pou li kapav amenn zot kot Bondie. Fizikman zot finn touy li, me li finn reviv spiritielman,

Eb 13:20

Bondie, lasours lape, finn resisit nou Segner Zezi, gran Berze bann mouton, ki finn vers so disan ki garanti enn lalians eternel.

Let pou Romin 5:6

Letan nou ti ankor feb, Lekris ti mor pou bann peser dan letan ki ti finn fixe.

Eb 9:28

Alor Kris, ki finn ofer limem enn sel fwa pou efas pese enn kantite dimoun, li pou paret enn deziem fwa, non pa pou efas pese, me pou sov bann ki pe vremem atann so retour.

Eb 6:13

Personn pa pli gran ki Bondie. Kan li finn fer promes avek Abraam, li finn fer serman dan so prop nom.

Eb 3:1

Alor mo bann frer, mo bann ser Kretien, zot ki partaz enn lapel sorti dan lesiel, konsider Zezi kouma enn apot e enn gran pret ki nou lafwa proklame.

Eb 2:14

Parski sa bann zanfan la, zot ena enn natir imin ki fer avek laser ek disan. Zezi osi partaz sa mem natir la. Li finn mor e atraver so lamor li finn detrir Satan ki ena pouvwar touy dimoun.

Revelasion 5:9

Zot sant enn nouvo kantik: “To merit pran liv la e kas so bann sele parski zot finn touy twa, e avek to disan, to finn raste pou Bondie, dimoun tousort tribi, langaz, pei ek nasion.

Eb 8:13

Letan li pe koz enn nouvo lalians, li ti pe fer sa premie lalians la vinn ansien. E seki ansien e pe viei pou disparet.

Let pou Tit 3:7

e kan li rann nou zis par lagras, nou gagn dan lesperans leritaz lavi eternel.

Let pou Tit 1:2

Zot pou gagn lesperans lavi eternel ki Bondie finn promet depi lontan. E Bondie zame koz manti.

2 Tim 2:10

Mo pe siport tousala pou bann ki Bondie finn swazir. Alor Lekris Zezi pou sov zot ek zot pou gout laglwar eternel.

Zn 10:28

Mo donn zot lavi eternel, e zame zot pou mor. Personn pa pou kapav tir zot dan mo lame.

Mt 19:29

Dimoun ki finn kit lakaz, frer, ser, papa, mama, zanfan ek zot later akoz mwa, pou resevwar san fwa plis e zot pou erit lavi eternel.

1 Zn 2:25

Samem ki li finn promet nou: lavi eternel.

1 Pi 5:10

Zot ena pou soufer ankor inpe letan. Bondie, ki lasours lagras, ki finn apel zot pou so laglwar eternel dan Zezi Kris, pou limem beni zot, donn zot lafors e ranz zot lexistans lor enn baz solid.

Let Zak 1:12

Li pou bienere sa dimoun ki tini ferm dan leprev. Bann ki prouve zot ferm pou resevwar kouronn laviktwar ki Bondie finn promet bann ki kontan li.

Eb 11:13

Zot tou finn mor dan lafwa san ki zot finn resevwar bann promes Bondie, me zot finn kontan parski zot finn trouv li delwin. Zot ti konfese ki zot bann etranze ek exile lor later.

2 Tes 2:14

Atraver Bonn Nouvel ki nou finn anons zot, Koumsamem Bondie finn apel zot pou ete. Li finn apel zot pouki zot gagn zot par dan laglwar nou Segner Zezi Kris.

Let pou Romin 6:23

Saler pese, li lamor, me don Bondie li lavi eternel dan Zezi Kris nou Segner.

Eb 9:16

La kot ena enn testaman, li neseser prouv lamor sa dimoun ki finn fer sa testaman la.

2 Ko 3:6

Limem ki fer nou vinn enn minis konpetan pou servi nouvo lalians, ki pa depann lor lalwa ekri me lor Lespri. Lalwa amenn lamor, me Lespri donn lavi.

Let pou Romin 9:24

Nou lepep ki li finn apele, pa selman parmi Zwif, me osi parmi non-Zwif,

Let pou Romin 5:10

Nou ti bann ennmi Bondie, me nou finn rekonsilie ar li par lamor so Garson; aster ki nou rekonsilie ar li, ena plis rezon ki nou pou sove par lavi so Garson.

Let pou Romin 5:8

Me ala kimanier Bondie prouve ki kantite lamour li ena pou nou: letan nou ti ankor peser, Lekris finn mor pou nou.

Lk 18:18

Enn sef Zwif dimann Zezi, “Bon Met, ki mo bizin fer pou gagn lavi eternel?”

Mk 10:17

Letan Zezi ti pe sorti pou ale, enn dimoun galoupe, vini, tom dan so lipie e dimann li, “Met, twa ki bon, ki mo bizin fer pou gagn lavi eternel aneritaz?”

Mt 25:36

Mo ti touni, e zot finn donn mwa linz. Mo ti malad, e zot finn vizit mwa. Mo ti dan prizon e zot finn vinn get mwa.’

Mt 25:34

Alor lerwa pou dir ar bann ki dan kote drwat, ‘Vini, zot ki mo papa finn beni. Resevwar rwayom ki Bondie finn prepare pou zot depi kreasion lemonn.

Ef 1:7

Dan Lekris, nou finn gagn delivrans par so disan, dan Lekris nou bann fot finn pardone dapre rises so lagras.

Mt 22:3

Li avoy so bann serviter pou apel bann invite, me zot refiz vini.

Lk 22:20

Li fer parey ar koup la apre ki finn fini manze, li dir, “Samem koup nouvo lalians ki mo fer par mo disan. Mo vers sa pou zot.

Zistwar Bann Zapot 20:32

Asterla mo remet zot dan lame Bondie. So parol montre so lagras ki kapav donn zot lafors. Sa lagras la donn zot enn leritaz parmi bann ki li finn sanktifie.

Ga 3:20

Enn mediater pa neseser si zis enn dimoun ki konserne, me Bondie li enn sel.

Eb 6:15

Abraam finn atann avek pasians e li finn gagn seki Bondie ti promet li.

Eb 10:34

Zot finn pran par dan soufrans bann prizonie. Dan lazwa, zot finn aksepte ki bannla kokin tou zot dibien parski zot kone ki zot, zot posed kitsoz ankor pli meyer e ki pou reste pou toultan.