Eb 7:19 - Nouvo Testaman dan Kreol Morisien

¹⁹ parski lalwa pa finn amenn nanye ki parfe; lot kote finn ena enn meyer lesperans, e atraver li, nou kapav apros Bondie.

Nouvo Testaman Kreol Morisien Harmonisation NTPS KM

¹⁹ parski lalwa pa finn amenn nanye ki parfe; lot kote finn ena enn meyer lesperans, e atraver li, nou kapav apros Bondie.

Eb 7:19 Referans Kwoze

Zistwar Bann Zapot 13:39

Par Zezi tou dimoun ki krwar pe gagn liberasion so bann pese ki lalwa Moiz pa ti kapav fer.

Eb 4:16

Avek konfians, anou apros tronn Bondie pou resevwar so mizerikord ek so lagras pou ed nou kan nou bizin.

Eb 9:9

Sa enn sinbol pou letan aster, pou montre ki sakrifis ki pe ofer pa pirifie dimoun ki pe ofer li.

Let pou Romin 8:3

Bondie finn akonpli seki inposib pou lalwa fer parski febles natir imin finn rann li inpwisan. Bondie finn kondann pese ki dan nou natir imin par so prop Garson ki li ti anvwaye dan enn natir imin parey kouma pou nou.

Eb 11:40

Ofet Bondie finn prevwar kitsoz meyer pou nou, pouki selma ansam ar nou, zot pou vinn parfe.

Eb 10:1

Lalwa li nek enn lonbraz bann vre kitsoz ki pou vini apre e li pa enn reprezantasion exak sa bann kitsoz la. Li pa kapav pirifie bann ki apros zot ar Bondie malgre ti pe ofer sakrifis lor sakrifis, lane apre lane.

Eb 6:18

Bondie pa koz manti. Alor so promes ek so serman, sa de kiksoz ki pa kapav sanze. So promes bizin ankouraz nou pou tini ferm dan lesperans ki finn propoz nou.

Let pou Romin 5:2

Akoz nou ena lafwa dan Lekris, li finn fer nou gagn akse lagras Bondie, e nou viv dan lexperyans sa lagras la. Nou met nou fierte dan lesperans ki nou partaz laglwar Bondie.

Eb 8:6

Me, avredir Lekris finn resevwar enn minister ankor pli siperyer, parski dan sa pozision la, limem mediater enn meyer lalians, baze lor bann meyer promes.

Eb 7:25

Alor samem li kapav sov dimoun ki vinn kot Bondie atraver li, parski li touzour vivan pou pled dan zot faver.

Ga 2:16

Pourtan nou kone ki enn dimoun pa zistifie par pratik lalwa me par so lafwa dan Zezi Kris. Nou osi, nou finn krwar dan Zezi Kris, pouki nou zistifie par Zezi Kris, e pa par pratik lalwa, parski personn pa zistifie parski li pratik lalwa.

Zn 14:6

Zezi dir li, “Momem sime, laverite, lavi; personn pa kapav al kot mo Papa si li pa pas par mwa.

Eb 7:11

Lor baz pretriz Levitik ki lepep Izrael ti gagn lalwa; si perfeksion ti posib par sa pretriz la, kiserti atann enn lot pret dapre Melkisedek, si ena enn dapre Aaron?

1 Tim 1:1

Mwa, Pol, mo finn vinn apot Zezi Kris gras ar promes Bondie nou Sover ek Zezi Kris nou lesperans,

Let pou Kolosien 1:27

Li finn anvi fer zot konn rises ek laglwar sa mister la parmi bann pep: Lekris parmi zot, lesperans laglwar!

Ef 3:12

Par Lekris ek par nou lafwa dan li nou kapav ena kouraz pou rant dan prezans Bondie ar konfians.

Ga 3:24

Alors lalwa ti nou gardien ziska Lekris vini, pouki nou vinn zis par lafwa devan Bondie.

Zn 1:17

Si par Moiz nou finn resevwar lalwa, par Zezi Kris nou finn resevwar enn lamour infini.

Let pou Romin 7:7

Ki nou kapav dir alor? Nou pou dir ki lalwa pese? Pena sime! Mo pa ti pou kone kisavedir pese si pa ti ena lalwa. Mo pa ti pou kone kisavedir konvwatiz si lalwa pa ti dir, “Pa dezir kiksoz lezot dimoun.”

Ga 3:21

Eski lalwa li kont promes Bondie? Pa ditou! Parski si donn enn lalwa ki ena pouvwar donn lavi, alor biensir kapav vinn zis devan lizie Bondie par lalwa.

Eb 3:6

Me Lekris, finn fidel dan lakaz Bondie kouma so Garson. E noumem ki so lakaz, si nou res ferm dan nou lasirans ek fierte dan lesperans.

Eb 7:20

Anplis ena osi serman Bondie. Lezot ki finn vinn pret pa finn fer okenn serman.

Eb 11:6

San lafwa, personn pa kapav fer Bondie plezir. Parski kikenn ki apros Bondie bizin krwar ki li existe e ki Bondie rekonpans dimoun ki rod li.

Let Zak 4:8

Apros zot ar Bondie e li pou vinn pros ar zot. Zot, bann peser, netway zot lame ek pirifie zot leker ipokrit.