Eb 9:10 - Nouvo Testaman dan Kreol Morisien

¹⁰ Me li konsern selman manze, bwar ek diferan seremoni pirifikasion, enn bann rit imin ki finn inpoze ziska ki tou pou sanze pou toultan.

Nouvo Testaman Kreol Morisien Harmonisation NTPS KM

¹⁰ Me li konsern selman manze, bwar ek diferan seremoni pirifikasion, enn bann rit imin ki finn inpoze ziska ki tou pou sanze pou touletan.

Eb 9:10 Referans Kwoze

Let pou Kolosien 2:16

Asterla, personn pa kapav kondann zot pou bann kestion manze bwar, akoz fet, nouvel linn ou bien saba.

Ef 2:15

Li finn aboli lalwa, ek so komannman ek so bann regleman. Li ti oule apartir Zwif ek non-Zwif kre enn nouvo pep dan linion avek li, ek etablir lape.

Eb 7:16

kikenn ki finn vinn pret, non par bann regleman legal konsernan so desandans imin, me par pouvwar enn lavi ki pa kapav detrir.

Eb 10:22

Anou apros nou kot Bondie avek enn leker sinser ek enn lafwa total, leker prop dan enn lekor lave avek dilo pir.

Eb 9:1

Asterla, mem dan premie lalians, ti ena bann rit konsernan ladorasion ek sanktyer ki ti lor later.

Eb 6:5

ki finn gout labonte parol Bondie e finn santi pwisans lemonn ki pe vini,

Eb 2:5

Ofet, sa lemonn ki pe vini e ki nou pe koze la, Bondie pa finn plas li anba pouvwar bann anz.

Eb 13:9

Pa les tousort lansegnman etranze anbet zot. Li bon ki zot fortifie zot leker avek lagras Bondie, e non pa par bann regleman konsernan manze. Bann ki finn obzerv sa bann regleman la pa finn tir okenn benefis ladan.

Eb 6:2

kouma lansegnman lor batem e inpozision lame; kouma rezireksion bann mor ek zizman eternel.

Ef 1:10

Sa plan la, ki Bondie pou termine dan lafin letan, li enn plan pou reynir tou seki dan lesiel ek lor later anba enn sel sef, Lekris.

Ga 4:9

Me asterla zot konn Bondie - ou plito asterla Bondie konn zot - kouma zot kapav retourn ankor anba sa bann lespri elemanter ki feb ek pov la? Zot anvi revinn zot esklav ankor?

Mk 7:4

Kan zot sorti dan enn landrwa piblik, zot bizin lav zot, apre zot manze. Ena enn pake tradision koumsa ki zot finn resevwar e ki zot bien respekte, par exanp zot lav bann koup, brok, deksi.

Eb 7:12

Kan ena sanzman dan saserdos pretriz, li osi neseser ki sanz lalwa.